Marcos 3:10 - Mixteco del suroeste de Tlaxiaco Oaxaca

¹⁰ Chi kue̱ꞌe̱ꞌ rá ñɨvɨ kúꞌvíꞌ nxi̱núvi re̱ꞌ jee ntáká rá ñɨvɨ nóꞌo tu̱nkúꞌvíꞌ chínátáꞌán ráa sáva kakɨ̱ꞌɨ ráa Jesús.

Marcos 3:10 交叉引用

Marcos 6:56

Né ni ví nkuvi nki̱vɨ re̱ꞌ, rá kuaríáꞌ áxí rá ñuunꞌ áxí chi̱kuꞌuꞌ, jee ñakɨnꞌ ráa rá kúꞌvíꞌ iniꞌ ichi. Jee ni̱ka̱nꞌ táꞌvíꞌ ráa, ya̱ ré kuvi kua̱chi i̱kɨ̱nꞌ ráa yuꞌú saꞌma re̱ꞌ ni. Jee ntáká rá ya̱ ni̱kɨ̱nꞌ maa, jee nuvi ráa.

Mateo 14:36

Jee ni̱ka̱nꞌ táꞌvíꞌ ráa nu̱u̱nꞌ re̱ꞌ ya̱ ku̱ꞌva re̱ꞌ sú kua̱chi ntíꞌ yuꞌú saꞌma ñúꞌún re̱ꞌ i̱kɨ̱nꞌ naꞌá ráa. Jee ntáká rá ñɨvɨ kúꞌvíꞌ ya̱ ni̱kɨ̱nꞌ naꞌá ráa saꞌma re̱ꞌ jee nnuvi ráa.

Mateo 4:23

Jee jíkónúun Jesús kua̱íyó rá ñuunꞌ sánitɨ́ɨn Galilea, xínéꞌénꞌ re̱ꞌ Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ kútútú rá ñɨvɨ Israel yukuán, jee stékútu̱ꞌún re̱ꞌ tu̱ꞌun váꞌa jie̱ꞌe̱ꞌ ya̱ kuvi ki̱vɨ ñɨvɨ naꞌá Ndiosíꞌ nu̱u̱nꞌ tátúníꞌ‑i, jee xínúvi re̱ꞌ ntáká rá ñɨvɨ kúꞌvíꞌ jín ntáká rá ñɨvɨ ya̱ táyáꞌ ñunéꞌyúꞌ ráa.

Hechos 5:15

Saáva ña̱na̱ka rá ñɨvɨ rá kúꞌvíꞌ iniꞌ ichi, jee yákɨ́nꞌ ráa rává nu̱u̱nꞌ i̱to jín nu̱u̱nꞌ tu̱nchi̱só. Sáva sa̱naanꞌ jia̱ꞌa xi̱ne̱ꞌñu̱ꞌ Pedro nu̱u̱nꞌ káá kéꞌín rává, sáá kua̱jia̱ꞌa re̱ꞌ.

Lucas 7:2

Jee yukuán nééꞌ ɨɨn capitán tátúníꞌ nu̱u̱nꞌ rá soldado Roma, jee ɨɨn rá musúꞌ re̱ꞌ, ya̱ ñúnúunꞌ víꞌí re̱ꞌ maa, jee kúꞌvíꞌ‑i jee sa̱néꞌ íyó kuviꞌ‑i.

Hebreos 12:6

Chi Ndiosíꞌ jee náchuꞌun na̱a̱ꞌ re̱ꞌ ichi rá ñɨvɨ ya̱ ñúnúunꞌ re̱ꞌ. Jee xínóꞌo re̱ꞌ ntáká ñɨvɨ ya̱ nákuayuꞌú re̱ꞌ ya̱ kúvi‑i se̱ꞌya re̱ꞌ.

