Juan 12:28 - Mixteco del suroeste de Tlaxiaco Oaxaca

²⁸ Tátáꞌ ni̱ꞌ, stúvi nú ya̱ kúñáꞌnú nasɨ́kuitɨꞌ nú ―nkachiꞌ Jesús. Saájee nkiji ɨɨn ta̱chi̱yuꞌú ne̱ antivɨ́ súkún jee nkachiꞌ‑i: ―Ya nstúvi ni̱ꞌ ya̱ kúñáꞌnú nasɨ́kuitɨꞌ ni̱ꞌ jee tukuni stúvi ni̱ꞌ maa ―nkachiꞌ Ndiosíꞌ.

Juan 12:28 交叉引用

Mateo 26:42

Jee nni̱kó tuku re̱ꞌ kua̱ꞌa̱nꞌ re̱ꞌ ya̱ uvíꞌ íchí, jee jíkánꞌ táꞌvíꞌ re̱ꞌ, jee nkachiꞌ re̱ꞌ: ―Tátáꞌ maáníꞌ, retú ntu kúvi jia̱ꞌa tu̱nóꞌó yaꞌá ya̱ váji kunoꞌo ni̱ꞌ, jee saꞌá sáni kuíni maánú ―nkachiꞌ Jesús.

Mateo 17:5

Jee ni káꞌánꞌ i̱i̱ꞌ ka̱ꞌ Pedro, jee nkenta vi̱ko̱ꞌ maa jiánu̱te̱ꞌ kuéntáꞌ íyó nuva ñuꞌunꞌ ñasɨꞌ‑ɨ ráa, jee nu̱u̱nꞌ vi̱ko̱ꞌ vá nkene ɨɨn ta̱chi̱yuꞌú, jee káchíꞌ‑i: ―Yaꞌá ví Se̱ꞌya ni̱ꞌ jee ñúnúunꞌ ni̱ꞌ re̱ꞌ, jee kúváꞌa iniꞌ ni̱ꞌ néꞌyá ni̱ꞌ re̱ꞌ. Tɨɨn kuéntáꞌ ñáꞌnú rá tu̱ꞌun káchíꞌ re̱ꞌ ―nkachiꞌ nusuyuꞌú vá.

Mateo 3:17

Saájee ɨɨn ta̱chi̱yuꞌú nteso̱ꞌo ne̱ antivɨ́ súkún, jee nkachiꞌ‑i: ―Yaꞌá kúvi Se̱ꞌya ni̱ꞌ jee ñúnúunꞌ ni̱ꞌ maa, jee kúváꞌa víꞌí iniꞌ ni̱ꞌ néꞌyá ni̱ꞌ maa ―nkachiꞌ Ndiosíꞌ.

2 Pedro 1:17

Jee nni̱ꞌi̱nꞌ re̱ꞌ ya̱ Tátáꞌ‑ó Ndiosíꞌ nkaꞌanꞌ yɨ́ñúꞌún‑u jín re̱ꞌ, jee nsa̱ꞌá ñáꞌnú‑u re̱ꞌ. Chi ne̱ súkún nkiji rá tu̱ꞌun ne̱ nu̱u̱nꞌ nuva máá Ndiosíꞌ máá viiꞌ kúñáꞌnú‑u, jee nkachiꞌ‑i: “Yaꞌá ví Se̱ꞌya ni̱ꞌ jee ñúnúunꞌ ni̱ꞌ re̱ꞌ, jee kúváꞌa iniꞌ ni̱ꞌ néꞌyá ni̱ꞌ re̱ꞌ”, nkachiꞌ Ndiosíꞌ.

Efesios 3:21

Na̱ ka̱ꞌ viiꞌ nasɨ́kuitɨꞌ kúñáꞌnú re̱ꞌ ka̱ꞌ jín tiñu nsa̱ꞌá re̱ꞌ jie̱ꞌe̱ꞌ rá ñɨvɨ ya̱ kúneí iniꞌ ráa re̱ꞌ, jín jie̱ꞌe̱ꞌ ya̱ nsa̱ꞌá Cristo Jesús, jee nakuetúꞌún‑ó re̱ꞌ ntáká tiempúꞌ jín nɨ́ɨ́nkání. ¡Sukuán koo! ¡Amén!

Efesios 3:10

Sukuán nsa̱ꞌá re̱ꞌ sáva rá najiáꞌáꞌ ííꞌ re̱ꞌ rá kúñáꞌnú jín rá nísotíñú ya̱ nééꞌ ráa antivɨ́ súkún, jee sáá kune̱ꞌyá ráa nu̱u̱nꞌ tiñu sáꞌá re̱ꞌ iniꞌ rá ñɨvɨ ya̱ kúneí iniꞌ ráa Jesús, jee kuniꞌ ráa ya̱ ntáká nu̱u̱nꞌ ntántúníꞌ níchí nasɨ́kuitɨꞌ ka̱ꞌ Ndiosíꞌ.

Efesios 2:7

Jee nsa̱ꞌá re̱ꞌ sukuán sáva stúvi nu̱u̱nꞌ rá ñɨvɨ tiempúꞌ kiji ichinúúnꞌ ka̱ꞌ ya̱ na̱ ka̱ꞌ ntántúníꞌ ka̱ꞌ íyó mániꞌ iniꞌ re̱ꞌ ya̱ ñúnkúún iniꞌ re̱ꞌ néꞌyá re̱ꞌ yó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús.

Juan 18:11

Saájee nkachiꞌ Jesús nu̱u̱nꞌ Pedro: ―Nachuꞌun yuchiꞌ espada nú iniꞌ ñɨɨn yuchiꞌ nú. Chi tu̱nóꞌó ntaji Tátáꞌ ni̱ꞌ nu̱u̱nꞌ ni̱ꞌ, ¿á ntu saá íyó kunoꞌo ni̱ꞌ maa réja? ―nkachiꞌ Jesús.

