2 Jee neꞌenꞌ víꞌí domingúꞌ, ki̱vɨ̱ꞌ xíꞌnañúꞌún ya̱ semana, ña̱ꞌa̱nꞌ ráa nu̱u̱nꞌ yaviꞌ vá, sáá ntu̱u̱nꞌ nka̱niiꞌ.
Jee ki̱vɨ̱ꞌ xíꞌnañúꞌún semana, jee María ya̱ kúvi ñaꞌan ñuunꞌ Magdala, jee íyó neenꞌ ka̱ꞌ ya̱neꞌenꞌ jee ña̱ꞌa̱nꞌ ña nu̱u̱nꞌ yaviꞌ vá, jee niniꞌ ña ya̱ nkuiyo yu̱u̱ꞌ násɨ́ꞌ yuꞌú yaviꞌ vá.
Soo neꞌenꞌ víꞌí ki̱vɨ̱ꞌ xíꞌnañúꞌún ya̱ kájiéꞌé semana, ña̱ꞌa̱nꞌ ráña nu̱u̱nꞌ yaviꞌ veꞌi ni̱yɨ vá ínaꞌá ráña nute jiáꞌánꞌ vi̱xi̱ꞌ ya̱ nsa̱ꞌá stákoo ráña. Jee nku̱táꞌán sava ka̱ꞌ rá ñaꞌan jín ráña.
Sáá njia̱ꞌa ki̱vɨ̱ꞌ nájiáví, sáá nku̱nijinꞌ ki̱vɨ̱ꞌ xíꞌnañúꞌún nka̱jiéꞌé semana, jee kua̱ꞌa̱nꞌ nne̱ꞌyá María, ñaꞌan ñuunꞌ Magdala, jín inka ka̱ꞌ María yaviꞌ veꞌi ni̱yɨ vá.
Sáá njia̱ꞌa ki̱vɨ̱ꞌ nájiáví, jee María ñuunꞌ Magdala, jín Salomé jín María nánáꞌ Jacobo, nkeꞌen ráa aceite jiávi̱xi̱ꞌ sáva kɨ̱chisó ráa maa nu̱u̱nꞌ ñunéꞌyúꞌ Jesús.
Jee jíkátu̱ꞌún táꞌán ráa: ―¿Né ɨɨn xitá yu̱u̱ꞌ káꞌnú yuꞌú yaviꞌ vá?
