Lucas 5:18 - Mixteco del suroeste de Tlaxiaco Oaxaca

¹⁸ Saájee nkenta kéꞌín rá te̱e ínaꞌá ráa ɨɨn tu̱nchi̱só yósóꞌ ɨɨn te̱e ya̱ ntu kántáꞌ‑a. Jee núnasɨ́ ráa núkú ráa sikívɨ ráa maa iniꞌ veꞌi sáva kakɨnꞌ ráa maa ichinúúnꞌ Jesús.

Lucas 5:18 交叉引用

Hechos 9:33

Jee yukuán nna̱niꞌinꞌ re̱ꞌ ɨɨn te̱e naní Eneas, ya̱ íyó u̱na̱ꞌ kui̱ya̱ꞌ ya̱ káá‑a nu̱u̱nꞌ i̱to, chi ntu kúvi kantaꞌ‑a.

Mateo 4:24

Jee ñe̱te̱nuun tu̱ꞌun jie̱ꞌe̱ꞌ Jesús nu̱u̱nꞌ ntáká rá ñuunꞌ sánitɨ́ɨn ñuunꞌ Siria. Jee nki̱naka rá ñɨvɨ nu̱u̱nꞌ Jesús ntáká rá ñɨvɨ kúꞌvíꞌ ya̱ nóꞌo sɨ́ɨ́n sɨ́ɨ́n kéꞌín nu̱u̱nꞌ kue̱ꞌi̱ꞌ, jín rá yájíꞌ yatúꞌ, jín rá yɨ́ꞌɨ́ ta̱chi̱ꞌ kíni, jín rá jíꞌíyɨ̱ꞌɨ́ jín rá ñɨvɨ ya̱ ntu kúvi kantaꞌ ñunéꞌyúꞌ jee nxi̱núvi Jesús ráa.

Lucas 5:24

Soo nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee stúvi ni̱ꞌ nu̱u̱nꞌ rán, sáva kukáꞌnú iniꞌ rán ya̱ nísotíñú ni̱ꞌ nu̱u̱nꞌ ñɨ̱vɨ́ yaꞌá sáva kunekáꞌnú iniꞌ ni̱ꞌ noꞌó jie̱ꞌe̱ꞌ kua̱chi ñɨvɨ, ―nkachiꞌ re̱ꞌ. Saájee nkachiꞌ re̱ꞌ nu̱u̱nꞌ te̱e ntu kántáꞌ vá: ―Káchíꞌ ni̱ꞌ nu̱u̱nꞌ nú: Nako̱o, nakeꞌen tu̱nchi̱só nú jee kuánoꞌonꞌ veꞌi nú ―nkachiꞌ re̱ꞌ.