Mateo 23:31 - Mixteco del suroeste de Tlaxiaco Oaxaca

³¹ Jee suꞌva stúvi rán ya̱ nááꞌ si̱kɨ̱ꞌ maáránoꞌó ya̱ kúvi rán se̱ꞌya ichiyúkúnꞌ nkene rán nu̱u̱nꞌ rá jííꞌ rán yanaꞌán ya̱ ñaꞌniꞌ ráa rá te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán.

Mateo 23:31 交叉引用

Lucas 19:22

Saájee nkachiꞌ re̱ꞌ nu̱u̱nꞌ‑u: “Musúꞌ kánéꞌén, jee jín rá tu̱ꞌun nkene yuꞌú maánú, sanáaꞌ ni̱ꞌ si̱kɨ̱ꞌ nú ya̱ íyó si̱kɨ̱ꞌ nú, chi ya̱ jíníꞌ nú ya̱ kúvi ni̱ꞌ ɨɨn te̱e xichiꞌ yɨ́ɨ́ víꞌí, chi nákeꞌen ni̱ꞌ ya̱ ntu ntéváꞌa ni̱ꞌ, jee nákeꞌen ni̱ꞌ tataꞌ sáꞌá ya̱ ntu ntaji ni̱ꞌ.

Mateo 23:30

Jee káchíꞌ rán: “retánꞌ ntekuꞌ‑órán ne̱ ki̱vɨ̱ꞌ ntekuꞌ rá jííꞌ‑órán yanaꞌán, jee nsáꞌ chineí táꞌán‑ó ráa kaꞌniꞌ ráa rá te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán”, káchíꞌ rán.

Mateo 23:32

Jee ránoꞌó, saꞌá rá tiñu kánéꞌén ya̱ nsa̱ꞌá rá tátáꞌ jííꞌ ichiyúkúnꞌ rán ne̱kua̱ꞌ nachuchítú rán sáꞌá rán kua̱ꞌ ñúkúꞌvá ya̱ niváꞌa nsa̱ꞌá ráa.

Mateo 23:34

Saáva, nuꞌuꞌ chúichí ni̱ꞌ nu̱u̱nꞌ rán rá te̱e nákani tu̱ꞌun kéne yuꞌú máá maá Ndiosíꞌ, jín rá te̱e tu̱ꞌva ya̱ jíníꞌ va̱ꞌa tu̱ꞌun re̱ꞌ, jín rá te̱e ya̱ xínéꞌénꞌ va̱ꞌa tu̱ꞌun re̱ꞌ, jee ránoꞌó chi kaꞌniꞌ rán sava ráa, jee tekaa rán sava ráa nu̱u̱nꞌ kurúsiꞌ, jee kuun rán yoꞌo sava ráa iniꞌ rá veꞌi sinagoga rán, jee kunikɨnꞌ rán ráa sakini rán ráa ñuunꞌ ta ñuunꞌ.

Mateo 23:37

’¡Jerusalén! ¡Jerusalén! Ránoꞌó ñɨvɨ ñuunꞌ vá ya̱ jiáꞌníꞌ rán rá te̱e ya̱ nákani ráa rá tu̱ꞌun kéne yuꞌú máá maá Ndiosíꞌ, jee kúun rán yu̱u̱ꞌ rá te̱e ya̱ nchu̱ichí Ndiosíꞌ va̱ji nu̱u̱nꞌ nú. Jee kue̱ꞌe̱ꞌ íchí nkuini ni̱ꞌ nastútú ni̱ꞌ rá se̱ꞌya ñuunꞌ nú, kuéntáꞌ kua̱ꞌ nastútú ɨɨn che̱tán rá se̱ꞌya ti̱ꞌ chi̱ji rá chi̱yo̱ꞌ ti̱ꞌ, soo ntu nkuíni nú.