Lucas 5:35 - Mixteco del suroeste de Tlaxiaco Oaxaca

³⁵ Soo kenta rá ki̱vɨ̱ꞌ jee siíyo rá inka ñɨvɨ te̱e sukuán tana̱ꞌá vá nu̱u̱nꞌ ráa, saájee kuneeꞌ niteꞌ ráa rá ki̱vɨ̱ꞌ yukuán ―nkachiꞌ Jesús.

Lucas 5:35 交叉引用

Lucas 17:22

Saájee nkachiꞌ Jesús nu̱u̱nꞌ rá te̱e kútáꞌán jín re̱ꞌ súkuáꞌa re̱ꞌ ráa: ―Kiji rá ki̱vɨ̱ꞌ ya̱ ne̱ kuꞌun ñúkúvi iniꞌ rán kune̱ꞌyá rán ɨɨn rá ki̱vɨ̱ꞌ ya̱ nenta ni̱ꞌ ñɨ̱vɨ́ yaꞌá, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee ni nsáꞌ kuniꞌ rán maa.

2 Corintios 11:27

Tiñu yɨ́ɨ́ nsa̱ꞌá ni̱ꞌ, jee nsa̱tíñú ni̱ꞌ ne̱ nkui̱tá ni̱ꞌ. Kue̱ꞌe̱ꞌ íchí ntu nkíxíꞌ ni̱ꞌ. Kéꞌín íchí niso̱ko ni̱ꞌ jee nichiꞌ ni̱ꞌ nute. Kéꞌín íchí nneeꞌ niteꞌ ni̱ꞌ. Nkuijin ni̱ꞌ jee nkumaniꞌ saꞌma kuꞌun ni̱ꞌ.

1 Corintios 7:5

Jee saáva koto kúsáꞌán rán maárán nu̱u̱nꞌ te̱e kúvi yɨɨ́ rán, áxí nu̱u̱nꞌ ñaꞌan ya̱ kúvi ñasɨ́ꞌɨ́ rán. Kua̱chi retú natúꞌún ni núvíꞌ rán ya̱ nsáꞌ nune̱ꞌén rán yakuꞌ tiempúꞌ sáva kɨtíñú rán nu̱u̱nꞌ kaꞌanꞌ rán jín Ndiosíꞌ. Jee kuíre natuꞌva tuku rán táꞌán rán, sáva ntu sikúvi Satanás iniꞌ rán jee kusi̱kɨ́ iniꞌ rán jie̱ꞌe̱ꞌ kumaniꞌ rán nakeꞌen rán maárán.

Hechos 14:23

Jee ñani Pablo jín Bernabé rá te̱e kúñáꞌnú, sáva kosoꞌ rává nu̱u̱nꞌ ta grupo rá ñɨvɨ kúneí iniꞌ ráa Jesús. Jee nneeꞌ niteꞌ ráa sáá nkaꞌanꞌ ráa jín Ndiosíꞌ, sáva nxi̱nóo ráa rává naꞌá I̱toꞌoꞌ‑ó, ya̱ kúneí iniꞌ ráa, sáva nachituvi re̱ꞌ ráa.

Hechos 3:21

Jee íyó kino̱o Cristo ne̱ súkún, ne̱ tiempúꞌ nasástákoo Ndiosíꞌ nujiáá nɨꞌɨ, sánikua̱ꞌ nkachiꞌ re̱ꞌ tu̱ꞌun ya̱ njiáꞌa re̱ꞌ sákachiꞌ rá te̱e nákani tu̱ꞌun kéne yuꞌú re̱ꞌ, ne̱ tiempúꞌ nasɨ́kuitɨꞌ. Yɨ́tíñú ráa nu̱u̱nꞌ Ndiosíꞌ.

