Lucas 12:36 - Mixteco del suroeste de Tlaxiaco Oaxaca

³⁶ Íyó saꞌá rán kuéntáꞌ rá musúꞌ nétu ráa nenta I̱toꞌoꞌ ráa ya̱ kuáꞌán‑a ɨɨn viko tánáꞌá, jee sáva sáá nikó‑o jee sikájián‑a yuvéꞌí jee ntañúꞌún kuitɨꞌ sine ráa maa.

Lucas 12:36 交叉引用

Apoclipsis 3:20

Kune̱ꞌyá rán, chi kuéntáꞌ íñɨ́ ni̱ꞌ yuvéꞌí rán síkájián ni̱ꞌ, retú néni ɨɨn rán teso̱ꞌo tu̱ꞌun káꞌánꞌ ni̱ꞌ jee chuꞌun iniꞌ rán maa jee ki̱vɨ ni̱ꞌ iniꞌ ánímaꞌ‑a kuéntáꞌ sine‑e yuvéꞌí jee ki̱vɨ ni̱ꞌ, jee kajiꞌ ni̱ꞌ i̱xta̱ꞌ jín‑i jee kajiꞌ ñɨvɨ vá jín nuꞌuꞌ.

Génesis 49:18

’¡Oh, I̱toꞌoꞌ, nétu ni̱ꞌ ya̱ sikáku nú nuꞌuꞌ!

Lucas 12:35

Jee suni nkachiꞌ re̱ꞌ: ―Íyó koo nito rán maárán satúꞌva rán maárán kuéntáꞌ kua̱ꞌ ɨɨn musúꞌ satúꞌva re̱ꞌ maáréꞌ ki̱vɨ̱ꞌ nikó tuku I̱toꞌoꞌ re̱ꞌ nenta‑a, ya̱ kuꞌun stákoo re̱ꞌ saꞌma re̱ꞌ jín ya̱ kutuunꞌ tu̱ꞌva ñuꞌunꞌ re̱ꞌ kunetu re̱ꞌ maa.

Lucas 12:37

Jee na̱ ka̱ꞌ netuꞌ ka̱ꞌ ví rá musúꞌ vá sáá nenta i̱toꞌoꞌ xí tiñu ráa jee naniꞌinꞌ re̱ꞌ ráa ya̱ íyó nito ráa. Jee máá naáꞌ nijia vá káchíꞌ ni̱ꞌ nu̱u̱nꞌ rán ya̱ suni ne̱ maá i̱toꞌoꞌ ráa nasatúꞌva re̱ꞌ maáréꞌ, jee sikúneeꞌ re̱ꞌ ráa yumesáꞌ, jee chisó re̱ꞌ nu̱u̱nꞌ ráa ya̱ kajiꞌ ráa.

Apoclipsis 19:7

¡Na̱ ka̱ꞌ kusɨ̱ɨ̱ꞌ iniꞌ‑ó, jee sɨ̱ɨ̱ꞌ kuvi iniꞌ ánímaꞌ‑ó, nakuetúꞌún‑ó re̱ꞌ chi máá kúñáꞌnú kúvi re̱ꞌ! Chi ya̱ nkenta viko tánáꞌá maáréꞌ ya̱ kuvi Lanchi Lúlí, jee nkenta tana̱ꞌá re̱ꞌ. Jee rá ñɨvɨ yɨ́ꞌɨ́ xi̱ntíín Ndiosíꞌ kúvi ráa kuéntáꞌ kúvi ñaꞌan ya̱ ya íyó tu̱ꞌva ña ya̱ tana̱ꞌá ña jín re̱ꞌ.