29 ’Jee kuísá ntañúꞌún kuitɨꞌ ré njia̱ꞌa tu̱nóꞌó rá ki̱vɨ̱ꞌ yukuán, jee nuneenꞌ nka̱niiꞌ, jee nsáꞌ kutuunꞌ ka̱ꞌ ñuꞌunꞌ yo̱o̱ꞌ, jee ku̱te̱ꞌ rá tiu̱u̱nꞌ ne̱ súkún, jee kajiaꞌ rá fuersáꞌ súkún ya̱ tɨ́ɨn nɨꞌɨ ya̱ íyó súkún.
Soo ki̱vɨ̱ꞌ ya̱ nenta I̱toꞌoꞌ‑ó sanáaꞌ re̱ꞌ jee sa̱naanꞌ ni nenta re̱ꞌ kuéntáꞌ kua̱ꞌ sa̱naanꞌ ni kenta ɨɨn te̱e kuíꞌná. Jee ki̱vɨ̱ꞌ nenta re̱ꞌ, jee nɨꞌɨn víꞌí súkún jee kɨ̱naanꞌ‑a. Jee nɨꞌɨ ya̱ íyó súkún jín ñɨ̱vɨ́ ka̱yu̱ꞌ‑u jee ta̱nɨ̱ꞌ‑ɨ jee nta̱ká ya̱ íyó iniꞌ ñɨ̱vɨ́ yaꞌá ka̱yu̱ꞌ‑u.
Jee najiáꞌáꞌ ííꞌ kúmíꞌ nti̱vɨ̱ꞌ‑ɨ trompeta‑a. Jee ɨɨn ya̱ uníꞌ parte nka̱niiꞌ, jín suni ɨɨn ya̱ uníꞌ parte yo̱o̱ꞌ, jín suni ɨɨn ya̱ uníꞌ parte rá tiu̱u̱nꞌ nti̱vɨ́ ráa. Jee nnu̱neenꞌ rá parte vá, jee ntu ka̱ꞌ túúnꞌ ñuꞌunꞌ ráa ya̱ uníꞌ parte nuví ya̱ uníꞌ parte yakuááꞌ.
Chi saájee tiempúꞌ yukuán koo tu̱nóꞌó máá na̱sɨ xéénꞌ nasɨ́kuitɨꞌ, ya̱ ni ntiáꞌan kuvi ne̱ tiempúꞌ xíꞌnañúꞌún ña̱ko̱o ñɨ̱vɨ́ yaꞌá ne̱ vitan, jee ni nsáꞌ koo‑o ka̱ꞌ suꞌva.
Soo nɨꞌɨ rá yaꞌá kúvi tu̱nóꞌó ya̱ kijiéꞌé xíꞌnañúꞌún ka̱ꞌ.
