Mateo 26:39 - Mixteco del suroeste de Tlaxiaco Oaxaca

³⁹ Jee nika Jesús ntíꞌ ka̱ꞌ ichinúúnꞌ, jee ña̱kui̱ñɨ̱ꞌ ítɨ́ re̱ꞌ ña̱xin re̱ꞌ nu̱u̱nꞌ re̱ꞌ ne̱ nu̱u̱nꞌ ñu̱ꞌún, jee jíkánꞌ táꞌvíꞌ re̱ꞌ, jee káchíꞌ re̱ꞌ: ―Tátáꞌ ni̱ꞌ, retú kuvi, jee siíyo nú copa yaꞌá ya̱ kúvi tu̱nóꞌó kiji kunoꞌo ni̱ꞌ. Soo koto saꞌá nú sáni kuíni iniꞌ nuꞌuꞌ, chisaꞌ saꞌá nú sáni kuíni maánú ―nkachiꞌ Jesús.

Mateo 26:39 交叉引用

Juan 6:38

Chi nkikuun ni̱ꞌ ne̱ antivɨ́, nsú sáva saꞌá ni̱ꞌ ya̱ kuíni ni̱ꞌ, chisaꞌ sáva saꞌá ni̱ꞌ ya̱ kuíni maáréꞌ ya̱ nchu̱ichí nuꞌuꞌ va̱ji ni̱ꞌ.

Filipenses 2:8

Sáá ɨɨn nuún ni ntu̱vi re̱ꞌ jín te̱e, jee nsa̱ꞌá láꞌví re̱ꞌ maáréꞌ, jee nkenta re̱ꞌ nka̱níjiá re̱ꞌ Ndiosíꞌ ne̱ jín tu̱ꞌun ya̱ kuviꞌ re̱ꞌ, ¡sú ne̱ kuviꞌ re̱ꞌ nu̱u̱nꞌ kurúsiꞌ!

Mateo 26:42

Jee nni̱kó tuku re̱ꞌ kua̱ꞌa̱nꞌ re̱ꞌ ya̱ uvíꞌ íchí, jee jíkánꞌ táꞌvíꞌ re̱ꞌ, jee nkachiꞌ re̱ꞌ: ―Tátáꞌ maáníꞌ, retú ntu kúvi jia̱ꞌa tu̱nóꞌó yaꞌá ya̱ váji kunoꞌo ni̱ꞌ, jee saꞌá sáni kuíni maánú ―nkachiꞌ Jesús.

Hebreos 5:7

Jee rá ki̱vɨ̱ꞌ kúvi Cristo te̱e ñunéꞌyúꞌ sáá nneeꞌ re̱ꞌ iniꞌ ñɨ̱vɨ́ yaꞌá, jee ni̱ka̱nꞌ táꞌvíꞌ re̱ꞌ nkaꞌanꞌ kua̱chi re̱ꞌ ne̱ jiáku iniꞌ re̱ꞌ nka̱najíín re̱ꞌ nnaꞌyuꞌ ntenúúnꞌ re̱ꞌ nu̱u̱nꞌ Ndiosíꞌ ya̱ níso‑o fuersáꞌ sikáku‑u re̱ꞌ ya̱ kuviꞌ re̱ꞌ nékúvi. Jee saáva ntɨɨn kuéntáꞌ Ndiosíꞌ maa jie̱ꞌe̱ꞌ ya̱ ñúyúꞌví iniꞌ re̱ꞌ néꞌyá re̱ꞌ Ndiosíꞌ.

Juan 5:30

’Nuꞌuꞌ ntu kúvi saꞌá ni̱ꞌ ni ɨɨn tiñu ya̱ maáníꞌ, chi sáni tésóꞌo ni̱ꞌ ya̱ káchíꞌ Tátáꞌ ni̱ꞌ sukuán násanáaꞌ ni̱ꞌ. Na̱a̱ꞌ násanáaꞌ ni̱ꞌ, chi ntu núkú ni̱ꞌ saꞌá ni̱ꞌ sáni kuíni ni̱ꞌ chisaꞌ núkú ni̱ꞌ saꞌá ni̱ꞌ sáni kuíni maáréꞌ ya̱ nchu̱ichí re̱ꞌ nuꞌuꞌ.