Hechos 1:9

Sáá nnɨꞌɨ nkachiꞌ re̱ꞌ tu̱ꞌun yaꞌá, ni néꞌyá ráa re̱ꞌ, jee nxi̱náa Ndiosíꞌ re̱ꞌ súkún. Jee nki̱vɨ re̱ꞌ nu̱u̱nꞌ vi̱ko̱ꞌ jee ntu ka̱ꞌ niniꞌ ráa maa.

Juan 16:28

Nkene ni̱ꞌ va̱ji ni̱ꞌ ne̱ nu̱u̱nꞌ maá Tátáꞌ ni̱ꞌ, jee va̱ji ni̱ꞌ iniꞌ ñɨ̱vɨ́ yaꞌá. Jee vitan jee kene ni̱ꞌ iniꞌ ñɨ̱vɨ́ yaꞌá, jee kɨ̱noꞌonꞌ tuku ni̱ꞌ nu̱u̱nꞌ Tátáꞌ ni̱ꞌ ―nkachiꞌ Jesús.

Juan 13:33

’Ránoꞌó, ya̱ kúvi kuéntáꞌ se̱ꞌya ni̱ꞌ, vitan jee yakuꞌ ni tiempúꞌ ka̱ꞌ íyó kuneeꞌ ni̱ꞌ jín ránoꞌó. Jee kuíre nanukú rán nuꞌuꞌ, soo kuéntáꞌ ya̱ nkachiꞌ ni̱ꞌ nu̱u̱nꞌ rá te̱e kúñáꞌnú nu̱u̱nꞌ ñɨvɨ Israel, jee suni sukuán káchíꞌ ni̱ꞌ nu̱u̱nꞌ rán vitan ya̱: Nu̱u̱nꞌ kɨ̱ꞌɨ̱nꞌ ni̱ꞌ, jee nkúvi kɨ̱ꞌɨ̱nꞌ rán.

Juan 12:8

Chi sukuáni nééꞌ rá láꞌví jín ránoꞌó, soo nuꞌuꞌ chi nsáꞌ nɨ́ɨ́nkání kuneeꞌ ni̱ꞌ jín ránoꞌó ―nkachiꞌ Jesús.

Mateo 9:15

Soo nkachiꞌ Jesús nu̱u̱nꞌ ráa: ―¿Á kuvi kukuíꞌyáꞌ iniꞌ rá ñɨvɨ kútáꞌán jín te̱e sukuán tánáꞌá ni nééꞌ re̱ꞌ jín ráa rúja? Ntu̱ví. Soo kenta rá ki̱vɨ̱ꞌ siíyo rá inka ñɨvɨ te̱e sukuán tánáꞌá vá nu̱u̱nꞌ ráa, saájee kuneeꞌ niteꞌ ráa.

Marcos 2:20

Soo kenta rá ki̱vɨ̱ꞌ jee siíyo rá inka ñɨvɨ te̱e sukuán tana̱ꞌá vá nu̱u̱nꞌ ráa, saájee kuneeꞌ niteꞌ ráa rá ki̱vɨ̱ꞌ yukuán.

Lucas 5:34

Jee nkachiꞌ Jesús nu̱u̱nꞌ ráa: ―¿Á kuvi saꞌá rán kuneeꞌ niteꞌ rá ñɨvɨ kútáꞌán jín te̱e sukuán tánáꞌá ni nééꞌ re̱ꞌ jín ráa rúja? ¡Ntu̱ví!

Lucas 5:36

Saájee suni nkachiꞌ re̱ꞌ tu̱ꞌun ya̱ kúnkunuún káꞌánꞌ suꞌva: ―Ni ɨɨn ñɨvɨ ntu kuáchi‑i ɨɨn kúté saꞌma jiáá sáva nachuꞌun‑u vá nakoto‑o vá nu̱u̱nꞌ téꞌnéꞌ ɨɨn saꞌma túꞌú. Chi retú saꞌá sukuán, jee natá‑a saꞌma jiáá vá jee ntu kánitáꞌán koo ya̱ jiáá vá jín ya̱ túꞌú vá.