Juan 11:4

Jee sáá nteso̱ꞌo Jesús rá tu̱ꞌun yaꞌá, jee nkachiꞌ re̱ꞌ: ―Kue̱ꞌi̱ꞌ yaꞌá jee nsú kue̱ꞌi̱ꞌ kuviꞌ re̱ꞌ kuvi‑i. Chisaꞌ sáva stúvi‑i ya̱ kúñáꞌnú nasɨ́kuitɨꞌ Ndiosíꞌ, sáva jie̱ꞌe̱ꞌ vá kuniꞌ rá ñɨvɨ ya̱ kúñáꞌnú ni̱ꞌ ya̱ kúvi Se̱ꞌya Ndiosíꞌ ―nkachiꞌ Jesús.

Juan 9:3

Jee nna̱xiníkó Jesús: ―Nsú jie̱ꞌe̱ꞌ ya̱ nsa̱ꞌá te̱e yaꞌá kua̱chi ni nsú jie̱ꞌe̱ꞌ tátáꞌ re̱ꞌ jín nánáꞌ re̱ꞌ kúvi‑i, chisaꞌ nkaku re̱ꞌ sukuán sáva stúvi Ndiosíꞌ nu̱u̱nꞌ rá ñɨvɨ rá tiñu ñáꞌnú ya̱ saꞌá re̱ꞌ nu̱u̱nꞌ te̱e yaꞌá.

Lucas 9:35

Saájee nu̱u̱nꞌ vi̱ko̱ꞌ vá nkene ɨɨn nusuyuꞌú ya̱ káchíꞌ‑i: ―Yaꞌá ví Se̱ꞌya yɨ́ɨ́ ni̱ꞌ, [jee ñúnúunꞌ ni̱ꞌ re̱ꞌ], ya̱ nkáji ni̱ꞌ maa. Tɨɨn kuéntáꞌ ñáꞌnú rá tu̱ꞌun káchíꞌ re̱ꞌ ―nkachiꞌ‑i.

Lucas 3:22

jee nki̱nkuun Ta̱chi̱ꞌ Ííꞌ nu̱u̱nꞌ re̱ꞌ kuéntáꞌ kua̱ꞌ íyó ñunéꞌyúꞌ ɨɨn paloma, jee ne̱ antivɨ́ vá nkiji nusuyuꞌú, jee káchíꞌ‑i: ―Noꞌó kúvi Se̱ꞌya ni̱ꞌ jee ñúnúunꞌ ni̱ꞌ noꞌó, jee kúváꞌa víꞌí iniꞌ ni̱ꞌ néꞌyá ni̱ꞌ noꞌó.

Marcos 14:36

Jee ni̱ka̱nꞌ táꞌvíꞌ re̱ꞌ: ―¡Abba! ¡Tátáꞌ ni̱ꞌ! Nɨꞌɨ nu̱u̱nꞌ vá kúvi saꞌá nú. Siíyo nú copa yaꞌá ya̱ kúvi tu̱nóꞌó kiji kunoꞌo ni̱ꞌ. Soo koto sáꞌá nú ya̱ kuíni iniꞌ nuꞌuꞌ, chisaꞌ saꞌá ya̱ kuíni maánú ―sukuán ni̱ka̱nꞌ táꞌvíꞌ re̱ꞌ.

Marcos 9:7

Jee nkenta ɨɨn vi̱ko̱ꞌ jee nna̱kasɨꞌ‑ɨ nu̱u̱nꞌ íñɨ́ ntáká ráa. Jee nkene ɨɨn nusuyuꞌú ma̱ꞌñú vi̱ko̱ꞌ vá, jee nkachiꞌ‑i: ―Yaꞌá ví Se̱ꞌya yɨ́ɨ́ ni̱ꞌ jee ñúnúunꞌ ni̱ꞌ re̱ꞌ. Tɨɨn kuéntáꞌ ñáꞌnú rá tu̱ꞌun káchíꞌ re̱ꞌ.

Marcos 1:11

Jee nkaꞌanꞌ ɨɨn ta̱chi̱yuꞌú ne̱ súkún jee nkachiꞌ‑i: ―Noꞌó kúvi Se̱ꞌya ni̱ꞌ jee ñúnúunꞌ ni̱ꞌ nó jee kúváꞌa víꞌí iniꞌ ni̱ꞌ néꞌyá ni̱ꞌ noꞌó.

Mateo 11:25

Jee tiempúꞌ yukuán, jee ni̱ka̱nꞌ táꞌvíꞌ Jesús nu̱u̱nꞌ Tátáꞌ‑a Ndiosíꞌ, jee nkachiꞌ‑i: ―Nákuetúꞌún ni̱ꞌ noꞌó, Tátáꞌ ni̱ꞌ, ya̱ kúvi nú I̱toꞌoꞌ tátúníꞌ nu̱u̱nꞌ antivɨ́ jín iniꞌ ñɨ̱vɨ́ yaꞌá, chi nchise̱ꞌí nú tiñu ñáꞌnú nú yaꞌá nu̱u̱nꞌ rá ñɨvɨ tu̱ꞌva jín rá ñɨvɨ níchí ya̱ ntu njiáꞌa nú ya̱ ki̱ku̱ꞌun iniꞌ ráa maa, chisaꞌ nstúvi nú maa nu̱u̱nꞌ rá ñɨvɨ ñúláꞌví iniꞌ ya̱ kúvi ráa kuéntáꞌ rá súchí lúlí.

Mateo 11:26

Va̱tu̱ni, Tátáꞌ ni̱ꞌ, chi kúváꞌa iniꞌ nú ya̱ sukuán koo.