Juan 14:31

Soo íyó kuvi sukuán sáva kuniꞌ rá ñɨvɨ ñɨ̱vɨ́ yaꞌá ya̱ ñúnúunꞌ ni̱ꞌ Tátáꞌ ni̱ꞌ, jín ya̱ síkúnkuvi ni̱ꞌ sáꞌá ni̱ꞌ sánikua̱ꞌ nta̱túníꞌ Tátáꞌ ni̱ꞌ nu̱u̱nꞌ ni̱ꞌ. Nakuiñɨꞌ‑órán, jee nkɨ́ꞌɨ́nꞌ‑órán ―nkachiꞌ Jesús.

Juan 18:11

Saájee nkachiꞌ Jesús nu̱u̱nꞌ Pedro: ―Nachuꞌun yuchiꞌ espada nú iniꞌ ñɨɨn yuchiꞌ nú. Chi tu̱nóꞌó ntaji Tátáꞌ ni̱ꞌ nu̱u̱nꞌ ni̱ꞌ, ¿á ntu saá íyó kunoꞌo ni̱ꞌ maa réja? ―nkachiꞌ Jesús.

Juan 11:41

Saájee nxi̱tá ráa yu̱u̱ꞌ nu̱u̱nꞌ yɨ́ꞌɨ́ te̱e níꞌiꞌ vá. Jee nna̱neꞌen nu̱u̱nꞌ Jesús, jee nna̱kune̱ꞌyá re̱ꞌ ne̱ súkún, jee nkachiꞌ re̱ꞌ: ―Tátáꞌ ni̱ꞌ, táji ni̱ꞌ ya̱ kutaꞌviꞌ ni̱ꞌ nu̱u̱nꞌ nú, chi ntɨɨn kuéntáꞌ nú nu̱u̱nꞌ tu̱ꞌun nkachiꞌ ni̱ꞌ.

Mateo 20:22

Jee nna̱xiníkó Jesús nu̱u̱nꞌ ráa, jee nkachiꞌ re̱ꞌ: ―Ntu jíníꞌ rán ná kúvi ya̱ jíkánꞌ rán nu̱u̱nꞌ ni̱ꞌ. ¿Á kuvi kunoꞌo rán tu̱nóꞌó kiji kunoꞌo ni̱ꞌ, koꞌo ni̱ꞌ maa? [Jee, ¿á kuvi kunoꞌo rán tu̱nóꞌó kunoꞌo ni̱ꞌ kuéntáꞌ kuanuté ni̱ꞌ maa?] ―nkachiꞌ Jesús. Jee nkachiꞌ ráa: ―Kuvi saꞌá ránꞌ maa.

Mateo 24:24

Chi kiji rá te̱e xínáꞌví ya̱ kachiꞌ ráa nika̱ꞌ ya̱ Cristo ví ráa. Jee kenta rá ñɨvɨ ya̱ kachiꞌ ráa nika̱ꞌ ya̱ nákani ráa tu̱ꞌun kéne yuꞌú Ndiosíꞌ, jee saꞌá ráa rá seña a̱nasɨ́ jín rá tiñu a̱nasɨ́ ya̱ ti̱vɨ́ xíniꞌ rá ñɨvɨ sáva xináꞌví ráa rá ñɨvɨ. Jee saꞌá ráa maa sáva xináꞌví ráa ne̱ rá ñɨvɨ nka̱ji Ndiosíꞌ, retú sa̱naanꞌ kuvi.

