Mateo 22:45 - Mixteco del suroeste de Tlaxiaco Oaxaca

⁴⁵ ’Saájee ne̱ maá David nkachiꞌ‑i ya̱ “I̱toꞌoꞌ ni̱ꞌ” kúvi Cristo. Saáva, ¿na̱ja vá kúvi Cristo ɨɨn Se̱ꞌya ichiyúkúnꞌ nkene nu̱u̱nꞌ David rúja? ―nkachiꞌ Jesús nu̱u̱nꞌ ráa.

Mateo 22:45 交叉引用

Apoclipsis 22:16

’Jee nuꞌuꞌ Jesús, nchu̱ichí ni̱ꞌ najiáꞌáꞌ ííꞌ ni̱ꞌ sáva stúvi re̱ꞌ nu̱u̱nꞌ noꞌó rá tu̱ꞌun na̱a̱ꞌ yaꞌá sáva ku̱ꞌva nú maa nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ne̱ nu̱u̱nꞌ David váji ni̱ꞌ ya̱ kúvi ni̱ꞌ Se̱ꞌya ichiyúkúnꞌ ya̱ nkene ni̱ꞌ ne̱ nu̱u̱nꞌ David. Viiꞌ víꞌí kúñáꞌnú ni̱ꞌ kuéntáꞌ kua̱ꞌ viiꞌ jiánu̱te̱ꞌ tiu̱u̱nꞌ xúꞌún ya̱ kenta ntáká ya̱neꞌenꞌ.

Juan 8:58

Jee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ ne̱ ntiáꞌan ka̱ꞌ kaku Abraham, jee ya̱ íyó nuꞌuꞌ ―nkachiꞌ Jesús.

Hebreos 2:14

Saáva rá se̱ꞌya vá jee ñɨvɨ yɨkɨkúñu ví ráa, jee suni sukuán nuún nkuvi maá Jesús chi suni ñɨvɨ yɨkɨkúñu ví re̱ꞌ ranika̱ꞌ, sáva nkuvi ni̱ꞌi̱ꞌ re̱ꞌ jie̱ꞌe̱ꞌ‑ó, sáva kuneí re̱ꞌ nu̱u̱nꞌ kui̱ꞌna̱ꞌ kúñáꞌnú ya̱ níso fuersáꞌ ya̱ kínóo ñɨvɨ jín kua̱chi ráa jee jíꞌíꞌ ráa jee ntu nánitáꞌvíꞌ ráa.

1 Timoteo 3:16

Va̱tu̱ꞌ nijia ya̱ kúvi ya̱ naáꞌ, ya̱ mánasɨ́ ví tu̱ꞌun yuꞌuꞌ jie̱ꞌe̱ꞌ ichi na̱a̱ꞌ Ndiosíꞌ, ya̱ sukuán ntañúꞌún nstúvi re̱ꞌ nu̱u̱nꞌ‑ó: Ndiosíꞌ ntu̱vi nu̱u̱nꞌ ñɨ̱vɨ́, jee ni̱yo yɨkɨkúñu re̱ꞌ, chi nkenta kúvi re̱ꞌ ɨɨn te̱e. Nstúvi kájí nijia Ta̱chi̱ꞌ Ííꞌ re̱ꞌ, ya̱ na̱a̱ꞌ ví re̱ꞌ. Ntu̱vi re̱ꞌ nu̱u̱nꞌ rá najiáꞌáꞌ ííꞌ Ndiosíꞌ. Nte̱ku̱tu̱ꞌún jie̱ꞌe̱ꞌ re̱ꞌ nu̱u̱nꞌ rá ñɨvɨ ñɨ̱vɨ́. Ni̱nu̱ꞌ iniꞌ ñɨvɨ ñɨ̱vɨ́ re̱ꞌ. Nnaa re̱ꞌ kua̱noꞌonꞌ re̱ꞌ súkún nu̱u̱nꞌ ñuunꞌ viiꞌ nasɨ́kuitɨꞌ nu̱u̱nꞌ tátúníꞌ Ndiosíꞌ.

Romanos 9:5

Jee suviráa kúvi ichiyúkúnꞌ váji ráa nu̱u̱nꞌ rá tátáꞌ jííꞌ ráa ya̱ nku̱ñáꞌnú nu̱u̱nꞌ Israel yanaꞌán. Jee nu̱u̱nꞌ tataꞌ ichiyúkúnꞌ ráa nkene Cristo sáá nkiji re̱ꞌ nkuvi re̱ꞌ te̱e ñunéꞌyúꞌ. Jee suvire̱ꞌ vá kúvi Ndiosíꞌ ya̱ tátúníꞌ re̱ꞌ nu̱u̱nꞌ kua̱íyó ya̱ íyó, jee netuꞌ kúvi re̱ꞌ nɨ́ɨ́nkání. ¡Suꞌva koo, amén!

Mateo 22:44

Nkachiꞌ maá I̱toꞌoꞌ‑ó Ndiosíꞌ nu̱u̱nꞌ I̱toꞌoꞌ ni̱ꞌ: “Kuneeꞌ xiín ichi kuáꞌá ni̱ꞌ nu̱u̱nꞌ tatúníꞌ nú jín ni̱ꞌ, jee kuneeꞌ nú yukuán ne̱kua̱ꞌ kuneí ni̱ꞌ jín rá ñɨvɨ jíníꞌ u̱ꞌvi̱ꞌ néꞌyá ráa noꞌó, kakɨnꞌ ni̱ꞌ ráa chi̱ji jie̱ꞌe̱ꞌ nú”, nkachiꞌ Ndiosíꞌ, nkachiꞌ David.

Mateo 22:46

Jee ni ɨɨn ráa ni ntu nkúvi naxiníkó nu̱u̱nꞌ tu̱ꞌun nkachiꞌ Jesús, jee ne̱ ki̱vɨ̱ꞌ yukuán, jee ni ɨɨn ráa ka̱ꞌ ntu nkiji ka̱ꞌ iniꞌ ráa katu̱ꞌún ráa re̱ꞌ.