Mateo 20:27 - Mixteco del suroeste de Tlaxiaco Oaxaca

²⁷ Jee néni ɨɨn ránú kuíni‑i kuvi‑i ya̱ xíꞌnañúꞌún nteñu ránú kosoꞌ‑o nu̱u̱nꞌ ránú, jee íyó kuvi‑i kuéntáꞌ ɨɨn musúꞌ kéꞌen ñɨvɨ kɨtíñú‑u chineí‑i nu̱u̱nꞌ ránú,

Mateo 20:27 交叉引用

Lucas 22:26

Soo ránoꞌó chi ni nkúvi sukuán jín rán. Chisaꞌ ɨɨn ya̱ kúñáꞌnú ká nteñu rán, jee íyó naxinúun‑u maáa sáva kuvi‑i kuéntáꞌ ɨɨn maá súchí ka̱ꞌ, jee ɨɨn ñɨvɨ ya̱ yósóꞌ nu̱u̱nꞌ rán íyó koo kuéntáꞌ musúꞌ ya̱ yɨ́tíñú‑u nu̱u̱nꞌ inka ñɨvɨ.

2 Corintios 4:5

Jee nsú jie̱ꞌe̱ꞌ maáráníꞌ ví ya̱ stékútu̱ꞌún ránꞌ, chisaꞌ káchítu̱ꞌún ránꞌ ya̱ I̱toꞌoꞌ nu̱u̱nꞌ kua̱íyó ví Jesús ya̱ kúvi Cristo. Jee ránuꞌuꞌ chi kúvi ránꞌ kua̱chi musúꞌ ni ya̱ sátíñú ránꞌ nu̱u̱nꞌ Jesús nu̱u̱nꞌ ya̱ váꞌa ránoꞌó.

Mateo 18:4

Jee saáva, néni ɨɨn ñɨvɨ ya̱ sáꞌá láꞌví iniꞌ‑i maáa kuéntáꞌ kua̱ꞌ su̱chí lúlí yaꞌá, jee ñɨvɨ íyó sukuán ví ya̱ kúñáꞌnú‑u ka̱ꞌ nteñu rá ñɨvɨ yɨ́ꞌɨ́ ráa nu̱u̱nꞌ Ndiosíꞌ tátúníꞌ re̱ꞌ ne̱ antivɨ́ súkún.

Romanos 1:14

Chi táyáꞌvi ni̱ꞌ tiñu ku̱ꞌva ni̱ꞌ tu̱ꞌun Jesús nu̱u̱nꞌ ntáká rá ñɨvɨ, nu̱u̱nꞌ rá ñɨvɨ káꞌánꞌ tu̱ꞌun griego jín nu̱u̱nꞌ rá ñɨvɨ ya̱ ntu káꞌánꞌ griego, nu̱u̱nꞌ rá ñɨvɨ tu̱ꞌva jín nu̱u̱nꞌ rá ñɨvɨ ntu túꞌva.

2 Corintios 12:15

Jee kúsɨ́ɨꞌ iniꞌ ni̱ꞌ ka̱xi̱nꞌ ni̱ꞌ ya̱ kúmí ni̱ꞌ, jín ne̱ máá maáníꞌ nu̱u̱nꞌ tiñu Cristo sáva kúvi ya̱ va̱ꞌa nu̱u̱nꞌ rán. Retú víꞌí ka̱ꞌ ñúnúunꞌ ni̱ꞌ ránoꞌó, ¿á núun ka̱ꞌ kunu̱u̱nꞌ rán nuꞌuꞌ?

2 Corintios 11:5

Soo jiáni iniꞌ ni̱ꞌ ya̱ ni ɨɨn nu̱u̱nꞌ ntu núun ka̱ꞌ kúvi ni̱ꞌ nu̱u̱nꞌ rá te̱e vá ya̱ jiáni iniꞌ ñɨvɨ ya̱ kúvi ráa apóstol kúñáꞌnú ka̱ꞌ.

Mateo 20:26

Soo nkúvi sukuán nteñu rán. Chisaꞌ néni ɨɨn ránú ya̱ kuíni‑i kuñáꞌnú‑u ka̱ꞌ nteñu rán, jee íyó kɨtíñú ñɨvɨ vá nu̱u̱nꞌ ránú.

Mateo 20:28

kuéntáꞌ nuꞌuꞌ, ya̱ ntaji Ndiosíꞌ nuꞌuꞌ nu̱u̱nꞌ ñɨ̱vɨ́ yaꞌá sáva kuvi ni̱ꞌ Se̱ꞌya Ñɨvɨ. Nsáꞌ váji ni̱ꞌ sáva kɨtíñú rá ñɨvɨ nu̱u̱nꞌ ni̱ꞌ, chisaꞌ va̱ji ni̱ꞌ sáva kɨtíñú ni̱ꞌ nu̱u̱nꞌ rá ñɨvɨ. Jee va̱ji ni̱ꞌ sáva ku̱ꞌva ni̱ꞌ maáníꞌ kuviꞌ ni̱ꞌ sáva chunáán nkáꞌnú ni̱ꞌ maáníꞌ nu̱u̱nꞌ Ndiosíꞌ sáva nakani núne ni̱ꞌ kue̱ꞌe̱ꞌ ñɨvɨ nkɨ́ꞌɨ ráa xi̱ntíín kua̱chi ráa xinánitáꞌvíꞌ ni̱ꞌ ráa ―nkachiꞌ Jesús.