Lucas 23:5 - Mixteco del suroeste de Tlaxiaco Oaxaca

⁵ Soo saꞌ víꞌí káꞌ yɨ́tuvi ráa káꞌánꞌ ráa si̱kɨ̱ꞌ Jesús, jee nkachiꞌ ráa: ―Jín tu̱ꞌun xínéꞌénꞌ re̱ꞌ ntáká ichi rá ñuunꞌ Judea xinénta re̱ꞌ rá ñɨvɨ si̱kɨ̱ꞌ rá te̱e nísotíñú. Chi nka̱jiéꞌé re̱ꞌ xínéꞌénꞌ re̱ꞌ rá tu̱ꞌun yaꞌá ne̱ ñuunꞌ Galilea jee nkenta re̱ꞌ ne̱ yaꞌá ―nkachiꞌ ráa.

Lucas 23:5 交叉引用

Juan 2:11

Jee tiñu yaꞌá ya̱ nsa̱ꞌá Jesús nu̱u̱nꞌ ñuunꞌ Caná ya̱ tɨ́ɨn Galilea nkuvi seña a̱nasɨ́ xíꞌnañúꞌún ya̱ nsa̱ꞌá Jesús. Jee seña yukuán nstúvi‑i ya̱ kúñáꞌnú nasɨ́kuitɨꞌ re̱ꞌ, jee rá te̱e súkuáꞌa re̱ꞌ ráa ni̱nu̱ꞌ iniꞌ ráa re̱ꞌ.

Juan 1:43

Jee ki̱vɨ̱ꞌ steñu̱ꞌún nkuini Jesús kɨ̱ꞌɨ̱nꞌ re̱ꞌ nu̱u̱nꞌ ñuunꞌ Galilea. Jee nna̱ketáꞌán re̱ꞌ Felipe, jee nkachiꞌ re̱ꞌ nu̱u̱nꞌ‑u: ―Kunikɨnꞌ nuꞌuꞌ.

Marcos 1:14

Sáá ntɨɨn ráa Juan nchiꞌi ráa maa veka̱a, jee ña̱ꞌa̱nꞌ Jesús Galilea stékútu̱ꞌún re̱ꞌ tu̱ꞌun váꞌa Ndiosíꞌ, [jie̱ꞌe̱ꞌ na̱ja tátúníꞌ Ndiosíꞌ],

Mateo 4:23

Jee jíkónúun Jesús kua̱íyó rá ñuunꞌ sánitɨ́ɨn Galilea, xínéꞌénꞌ re̱ꞌ Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ kútútú rá ñɨvɨ Israel yukuán, jee stékútu̱ꞌún re̱ꞌ tu̱ꞌun váꞌa jie̱ꞌe̱ꞌ ya̱ kuvi ki̱vɨ ñɨvɨ naꞌá Ndiosíꞌ nu̱u̱nꞌ tátúníꞌ‑i, jee xínúvi re̱ꞌ ntáká rá ñɨvɨ kúꞌvíꞌ jín ntáká rá ñɨvɨ ya̱ táyáꞌ ñunéꞌyúꞌ ráa.

Hechos 23:10

Sáá nxi̱níꞌin víꞌí ka̱ꞌ kántátúꞌun ráa, jee nyu̱ꞌví víꞌí general, chi nkaꞌvi iniꞌ re̱ꞌ, ya̱ tasáva ráa Pablo. Saáva nta̱túníꞌ re̱ꞌ nu̱u̱nꞌ rá soldado, ya̱ natavaꞌ ráa maa nteñu rá ñɨvɨ, jee kɨ̱naka ráa maa nu̱u̱nꞌ veꞌi cuartel nu̱u̱nꞌ nééꞌ rá soldado.

Hechos 10:37

Suvirán jíníꞌ ya̱ nkuvi nɨꞌɨ nu̱u̱nꞌ sánitɨ́ɨn Judea, ya̱ nka̱jiéꞌé stékútu̱ꞌún Jesús Tu̱ꞌun Ndiosíꞌ sánitɨ́ɨn Galilea jín ne̱ Judea, ne̱ sáá ya̱ njia̱ꞌa rá ki̱vɨ̱ꞌ nste̱kútu̱ꞌún Juan, ya̱ rá ñɨvɨ íyó nakani iniꞌ ráa jie̱ꞌe̱ꞌ kua̱chi ráa jee kuanuté ráa.

Hechos 7:57

Jee nka̱najíín ni̱ꞌin ráa, jee ñasɨꞌ ráa so̱ꞌo ráa, jee ntáká ráa nta̱vi̱ꞌ ráa re̱ꞌ.

Hechos 7:54

Sáá nteso̱ꞌo ráa rá tu̱ꞌun yaꞌá, jee nki̱tɨ̱ꞌ nasɨ́kuitɨꞌ ánímaꞌ ráa, jee ne̱ káꞌñɨ́ꞌ nu̱ꞌun ráa nu̱u̱nꞌ re̱ꞌ.

Hechos 5:33

Sáá nteso̱ꞌo rá te̱e Justicia rá tu̱ꞌun vá, jee nsa̱a̱ꞌ nasɨ́kuitɨꞌ xi̱ni̱ꞌ ráa, jee nkuini ráa kaꞌniꞌ ráa rává.

