Lucas 14:22 - Mixteco del suroeste de Tlaxiaco Oaxaca

²² Jee sáá nni̱kó musúꞌ vá, jee nkachiꞌ‑i: “I̱toꞌoꞌ ni̱ꞌ nsa̱ꞌá ni̱ꞌ ya̱ nta̱túníꞌ nú, soo núne i̱i̱ꞌ ka̱ꞌ nu̱u̱nꞌ kuneeꞌ ka̱ꞌ ñɨvɨ iniꞌ veꞌi nú jee chitú‑u”, nkachiꞌ‑i.

Lucas 14:22 交叉引用

Juan 14:2

Chi nu̱u̱nꞌ nééꞌ Tátáꞌ ni̱ꞌ jee íyó kue̱ꞌe̱ꞌ víꞌí nu̱u̱nꞌ íyó kuneeꞌ ñɨvɨ. Jee retánꞌ ntu̱ví íyó, jee nsáꞌ kachiꞌ ni̱ꞌ maa sukuán nu̱u̱nꞌ rán. Jee saáva kɨ̱ꞌɨ̱nꞌ ni̱ꞌ saꞌá túꞌva ni̱ꞌ nu̱u̱nꞌ kuneeꞌ rán.

1 Juan 2:2

Jee suvire̱ꞌ nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ sáva kunekáꞌnú iniꞌ Ndiosíꞌ kua̱chi‑ó. Jee nsáꞌ níꞌiꞌ re̱ꞌ kua̱chi kuitɨꞌ jie̱ꞌe̱ꞌ kua̱chi maáó ni, chi suni ni̱ꞌi̱ꞌ re̱ꞌ jie̱ꞌe̱ꞌ kua̱chi ntáká rá ñɨvɨ íyó ñɨ̱vɨ́ yaꞌá.

Colosenses 2:9

Chi yɨ́ꞌɨ́ kua̱ꞌ nɨꞌɨ ya̱ íyó maá Ndiosíꞌ iniꞌ Cristo ya̱ kúvi re̱ꞌ te̱e ya̱ íyó yɨkɨkúñu re̱ꞌ.

Efesios 3:8

Sú núun ka̱ꞌ kúñáꞌnú ni̱ꞌ nu̱u̱nꞌ nɨꞌɨ rá ñɨvɨ núun ka̱ꞌ kúñáꞌnú ráa ya̱ nsa̱ꞌá sɨ́ɨ́n Ndiosíꞌ ráa sáva kuvi ráa ñɨvɨ re̱ꞌ. Soo nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ ya̱ kachitu̱ꞌún ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ ya̱ ntu kúvi ñɨvɨ Israel. Tu̱ꞌun vá ví ya̱ ntántúníꞌ yɨ́yáꞌvi nasɨ́kuitɨꞌ ka̱ꞌ ví Cristo jín rá táji re̱ꞌ nu̱u̱nꞌ‑ó. Jee ni nsáꞌ kenta ki̱ku̱ꞌun iniꞌ‑ó nɨꞌɨ tu̱ꞌun vá.

Lucas 14:21

Jee sáá nni̱kó musúꞌ vá jee nna̱kani‑i nɨꞌɨ rá tu̱ꞌun yaꞌá ya̱ nkachiꞌ rá ñɨvɨ vá nu̱u̱nꞌ i̱toꞌoꞌ‑o, saájee nki̱tɨ̱ꞌ víꞌí iniꞌ i̱toꞌoꞌ veꞌi vá, jee nkachiꞌ‑i nu̱u̱nꞌ musúꞌ‑u vá: “Kuáꞌán ntañúꞌún rá nu̱yáꞌvi jín rá iniꞌ ichi káá nteñu ñuunꞌ, jee kana nú rá ñɨvɨ láꞌví, jín rá ñɨvɨ kúꞌlúꞌ, jín rá ñɨvɨ kuáá jín rá ñɨvɨ lénkó, kiji ráa”, nkachiꞌ re̱ꞌ.

Lucas 14:23

’Saájee nkachiꞌ i̱toꞌoꞌ xí veꞌi vá nu̱u̱nꞌ musúꞌ‑u: “Kuáꞌán iniꞌ rá ichi káꞌnú jín rá ichi kuíñɨ́, jee tetuvi nú rá ñɨvɨ ki̱vɨ ráa, sáva chitú veꞌi ni̱ꞌ.