Marcos 5:34

Jee nkachiꞌ Jesús nu̱u̱nꞌ ña: ―Se̱ꞌya sɨ́ꞌɨ́, nxi̱núvi ni̱ꞌ noꞌó jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ. Kuáꞌán váꞌa. Nuvi nú jie̱ꞌe̱ꞌ kue̱ꞌi̱ꞌ nú.

Mateo 14:14

Jee sáá nkene Jesús iniꞌ barkúꞌ, jee niniꞌ re̱ꞌ ñɨvɨ kue̱ꞌe̱ꞌ víꞌí yukuán, jee nku̱náꞌví iniꞌ re̱ꞌ nne̱ꞌyá re̱ꞌ ráa, jee nxi̱núvi re̱ꞌ ntáká rá ñɨvɨ kúꞌvíꞌ ya̱ kuáꞌánꞌ jín ráa.

Mateo 12:15

Jee ya jíníꞌ Jesús ya̱ sukuán jiáni iniꞌ rá fariseo, jee nkene re̱ꞌ yukuán kua̱ꞌa̱nꞌ re̱ꞌ. Jee kue̱ꞌe̱ꞌ nasɨ́kuitɨꞌ ñɨvɨ níkɨ́nꞌ ráa re̱ꞌ, jee nxi̱núvi re̱ꞌ ntáká rá ñɨvɨ kúꞌvíꞌ.

Génesis 12:17

Soo njia̱ꞌa I̱toꞌoꞌ‑ó kue̱ꞌi̱ꞌ kunoꞌo Faraón jín táꞌán veꞌi re̱ꞌ jie̱ꞌe̱ꞌ Sarai, ya̱ kúvi ñasɨ́ꞌɨ́ Abram.

Marcos 8:22

I̱ña̱jée nkenta ráa ñuunꞌ Betsaida. Jee nki̱naka rá ñɨvɨ ɨɨn te̱e kuáá nu̱u̱nꞌ Jesús jee ni̱ka̱nꞌ táꞌvíꞌ ráa nu̱u̱nꞌ re̱ꞌ, ya̱ sikáchiꞌi re̱ꞌ te̱e vá.

Lucas 5:3

Jee nkaa re̱ꞌ nki̱vɨ re̱ꞌ iniꞌ ɨɨn rá barkúꞌ vá, ya̱ kúvi barkúꞌ Simón. Jee ni̱ka̱nꞌ táꞌvíꞌ re̱ꞌ nu̱u̱nꞌ Simón ya̱ naskáka‑a vá siíyo‑o ntíꞌ nu̱u̱nꞌ ñuíchí nakuꞌun vá ntíꞌ nu̱u̱nꞌ nute. Jee ña̱kuneeꞌ re̱ꞌ, jee ne̱ iniꞌ barkúꞌ vá ñúꞌún re̱ꞌ xínéꞌénꞌ re̱ꞌ Tu̱ꞌun Ndiosíꞌ nu̱u̱nꞌ rá ñɨvɨ kue̱ꞌe̱ꞌ ya̱ íñɨ́ ráa yunúte vá.

Lucas 6:19

Jee ntáká rá ñɨvɨ núnasɨ́ ráa síkáchiꞌi ráa re̱ꞌ, chi máá maáréꞌ kéne fuersáꞌ níꞌin níso re̱ꞌ jee xínúvi re̱ꞌ ntáká ráa.

Lucas 7:21

Jee máá hora yukuán nxi̱núvi Jesús kue̱ꞌe̱ꞌ víꞌí rá ñɨvɨ kúꞌvíꞌ rá kue̱ꞌi̱ꞌ nóꞌo ráa, jín rá ñɨvɨ nóꞌo kue̱ꞌi̱ꞌ xéénꞌ nu̱u̱nꞌ yɨkɨkúñu ráa, jín rá ñɨvɨ ya̱ yɨ́ꞌɨ́ ta̱chi̱ꞌ kíni iniꞌ ráa, jee suni nsa̱ꞌá re̱ꞌ ya̱ nnu̱nijinꞌ nchinúún kue̱ꞌe̱ꞌ rá ñɨvɨ kuáá.