Mateo 12:41 - Mixteco del suroeste de Tlaxiaco Oaxaca

⁴¹ Jee rá ñɨvɨ ñuunꞌ Nínive kuiñɨ ráa jín rá ñɨvɨ íyó tiempúꞌ vitan ichinúúnꞌ Ndiosíꞌ ki̱vɨ̱ꞌ sanáaꞌ re̱ꞌ jie̱ꞌe̱ꞌ kua̱chi rá ñɨvɨ, jee sijíta ráa rá ñɨvɨ íyó tiempúꞌ vitan, chi ñɨvɨ ñuunꞌ Nínive vá nna̱kani iniꞌ ráa nxi̱nóo ráa kua̱chi ráa, sáá nteso̱ꞌo ráa Tu̱ꞌun Ndiosíꞌ nkachitu̱ꞌún Jonás nu̱u̱nꞌ ráa. Soo ¡kune̱ꞌyá rán!, íyó ni̱ꞌ jín rán yaꞌá jee máá kúñáꞌnú nasɨ́kuitɨꞌ ni̱ꞌ ka̱ꞌ nsú káꞌ Jonás.

Mateo 12:41 交叉引用

Mateo 12:42

Jee suni máá ñaꞌan ya̱ nta̱túníꞌ ña nu̱u̱nꞌ ɨɨn ñuunꞌ ichi sur, jee suni natekuꞌ ña jín rá ñɨvɨ íyó tiempúꞌ vitan ki̱vɨ̱ꞌ sanáaꞌ Ndiosíꞌ kua̱chi jie̱ꞌe̱ꞌ rá ñɨvɨ, jee sijíta ña rá ñɨvɨ íyó tiempúꞌ vitan, chi nkiji ña ne̱ íká nasɨ́kuitɨꞌ sáva teso̱ꞌo ña rá tu̱ꞌun níchí nkaꞌanꞌ Salomón ya̱ nta̱túníꞌ ñuunꞌ Israel yanaꞌán víꞌí. Soo ¡kune̱ꞌyá rán!, íyó ni̱ꞌ jín rán yaꞌá jee máá kúñáꞌnú nasɨ́kuitɨꞌ ni̱ꞌ ka̱ꞌ nsú káꞌ Salomón [jee ntu nákani iniꞌ rán].

Hebreos 11:7

Jee Noé ni̱nu̱ꞌ iniꞌ re̱ꞌ nku̱neí iniꞌ re̱ꞌ Ndiosíꞌ, sáá nstúꞌva Ndiosíꞌ re̱ꞌ jie̱ꞌe̱ꞌ rá tu̱nóꞌó xéénꞌ koo ya̱ ni ntiáꞌan kuniꞌ maa. Jee ñúyúꞌví iniꞌ re̱ꞌ Ndiosíꞌ jee nsa̱ꞌá re̱ꞌ ɨɨn barkúꞌ maá káꞌnú nasɨ́kuitɨꞌ ya̱ naní arca, sáva ka̱ku re̱ꞌ jín ntáká rá ñɨvɨ táꞌán veꞌi re̱ꞌ. Jee jie̱ꞌe̱ꞌ nku̱neí iniꞌ Noé Ndiosíꞌ, jee nsi̱jíta re̱ꞌ kua̱íyó rá ñɨvɨ ñɨ̱vɨ́ vá nu̱u̱nꞌ kua̱chi ráa. Jee ni̱ꞌi̱nꞌ re̱ꞌ ta̱ꞌvi̱ꞌ ninima̱ni̱ꞌ Ndiosíꞌ ya̱ nsa̱náaꞌ‑a ya̱ kúvi re̱ꞌ te̱e na̱a̱ꞌ jie̱ꞌe̱ꞌ nku̱neí iniꞌ re̱ꞌ Ndiosíꞌ.

Romanos 2:27

Jee rá ñɨvɨ, ya̱ ntu níso ráa seña circuncisión nu̱u̱nꞌ yɨkɨkúñu ráa, jee retú síkúnkuvi ráa ya̱ káchíꞌ tu̱ꞌun tátúníꞌ Ndiosíꞌ, jee sanáaꞌ ráa si̱kɨ̱ꞌ noꞌó, ya̱ jiáꞌa nú nu̱u̱nꞌ ya̱ tátúníꞌ ley Ndiosíꞌ, súnika̱ꞌ kúmí nú tu̱ꞌun ley nta̱túníꞌ Ndiosíꞌ níso nu̱u̱nꞌ tutuꞌ jín súnika̱ꞌ níso nú seña circuncisión.

