Mateo 16:17 - Mixteco del suroeste de Tlaxiaco Oaxaca

¹⁷ Saájee nkachiꞌ Jesús: ―Na̱ ka̱ꞌ netuꞌ ka̱ꞌ kúvi nú Simón, se̱ꞌya Jonás, chi ni ɨɨn ñɨvɨ ñunéꞌyúꞌ ntu̱ví nstúvi maa nu̱u̱nꞌ nú, chisaꞌ máá Tátáꞌ ni̱ꞌ Ndiosíꞌ ya̱ nééꞌ re̱ꞌ antivɨ́ súkún, ví ya̱ nstúvi maa nu̱u̱nꞌ noꞌó.

Mateo 16:17 交叉引用

Juan 6:45

Chi sukuán níso nu̱u̱nꞌ tutuꞌ ya̱ ntee rá te̱e nna̱kani ráa tu̱ꞌun nkene yuꞌú Ndiosíꞌ ne̱ yanaꞌán: “Nta̱ká ñɨvɨ xinéꞌénꞌ Ndiosíꞌ ráa.” Jee nta̱ká ñɨvɨ ya̱ chúꞌun iniꞌ ráa tu̱ꞌun káchíꞌ Tátáꞌ ni̱ꞌ, jee kútúꞌva ráa ya̱ xínéꞌénꞌ re̱ꞌ, jee nátuꞌva ráa nu̱u̱nꞌ nuꞌuꞌ.

1 Juan 5:20

Soo jíníꞌ‑ó ya̱ nkiji Se̱ꞌya Ndiosíꞌ, jee nsa̱ꞌá re̱ꞌ ya̱ ki̱ku̱ꞌun iniꞌ‑ó sáva kuniꞌ‑ó maáréꞌ ya̱ kúvi nijia re̱ꞌ Ndiosíꞌ. Jee yɨ́ꞌɨ́‑ó iniꞌ naꞌá maáréꞌ ya̱ kúvi nijia Ndiosíꞌ. Yɨ́ꞌɨ́‑ó naꞌá Se̱ꞌya re̱ꞌ, Jesús ya̱ kúvi Cristo. Suvivá kúvi nijia‑a Ndiosíꞌ, jee maáa ví ya̱ sáꞌá‑a ya̱ kutekuꞌ‑ó nɨ́ɨ́nkání jín Ndiosíꞌ.

Gálatas 1:16

stúvi re̱ꞌ Se̱ꞌya re̱ꞌ nu̱u̱nꞌ ni̱ꞌ, sáva stekútu̱ꞌún ni̱ꞌ jie̱ꞌe̱ꞌ vá nu̱u̱nꞌ rá ñɨvɨ ntu kúvi Israel. Sáá nsa̱ꞌá re̱ꞌ suꞌva, jee ntu kuísá níkátu̱ꞌún ni̱ꞌ inka ñɨvɨ jie̱ꞌe̱ꞌ tu̱ꞌun vá.

1 Corintios 15:50

Jee ránoꞌó ñaniꞌ jín ku̱ꞌva, káchíꞌ ni̱ꞌ rá tu̱ꞌun yaꞌá nu̱u̱nꞌ rán, ya̱ yɨkɨkúñu‑ó ya̱ kúmí‑ó iniꞌ ñɨ̱vɨ́ yaꞌá, jee nsáꞌ ni̱ꞌi̱nꞌ‑i ki̱vɨ‑ɨ nu̱u̱nꞌ tátúníꞌ Ndiosíꞌ. Jee suni yɨkɨkúñu‑ó ya̱ ti̱vɨ́‑ɨ, jee ntu̱ví ni̱ꞌi̱nꞌ‑i ki̱vɨ‑ɨ nu̱u̱nꞌ nsáꞌ ti̱vɨ́‑ɨ ka̱ꞌ.

Efesios 3:5

Jee tiempúꞌ yanaꞌán jee ni ntu nstúvi Ndiosíꞌ maa nu̱u̱nꞌ rá ñɨvɨ, kua̱ꞌ nstúvi kájí Ta̱chi̱ꞌ Ííꞌ re̱ꞌ maa vitan nu̱u̱nꞌ rá te̱e re̱ꞌ ya̱ níso tiñu apóstol jín nu̱u̱nꞌ rá te̱e nákani tu̱ꞌun kéne yuꞌú re̱ꞌ, rá nsa̱ꞌá sɨ́ɨ́n re̱ꞌ sáva kɨtíñú ráa nu̱u̱nꞌ re̱ꞌ.