Apoclipsis 19:10

Saájee nuꞌuꞌ nna̱kui̱ñɨ̱ꞌ ítɨ́ ni̱ꞌ jiáxin ni̱ꞌ maáníꞌ ne̱ nu̱u̱nꞌ ñu̱ꞌún nu̱u̱nꞌ najiáꞌáꞌ ííꞌ vá sáva kuneñu̱ꞌun ni̱ꞌ maa. Soo nkachiꞌ‑i nu̱u̱nꞌ ni̱ꞌ: ―Koto sáꞌá nú sukuán. Chi suni táꞌán musúꞌ kúvi ni̱ꞌ jín noꞌó jín rá ñanitáꞌán nú, ya̱ yɨ́tíñú‑órán nu̱u̱nꞌ Ndiosíꞌ ya̱ níkɨ́nꞌ kutú váꞌa‑ó tu̱ꞌun jie̱ꞌe̱ꞌ Jesús. Saáva kuneñu̱ꞌun nú máá maá Ndiosíꞌ. Chi rá tu̱ꞌun na̱a̱ꞌ ya̱ nkachitu̱ꞌún Jesús, yukuán kúvi tu̱ꞌun na̱a̱ꞌ ya̱ jiáꞌa Ta̱chi̱ꞌ Ííꞌ nu̱u̱nꞌ rá ñɨvɨ ya̱ káchítu̱ꞌún na̱a̱ꞌ tu̱ꞌun kéne yuꞌú Ndiosíꞌ ―nkachiꞌ najiáꞌáꞌ ííꞌ vá.

Génesis 17:3

Jee ña̱xin nei Abram nu̱u̱nꞌ re̱ꞌ ne̱ nu̱u̱nꞌ ñuꞌún, jee nkaꞌanꞌ Ndiosíꞌ jín re̱ꞌ jee nkachiꞌ‑i nu̱u̱nꞌ re̱ꞌ:

Hechos 10:25

Sáá nkenta Pedro yuvéꞌí, jee nkene Cornelio nkaꞌanꞌ‑a jín re̱ꞌ. Jee nna̱kui̱ñɨ̱ꞌ ítɨ́ Cornelio jie̱ꞌe̱ꞌ re̱ꞌ, jee nneñu̱ꞌun‑u re̱ꞌ.

Lucas 17:16

Jee nna̱kui̱ñɨ̱ꞌ ítɨ́‑ɨ jie̱ꞌe̱ꞌ Jesús, jee ña̱xin‑i nu̱u̱nꞌ‑u ne̱ nu̱u̱nꞌ ñu̱ꞌún, jiáꞌa‑a ya̱ kútaꞌviꞌ‑i nu̱u̱nꞌ Jesús. Jee kúvi‑i ɨɨn te̱e ñuunꞌ Samaria.

Marcos 13:22

chi kiji rá te̱e xínáꞌví ya̱ kachiꞌ ráa nika̱ꞌ ya̱ Cristo ví ráa. Jee kenta rá ñɨvɨ ya̱ kachiꞌ ráa nika̱ꞌ ya̱ nákani ráa tu̱ꞌun kéne yuꞌú Ndiosíꞌ. Jee saꞌá ráa rá seña a̱nasɨ́ jín rá tiñu a̱nasɨ́ ya̱ ti̱vɨ́ xíniꞌ rá ñɨvɨ sáva xináꞌví ráa rá ñɨvɨ. Jee saꞌá ráa maa sáva xináꞌví ráa ne̱ rá ñɨvɨ nka̱ji Ndiosíꞌ, retú sa̱naanꞌ kuvi.

Juan 5:19

Saájee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán: Nuꞌuꞌ, ya̱ kúvi ni̱ꞌ Se̱ꞌya Ndiosíꞌ, nkúvi saꞌá ni̱ꞌ ni ɨɨn tiñu ya̱ maáníꞌ, chi kua̱chi sáꞌá ni̱ꞌ sáni néꞌyá ni̱ꞌ ya̱ sáꞌá Tátáꞌ ni̱ꞌ. Chi néni ɨɨn tiñu ya̱ sáꞌá Tátáꞌ ni̱ꞌ Ndiosíꞌ, suni sukuán nuꞌuꞌ ya̱ kúvi ni̱ꞌ Se̱ꞌya Ndiosíꞌ nuún sáꞌá ni̱ꞌ maa.