Juan 3:31

’Jee maáréꞌ ya̱ va̱ji ne̱ antivɨ́ jee maáa vá kúñáꞌnú nu̱u̱nꞌ nɨꞌɨ. Jee ɨɨn ya̱ va̱ji iniꞌ ñɨ̱vɨ́ yaꞌá kúvi ñɨvɨ ñɨ̱vɨ́ yaꞌá, jee káꞌánꞌ‑a jie̱ꞌe̱ꞌ rá máá tiñu íyó iniꞌ ñɨ̱vɨ́ yaꞌá. Soo maáréꞌ ya̱ va̱ji ne̱ si̱kɨ̱ꞌ, chi maáa ví ya̱ kúñáꞌnú nu̱u̱nꞌ nɨꞌɨ.

Mateo 12:6

Soo káchíꞌ ni̱ꞌ nu̱u̱nꞌ rán ya̱ ɨɨn máá kúñáꞌnú nasɨ́kuitɨꞌ ka̱ꞌ íyó‑o jín rán yaꞌá nsú káꞌ veñu̱ꞌun vá.

Jonás 1:2

―¡Kechí ntañúꞌún! Kuáꞌán chi kɨ̱ꞌɨ̱nꞌ nú ñuunꞌ káꞌnú naní Nínive jee, stekútu̱ꞌún nú nu̱u̱nꞌ rá ñɨvɨ ñuunꞌ vá ya̱ kúkáꞌnú iniꞌ ni̱ꞌ ya̱ ya njia̱ꞌa víꞌí nsa̱ꞌá ráa tiñu niva̱ꞌa ―nkachiꞌ I̱toꞌoꞌ‑ó.

Juan 4:12

Áxí, ¿á suvinú vá kúñáꞌnú ka̱ꞌ nsú káꞌ Jacob ya̱ kúvi tátáꞌ jííꞌ‑ó yanaꞌán, ya̱ maáréꞌ vá nxi̱nóo‑o sókó yaꞌá nu̱u̱nꞌ ránꞌ? Jee suni sókó yaꞌá niꞌi maáréꞌ nute, jín rá se̱ꞌya re̱ꞌ, jín rá sa̱na̱ꞌ re̱ꞌ ―nkachiꞌ ña.

Lucas 11:32

Jee rá ñɨvɨ ñuunꞌ Nínive kuiñɨ ráa jín rá ñɨvɨ íyó tiempúꞌ vitan ichinúúnꞌ Ndiosíꞌ ki̱vɨ̱ꞌ sanáaꞌ re̱ꞌ jie̱ꞌe̱ꞌ kua̱chi rá ñɨvɨ, jee sijíta ráa rá ñɨvɨ íyó tiempúꞌ vitan, chi rá ñɨvɨ ñuunꞌ Nínive vá nna̱kani iniꞌ ráa nxi̱nóo ráa rá kua̱chi ráa sáá nteso̱ꞌo ráa Tu̱ꞌun Ndiosíꞌ nkachitu̱ꞌún Jonás nu̱u̱nꞌ ráa. Soo, ¡kune̱ꞌyá rán!, íyó ni̱ꞌ jín rán yaꞌá jee máá kúñáꞌnú nasɨ́kuitɨꞌ ni̱ꞌ ka̱ꞌ nsú káꞌ Jonás.

Mateo 23:36

Máá nááꞌ vá káchíꞌ ni̱ꞌ nu̱u̱nꞌ rán, ya̱ nɨꞌɨ rá kua̱chi yaꞌá kiji si̱kɨ̱ꞌ rá ñɨvɨ íyó vitan xinóꞌo Ndiosíꞌ ránoꞌó.