1 Juan 4:15

Jee néni ɨɨn ñɨvɨ ya̱ jiáꞌayuꞌú ya̱ Se̱ꞌya Ndiosíꞌ ví Jesús, jee kínóo kutú Ndiosíꞌ yɨ́ꞌɨ́ re̱ꞌ iniꞌ ñɨvɨ vá, jee kínóo kutú ñɨvɨ vá yɨ́ꞌɨ́‑ɨ nu̱u̱nꞌ re̱ꞌ.

1 Pedro 5:1

Vitan jee nákutíñú ni̱ꞌin ni̱ꞌ nu̱u̱nꞌ rá te̱e kúñáꞌnú nu̱u̱nꞌ ránoꞌó ya̱ yɨ́ꞌɨ́ xi̱ntíín Cristo, chi nuꞌuꞌ jee suni te̱e kúñáꞌnú kúvi ni̱ꞌ jín ráa nu̱u̱nꞌ rá ñɨvɨ yɨ́ꞌɨ́ xi̱ntíín Cristo, jee kúvi ni̱ꞌ ɨɨn te̱e ya̱ jiáꞌa ni̱ꞌ ya̱ nááꞌ ya̱ ya niniꞌ jínúunꞌ ni̱ꞌ rá tu̱nóꞌó nnoꞌo Cristo. Jee suni ni̱ꞌi̱nꞌ ni̱ꞌ kuñáꞌnú ni̱ꞌ kuéntáꞌ maáréꞌ sáá nenta nijinꞌ re̱ꞌ jín tiñu níso re̱ꞌ.

Efesios 2:8

Chi jie̱ꞌe̱ꞌ ya̱ íyó mániꞌ iniꞌ Ndiosíꞌ néꞌyá re̱ꞌ ránoꞌó jee nna̱tavaꞌ re̱ꞌ ránoꞌó nu̱u̱nꞌ kua̱chi rán nsi̱káku re̱ꞌ ránoꞌó jie̱ꞌe̱ꞌ ya̱ kúneí iniꞌ rán Cristo, sú ntu íyó ni̱ꞌi̱nꞌ rán maa. Soo nsú ránoꞌó sáꞌá maa, chisaꞌ kúvi‑i ta̱ꞌvi̱ꞌ nsi̱kútaꞌviꞌ Ndiosíꞌ nu̱u̱nꞌ rán.

Juan 1:42

Saájee kua̱ꞌa̱nꞌ Andrés jín ñaniꞌ re̱ꞌ nu̱u̱nꞌ Jesús. Jee sáá niniꞌ Jesús Simón, jee nkachiꞌ re̱ꞌ: ―Noꞌó kúvi Simón, se̱ꞌya Jonás. Jee kuna̱ní nú Cefas ―nkachiꞌ Jesús. (Cefas kuíni káchíꞌ Pedro tu̱ꞌun griego.)

Hebreos 2:14

Saáva rá se̱ꞌya vá jee ñɨvɨ yɨkɨkúñu ví ráa, jee suni sukuán nuún nkuvi maá Jesús chi suni ñɨvɨ yɨkɨkúñu ví re̱ꞌ ranika̱ꞌ, sáva nkuvi ni̱ꞌi̱ꞌ re̱ꞌ jie̱ꞌe̱ꞌ‑ó, sáva kuneí re̱ꞌ nu̱u̱nꞌ kui̱ꞌna̱ꞌ kúñáꞌnú ya̱ níso fuersáꞌ ya̱ kínóo ñɨvɨ jín kua̱chi ráa jee jíꞌíꞌ ráa jee ntu nánitáꞌvíꞌ ráa.

Efesios 6:12

Chi ntu kántáꞌán‑ó jín ñɨvɨ ñunéꞌyúꞌ, chisaꞌ kántáꞌán‑ó jín rá ta̱chi̱ꞌ kíni rá kúñáꞌnú, jín rá nísotíñú, jín rá i̱toꞌoꞌ ñáꞌnú ka̱ꞌ ya̱ jíka ráa nu̱u̱nꞌ neenꞌ jee tátúníꞌ ráa nu̱u̱nꞌ ñɨvɨ ñɨ̱vɨ́ yaꞌá. Chi kántáꞌán‑ó jín rá ta̱chi̱ꞌ kíni ya̱ jíkanuun ráa súkún.

Lucas 22:32

Soo nuꞌuꞌ jíkánꞌ táꞌvíꞌ ni̱ꞌ jie̱ꞌe̱ꞌ nú nu̱u̱nꞌ Ndiosíꞌ sáva níta ya̱ kúneí iniꞌ nú nuꞌuꞌ. Jee sáá nakani iniꞌ nú ya̱ nsa̱ꞌá nú jee nikó nú nu̱u̱nꞌ nuꞌuꞌ saájee nasáneí nú iniꞌ ánímaꞌ rá ñanitáꞌán nú kuiñɨ ni̱ꞌin ráa ―nkachiꞌ Jesús.