Mateo 10:33 - Mixteco del suroeste de Tlaxiaco Oaxaca

³³ Soo néni ɨɨn ñɨvɨ ya̱ káchíꞌ nu̱u̱nꞌ rá inka ñɨvɨ ya̱ ntu kúvi ni̱ꞌ I̱toꞌoꞌ ráa, jee suni sukuán kachiꞌ ni̱ꞌ nu̱u̱nꞌ Tátáꞌ ni̱ꞌ ya̱ nééꞌ antivɨ́ súkún ya̱ ntu yɨ́ꞌɨ́ ñɨvɨ vá nu̱u̱nꞌ ni̱ꞌ.

Mateo 10:33 交叉引用

2 Timoteo 2:12

Jee retú kuni̱ꞌin‑ó kuiñɨ‑ó jín re̱ꞌ sú nóꞌo‑ó jee suni tatúníꞌ‑ó jín re̱ꞌ. Soo retú kúíchi iniꞌ‑ó re̱ꞌ ya̱ nsú I̱toꞌoꞌ‑ó ví re̱ꞌ, jee suni kuichi iniꞌ re̱ꞌ kune̱ꞌyá re̱ꞌ yó ya̱ nsú ñɨvɨ re̱ꞌ kúvi‑ó.

Lucas 9:26

Chi néni ɨɨn ñɨvɨ ya̱ kúkanuun‑u jie̱ꞌe̱ꞌ nuꞌuꞌ jín jie̱ꞌe̱ꞌ tu̱ꞌun ni̱ꞌ, jee suni maáníꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kukanuun ni̱ꞌ jie̱ꞌe̱ꞌ ñɨvɨ vá, sáá niji ni̱ꞌ va̱ne̱ꞌ tu̱u̱nꞌ nasɨ́kuitɨꞌ ya̱ maa viiꞌ kúñáꞌnú ni̱ꞌ jín Tátáꞌ ni̱ꞌ Ndiosíꞌ, jín rá najiáꞌáꞌ ííꞌ re̱ꞌ.

Lucas 12:9

Soo ñɨvɨ ya̱ káchíꞌ nu̱u̱nꞌ rá inka ñɨvɨ ya̱ ntu kúvi ni̱ꞌ I̱toꞌoꞌ ráa, jee suni sukuán kachiꞌ ni̱ꞌ ichinúúnꞌ rá najiáꞌáꞌ ííꞌ Ndiosíꞌ ya̱ ntu yɨ́ꞌɨ́ ñɨvɨ vá nu̱u̱nꞌ ni̱ꞌ.

1 Juan 2:23

Jee nta̱ká ñɨvɨ ya̱ kúíchi iniꞌ ráa Jesús, jee ni ntu̱ví íyó Tátáꞌ‑ó Ndiosíꞌ jín ráa. Jee ñɨvɨ ya̱ jiáꞌayuꞌú ya̱ Se̱ꞌya Ndiosíꞌ kúvi re̱ꞌ I̱toꞌoꞌ‑o, jee suni íyó Tátáꞌ‑ó Ndiosíꞌ jín‑i.

2 Pedro 2:1

Soo suni ni̱yo rá ñɨvɨ túꞌún nteñu rá ñɨvɨ ñuunꞌ Israel ya̱ káchíꞌ ráa nika̱ꞌ ya̱ nákani ráa tu̱ꞌun kéne yuꞌú Ndiosíꞌ soo nkaꞌanꞌ ráa tuntúꞌún. Jee suni sukuán koo rá ñɨvɨ xinéꞌénꞌ tuntúꞌún nteñu ránoꞌó. Jee tuví yuꞌuꞌ ráa tu̱ꞌun túꞌún sáá xinéꞌénꞌ ráa rá ñɨvɨ ya̱ xináánꞌ ráa ya̱ kúneí iniꞌ ñɨvɨ ínúꞌ iniꞌ ñɨvɨ Cristo, ne̱ suni kachiꞌ ráa ya̱ Jesús ntu̱ví kúvi re̱ꞌ I̱toꞌoꞌ‑ó. Jee jie̱ꞌe̱ꞌ ya̱ saꞌá ráa sukuán vá sa̱naanꞌ ni kɨ̱naanꞌ ráa.

Marcos 14:30

Jee nkachiꞌ Jesús nu̱u̱nꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱: Yakuááꞌ vitan, nikɨ́n ne̱ ntiáꞌan ka̱ꞌ kana stóꞌo ya̱ uvíꞌ íchí, jee u̱ni̱ꞌ íchí kachiꞌ nú ya̱ ntu jíníꞌ nú nuꞌuꞌ ―nkachiꞌ Jesús nu̱u̱nꞌ‑u.

Marcos 8:38

Chi néni ɨɨn ya̱ kúkanuun‑u jie̱ꞌe̱ꞌ nuꞌuꞌ jín jie̱ꞌe̱ꞌ tu̱ꞌun ni̱ꞌ nu̱u̱nꞌ rá ñɨvɨ kua̱chi yaꞌá, ya̱ na̱ni jie̱ꞌe̱ꞌ xínóo ráa Ndiosíꞌ, jee suni maáníꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kukanuun ni̱ꞌ jie̱ꞌe̱ꞌ ñɨvɨ vá, sáá niji ni̱ꞌ va̱ne̱ꞌ tu̱u̱nꞌ nasɨ́kuitɨꞌ ya̱ viiꞌ kúñáꞌnú ni̱ꞌ jín Tátáꞌ ni̱ꞌ Ndiosíꞌ, jín rá najiáꞌáꞌ ííꞌ re̱ꞌ ―nkachiꞌ Jesús.

Marcos 14:72

Jee ntañúꞌún kuitɨꞌ, nkana stóꞌo ya̱ uvíꞌ íchí. Jee nna̱ku̱ꞌun iniꞌ Pedro ya̱ nkachiꞌ Jesús nu̱u̱nꞌ re̱ꞌ: “Ne̱ ntiáꞌan ka̱ꞌ kana stóꞌo ya̱ uvíꞌ íchí, u̱ni̱ꞌ íchí kachiꞌ nú ya̱ ntu̱ví jíníꞌ nú nuꞌuꞌ”, nkachiꞌ Jesús. Jee sáá nna̱ku̱ꞌun iniꞌ re̱ꞌ tu̱ꞌun vá, jee nnaꞌyuꞌ re̱ꞌ.

Lucas 22:57

Soo nkachiꞌ Pedro ya̱ ntu̱ví, jee nkachiꞌ re̱ꞌ: ―Ñaꞌan, ntu̱ví jíníꞌ ni̱ꞌ re̱ꞌ.