Mateo 17:17 - Mixteco del suroeste de Tlaxiaco Oaxaca

¹⁷ Saájee nna̱xiníkó Jesús jee nkachiꞌ re̱ꞌ: ―¡Na̱ ka̱ꞌ ránoꞌó ya̱ ntu ínúꞌ iniꞌ rán Ndiosíꞌ jín ya̱ nku̱sɨ́ɨ́n rán nu̱u̱nꞌ ya̱ nááꞌ! ¿Na̱ja ka̱ꞌ tiempúꞌ vá íyó kuneeꞌ ni̱ꞌ jín ránoꞌó? ¿Na̱ja ka̱ꞌ tiempúꞌ vá íyó keꞌneꞌ iniꞌ ni̱ꞌ nu̱u̱nꞌ ránoꞌó? Kínaka rán se̱ꞌya yɨ́ɨ́ nú nu̱u̱nꞌ ni̱ꞌ yaꞌá ―nkachiꞌ Jesús.

Mateo 17:17 交叉引用

Mateo 6:30

Jee ya̱ sukuán viiꞌ nasɨ́kuitɨꞌ síkúnijin Ndiosíꞌ rá yu̱ku̱ꞌ yúkú íyó nu̱u̱nꞌ kuꞌúꞌ vitan, jee ki̱vɨ̱ꞌ steñu̱ꞌún chuꞌun ñɨvɨ maa nu̱u̱nꞌ ñuꞌúnꞌ sikáyúꞌ‑u maa, jee ya̱ sukuán síkúnijin Ndiosíꞌ rá yu̱ku̱ꞌ yúkú, jee, ¿á nsú saꞌ víꞌí káꞌ sikúnijin re̱ꞌ ránoꞌó rúja? Ránoꞌó chi matíꞌínꞌ nijia kúneí iniꞌ rán re̱ꞌ.

Hechos 13:18

Yatin u̱vi̱xiko (40) kui̱ya̱ꞌ ñeꞌneꞌ iniꞌ re̱ꞌ ni̱ñɨ re̱ꞌ jín ráa nu̱u̱nꞌ ñu̱ꞌún saɨn.

Marcos 16:14

Jee kuéé ka̱ꞌ, ntu̱vi Jesús nu̱u̱nꞌ rá ni u̱ji̱ꞌ ɨɨn te̱e, ni nééꞌ ráa nu̱u̱nꞌ mesa kúxíní ráa. Jee nku̱xeenꞌ re̱ꞌ nu̱u̱nꞌ ráa, ya̱ ntu nínúꞌ iniꞌ ráa, ya̱ ni̱ꞌin ánímaꞌ ráa, chi ntu nínúꞌ iniꞌ ráa rá ñɨvɨ niniꞌ ya̱ nna̱tekuꞌ i̱i̱ꞌ re̱ꞌ.

Marcos 9:19

Jee nna̱xiníkó Jesús nu̱u̱nꞌ ráa: ―¡Na̱ ka̱ꞌ rá ñɨvɨ yaꞌá ya̱ ntu ínúꞌ iniꞌ ráa Ndiosíꞌ! ¿Na̱ja ka̱ꞌ tiempúꞌ vá íyó kuneeꞌ ni̱ꞌ jín ránoꞌó? ¿Na̱ja ka̱ꞌ tiempúꞌ vá íyó keꞌneꞌ iniꞌ ni̱ꞌ nu̱u̱nꞌ ránoꞌó ya̱ ntu ínúꞌ iniꞌ rán Ndiosíꞌ? Kínaka rán se̱ꞌya yɨ́ɨ́ nú nu̱u̱nꞌ ni̱ꞌ ―nkachiꞌ re̱ꞌ.

Mateo 13:58

Jee ntu nsáꞌá kue̱ꞌe̱ꞌ re̱ꞌ rá milagrúꞌ yukuán, chi ntu nínúꞌ iniꞌ ráa re̱ꞌ.