Mateo 17:17

Saájee nna̱xiníkó Jesús jee nkachiꞌ re̱ꞌ: ―¡Na̱ ka̱ꞌ ránoꞌó ya̱ ntu ínúꞌ iniꞌ rán Ndiosíꞌ jín ya̱ nku̱sɨ́ɨ́n rán nu̱u̱nꞌ ya̱ nááꞌ! ¿Na̱ja ka̱ꞌ tiempúꞌ vá íyó kuneeꞌ ni̱ꞌ jín ránoꞌó? ¿Na̱ja ka̱ꞌ tiempúꞌ vá íyó keꞌneꞌ iniꞌ ni̱ꞌ nu̱u̱nꞌ ránoꞌó? Kínaka rán se̱ꞌya yɨ́ɨ́ nú nu̱u̱nꞌ ni̱ꞌ yaꞌá ―nkachiꞌ Jesús.

Mateo 16:4

Rá ñɨvɨ kánéꞌén íyó tiempúꞌ vitan, ya̱ ntu náaꞌ ráa nu̱u̱nꞌ Ndiosíꞌ, jee jíkánꞌ ráa ya̱ saꞌá ni̱ꞌ milagrúꞌ ya̱ kúvi seña a̱nasɨ́. Soo ni nsáꞌ saꞌá ni̱ꞌ ni ɨɨn seña a̱nasɨ́ ya̱ ku̱ꞌva ni̱ꞌ nu̱u̱nꞌ ráa, chisaꞌ kua̱chi ku̱ꞌva ni̱ꞌ nu̱u̱nꞌ ráa máá seña kuéntáꞌ kua̱ꞌ máá seña a̱nasɨ́ ya̱ nsa̱ꞌá Ndiosíꞌ jín Jonás ―nkachiꞌ Jesús, jee nxi̱nóo re̱ꞌ ráa jee kua̱ꞌa̱nꞌ re̱ꞌ.

Mateo 12:45

Saájee kɨ̱ꞌɨ̱nꞌ ta̱chi̱ꞌ kíni vá, kɨ̱nake̱ꞌen‑e u̱xa̱ꞌ ka̱ꞌ rá táꞌán ta̱chi̱ꞌ kíni ya̱ xe̱e̱nꞌ ka̱ꞌ nsú káꞌ maáa, jee ki̱vɨ ráa iniꞌ ñɨvɨ vá kuneeꞌ ráa yukuán. Saájee xe̱e̱nꞌ nasɨ́kuitɨꞌ ka̱ꞌ nakunoꞌo ñɨvɨ vá nsú káꞌ kua̱ꞌ nnoꞌo‑o ne̱ xíꞌna. Jee suni sukuán kunoꞌo rá ñɨvɨ níváꞌa íyó yaꞌá tiempúꞌ vitan ―nkachiꞌ Jesús.

Mateo 12:39

Soo nna̱xiníkó Jesús jee nkachiꞌ re̱ꞌ nu̱u̱nꞌ ráa: ―Rá ñɨvɨ kánéꞌén íyó tiempúꞌ vitan, ya̱ ntu náaꞌ ráa nu̱u̱nꞌ Ndiosíꞌ, jíkánꞌ ráa ya̱ saꞌá ni̱ꞌ ɨɨn milagrúꞌ, ya̱ kúvi seña a̱nasɨ́, soo ni ɨɨn seña ntu̱náꞌ ku̱ꞌva ni̱ꞌ nu̱u̱nꞌ ráa, chisaꞌ kua̱chi ku̱ꞌva ni̱ꞌ nu̱u̱nꞌ ráa máá seña a̱nasɨ́ kuéntáꞌ kua̱ꞌ máá seña a̱nasɨ́ ya̱ nsa̱ꞌá Ndiosíꞌ jín Jonás, te̱e ya̱ nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán víꞌí.

Jonás 3:4

Jee nki̱vɨ re̱ꞌ nu̱u̱nꞌ ñuunꞌ vá, jee Nni̱kónúun re̱ꞌ ɨɨn ki̱vɨ̱ꞌ jee kuíre nka̱jiéꞌé re̱ꞌ nkachitu̱ꞌún re̱ꞌ nu̱u̱nꞌ rá ñɨvɨ ñuunꞌ Nínive, jee nkachiꞌ re̱ꞌ: ―Ki̱vɨ̱ꞌ uvíxiko (40) jee naanꞌ ñuunꞌ Nínive yaꞌá ―suꞌva nkachiꞌ re̱ꞌ nu̱u̱nꞌ ráa.