39 Saájee nna̱chuichí Jesús rá ñɨvɨ kua̱noꞌonꞌ ráa, jee nki̱vɨ re̱ꞌ iniꞌ barkúꞌ, jee kua̱ꞌa̱nꞌ re̱ꞌ rá ñuunꞌ sánitɨ́ɨn ñuunꞌ Magdala.
Jee kuíre nki̱vɨ re̱ꞌ jín rá te̱e súkuáꞌa re̱ꞌ ráa iniꞌ barkúꞌ. Jee kua̱ꞌa̱nꞌ ráa rá ñuunꞌ tɨ́ɨn Dalmanuta.
Jee kuíntañúꞌún nsi̱káa Jesús rá te̱e súkuáꞌa re̱ꞌ iniꞌ barkúꞌ sáva xíꞌna ráa ka̱ꞌ kosoꞌ nu̱u̱nꞌ kɨ̱ꞌɨ̱nꞌ jia̱ꞌa ráa íyo ka̱ꞌ ichi yúnteñúꞌún, ni náchuichí re̱ꞌ rá ñɨvɨ.
Jee rá ñɨvɨ ya̱ nyajiꞌ nkuvi ku̱mi̱ꞌ mil (4000) te̱e, jee sɨ́ɨ́n ka̱ꞌ ví rá ñaꞌan jín rá súchí lúlí.
Jee nta̱túníꞌ re̱ꞌ nu̱u̱nꞌ rá te̱e súkuáꞌa re̱ꞌ ráa, ya̱ koo yatin ɨɨn barkúꞌ nu̱u̱nꞌ re̱ꞌ sáva kuvi ki̱vɨ re̱ꞌ iniꞌ‑i, sáva ntu nákuniꞌi rá ñɨvɨ kue̱ꞌe̱ꞌ re̱ꞌ.