Mateo 8:26

Jee nkachiꞌ re̱ꞌ nu̱u̱nꞌ ráa: ―¿Na̱ kuvi chi yúꞌví víꞌí rán rúja?, ránoꞌó ya̱ yakuꞌ kúneí iniꞌ rán nuꞌuꞌ ―nkachiꞌ re̱ꞌ. Saájee nnakui̱ñɨ̱ꞌ nichiꞌ re̱ꞌ, jee nnu̱xeenꞌ re̱ꞌ nu̱u̱nꞌ ta̱chi̱ꞌ xéénꞌ jín nu̱u̱nꞌ jísóꞌ nteñúꞌún, jee ña̱kui̱ñɨ̱ꞌ rává, jee níín kuitɨꞌ nkuvi.

Juan 20:27

Kuíre nkachiꞌ Jesús nu̱u̱nꞌ Tomás: ―Tuví xi̱ntíín nú yaꞌá, jee kune̱ꞌyá rá naꞌá ni̱ꞌ, jee saꞌá yatin naꞌá nú jee tuví naꞌá nú yɨkɨ íkáꞌ ni̱ꞌ. Koto kúkaꞌán nú ré ni̱núꞌ iniꞌ nú, chisaꞌ i̱nu̱ꞌ iniꞌ nú.

Lucas 24:25

Saájee nkachiꞌ Jesús nu̱u̱nꞌ ráa: ―¡Na̱ ka̱ꞌ te̱e naanꞌ!, ya̱ kuéé ínúꞌ iniꞌ ánímaꞌ rán ntáká rá tu̱ꞌun ya̱ nkachiꞌ rá te̱e ya̱ nna̱kani tu̱ꞌun kene yuꞌú Ndiosíꞌ.

Lucas 9:41

Saájee nkachiꞌ Jesús: ―¡Na̱ ka̱ꞌ rá ñɨvɨ yaꞌá ya̱ ntu ínúꞌ iniꞌ ráa Ndiosíꞌ jín ya̱ nku̱sɨ́ɨ́n rán nu̱u̱nꞌ ya̱ nááꞌ! ¿Na̱ja ka̱ꞌ tiempúꞌ vá íyó kuneeꞌ ni̱ꞌ jín ránoꞌó? ¿Na̱ja ka̱ꞌ tiempúꞌ vá íyó keꞌneꞌ iniꞌ ni̱ꞌ nu̱u̱nꞌ ránoꞌó? Kínaka se̱ꞌya yɨ́ɨ́ nú yaꞌá ―nkachiꞌ Jesús.

Mateo 16:8

Soo ya jíníꞌ Jesús ya̱ káchíꞌ ráa, jee nkachiꞌ re̱ꞌ: ―¡Na̱ ka̱ꞌ te̱e ya̱ yakuꞌ kúneí iniꞌ kúvi rán! ¿Na̱ kuvi chi káchíꞌ rán ya̱ ntu váji rán jín i̱xta̱tíláꞌ?

Mateo 17:16

Jee nkisiáꞌa ni̱ꞌ maa nu̱u̱nꞌ rá te̱e súkuáꞌa nú, soo ntu nkúneí ráa xinúvi ráa maa ―nkachiꞌ te̱e vá.

Mateo 17:18

Saájee nku̱xeenꞌ Jesús nu̱u̱nꞌ kui̱ꞌna̱ꞌ yɨ́ꞌɨ́ iniꞌ te̱e súchí vá, jee nkene‑e re̱ꞌ, jee kuísá nnuvi re̱ꞌ hora yukuán.

Hechos 2:40

Jee jín kue̱ꞌe̱ꞌ ka̱ꞌ tu̱ꞌun ni̱stúvi re̱ꞌ ya̱ naáꞌ, jee nxi̱nániꞌvɨꞌ re̱ꞌ iniꞌ ráa: ―Sikáku rán maárán nu̱u̱nꞌ ichi níkɨ́nꞌ rá ñɨvɨ niva̱ꞌa yaꞌá chi xinóꞌo Ndiosíꞌ ráa.

2 Corintios 11:1

Varésukuáre kɨnetuꞌ ránú nu̱u̱nꞌ nuꞌuꞌ sáá káꞌánꞌ ni̱ꞌ ntíꞌ kuéntáꞌ káꞌánꞌ te̱e naanꞌ. ¡Kɨnetuꞌ rán nu̱u̱nꞌ nuꞌuꞌ!