Juan 19:15

Soo nka̱najíín ráa: ―¡Tavaꞌ maa! ¡Tavaꞌ maa! ¡Tekaa maa nu̱u̱nꞌ kurúsiꞌ! ―nkachiꞌ ráa nu̱u̱nꞌ Pilato. Jee nkachiꞌ Pilato nu̱u̱nꞌ ráa: ―¿Á tekaa ni̱ꞌ te̱e nísotíñú rán nu̱u̱nꞌ kurúsiꞌ? Soo nna̱xiníkó rá su̱tu̱ꞌ kúñáꞌnú: ―Ránuꞌuꞌ chi ntu̱ví íyó inka ka̱ꞌ te̱e nísotíñú nu̱u̱nꞌ ránꞌ chisaꞌ métúꞌún ni te̱e nísotíñú Roma ví ya̱ tátúníꞌ nu̱u̱nꞌ ránꞌ ―nkachiꞌ ráa.

Juan 7:52

Jee nna̱xiníkó rá te̱e vá jee nkachiꞌ ráa: ―¿Á suni te̱e ñuunꞌ Galilea kúvi nú ya̱ káꞌánꞌ nú sukuán? Nanukú kávii va̱ꞌa nú nu̱u̱nꞌ Tutuꞌ níso Tu̱ꞌun Ndiosíꞌ jee kuniꞌ nú ya̱ Galilea ntu kene nu̱u̱nꞌ ñuunꞌ vá ɨɨn te̱e ya̱ nakani‑i tu̱ꞌun kene yuꞌú Ndiosíꞌ ―nkachiꞌ rá te̱e vá.

Juan 7:41

Jee sava ka̱ꞌ rá ñɨvɨ vá nkachiꞌ: ―Te̱e yaꞌá kúvi máá Cristo ―nkachiꞌ rá ñɨvɨ vá. Soo sava ráa ka̱ꞌ nkachiꞌ: ―Ntu̱ví chi nsú nu̱u̱nꞌ ñuunꞌ Galilea kiji Cristo.

Lucas 23:23

Soo kua̱yuꞌú ráa kánajíín ráa yɨ́tuvi ráa ya̱ tekaa re̱ꞌ maa nu̱u̱nꞌ kurúsiꞌ, jee ya̱ kánajíín ráa jee nku̱neí ráa jín re̱ꞌ.

Lucas 11:53

Jee sáá nkene re̱ꞌ yukuán, jee rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ jín rá te̱e yɨ́ꞌɨ́ ñujiínꞌ fariseo nka̱jiéꞌé xe̱e̱nꞌ nasɨ́kuitɨꞌ kítɨ́ꞌ iniꞌ ráa nne̱ꞌyá ráa re̱ꞌ. Jee stáña̱ꞌán ráa jín kue̱ꞌe̱ꞌ rá tu̱ꞌun xínáꞌmáꞌ ráa re̱ꞌ.

Mateo 27:24

Jee sáá niniꞌ Pilato ya̱ ntu kúneí re̱ꞌ jín rá ñɨvɨ chisaꞌ víꞌí ka̱ꞌ kúváaꞌ ráa, jee ni̱ka̱nꞌ re̱ꞌ nute, jee nna̱naꞌá re̱ꞌ ichinúúnꞌ rá ñɨvɨ kue̱ꞌe̱ꞌ vá, jee nkachiꞌ re̱ꞌ: ―Ntu kuáchi si̱kɨ̱ꞌ ni̱ꞌ ya̱ kuviꞌ te̱e yaꞌá. ¡Yaꞌá ví si̱kɨ̱ꞌ maárán! ―nkachiꞌ re̱ꞌ nu̱u̱nꞌ ráa.

Mateo 2:1

Jee sáá nkaku Jesús ñuunꞌ Belén, ya̱ yɨ́ꞌɨ́ xi̱ntíín ñuꞌun Judea. Jee tiempúꞌ yukuán kúvi Herodes te̱e tátúníꞌ re̱ꞌ rá ñuunꞌ vá. Jee nu̱u̱nꞌ ñuunꞌ Jerusalén nkenta sava rá te̱e tu̱ꞌva níchí xi̱ni̱ꞌ ya̱ váji ráa ne̱ ichi nu̱u̱nꞌ kénta nka̱niiꞌ.

Mateo 11:1

Jee sáá nkuvi nkachiꞌ Jesús rá tiñu njiáꞌa re̱ꞌ ya̱ saꞌá ni uxúꞌ u̱vi̱ꞌ (12) rá te̱e kútáꞌán jín re̱ꞌ súkuáꞌa re̱ꞌ ráa, jee nkene re̱ꞌ yukuán kua̱ꞌa̱nꞌ re̱ꞌ sáva xinéꞌénꞌ re̱ꞌ jee kachitu̱ꞌún re̱ꞌ Tu̱ꞌun Ndiosíꞌ nu̱u̱nꞌ rá ñɨvɨ rá ñuunꞌ káá yukuán.

Lucas 23:6

Jee sáá nteso̱ꞌo Pilato ya̱ káꞌánꞌ ráa xi̱ni̱ꞌ ñuunꞌ Galilea jee ni̱ka̱tu̱ꞌún re̱ꞌ retú te̱e ñuunꞌ Galilea ví te̱e yaꞌá.