Hechos 9:6 - Mixteco del suroeste de Tlaxiaco Oaxaca

⁶ Nkisɨ Saulo máá ñúyúꞌví iniꞌ re̱ꞌ, jee nkachiꞌ re̱ꞌ: ―I̱toꞌoꞌ ni̱ꞌ, ¿ná kúvi ya̱ kuíni nú ya̱ saꞌá ni̱ꞌ? Jee I̱toꞌoꞌ‑ó nkachiꞌ: ―Nako̱o jee ki̱vɨ ñuunꞌ vá. Jee yukuán kachiꞌ ɨɨn ñɨvɨ ná kúvi ya̱ íyó saꞌá nú.

Hechos 9:6 交叉引用

Hechos 22:10

Jee ni̱ka̱tu̱ꞌún ni̱ꞌ: “¿Ná kúvi ya̱ saꞌá ni̱ꞌ, I̱toꞌoꞌ ni̱ꞌ?” Jee nkachiꞌ I̱toꞌoꞌ‑ó: “Nako̱o, jee kuáꞌán ne̱ ñuunꞌ Damasco. Yukuán kachiꞌ ɨɨn te̱e nɨꞌɨ ya̱ ntaji ni̱ꞌ nu̱u̱nꞌ nú ya̱ saꞌá nú.”

Hechos 26:16

Soo nako̱o jee nakui̱ñɨ̱ꞌ nichiꞌ nú. Chi ntu̱vi ni̱ꞌ nu̱u̱nꞌ nú, sáva kani ni̱ꞌ noꞌó kuvi nú musúꞌ kuatíñú ni̱ꞌ noꞌó, jee nastúvi nú ya̱ naáꞌ jie̱ꞌe̱ꞌ ya̱ niniꞌ nú vitan, jín ya̱ xinéꞌénꞌ ni̱ꞌ nu̱u̱nꞌ nú.

Filipenses 2:12

Saájee, ránoꞌó ya̱ ñúnúunꞌ ni̱ꞌ. Kuéntáꞌ sukuáni káníjiá rán tu̱ꞌun xínéꞌénꞌ ni̱ꞌ sáá nééꞌ ni̱ꞌ jín rán, soo vitan, sáá íyó íká ni̱ꞌ nu̱u̱nꞌ rán, saꞌ víꞌí káꞌ naniꞌvɨꞌ iniꞌ rán kaka na̱a̱ꞌ rán nu̱u̱nꞌ Tu̱ꞌun Ndiosíꞌ, ya̱ ña̱tíñú re̱ꞌ sáva natavaꞌ re̱ꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó. Jee naniꞌvɨꞌ iniꞌ rán saꞌá ñáꞌnú víꞌí rán nu̱u̱nꞌ re̱ꞌ, jee naniꞌvɨꞌ iniꞌ rán ya̱ koto stívɨ́ rán maárán.

Romanos 10:20

Jee kuíre nchu̱neí iniꞌ Isaías nkachiꞌ re̱ꞌ ya̱ nkachiꞌ Ndiosíꞌ: Nna̱niꞌinꞌ rá ñɨvɨ nuꞌuꞌ ya̱ ntu̱ví nnánukú ráa nuꞌuꞌ. Jee nstúvi ni̱ꞌ maáníꞌ nu̱u̱nꞌ ñɨvɨ ya̱ ntu níkátu̱ꞌún ráa jie̱ꞌe̱ꞌ nuꞌuꞌ. Nkachiꞌ Ndiosíꞌ.

Romanos 10:3

Chi ntu tɨ́ɨn kuéntáꞌ ráa ya̱ Ndiosíꞌ ví ya̱ sáꞌá re̱ꞌ ya̱ kino̱o na̱a̱ꞌ ñɨvɨ nu̱u̱nꞌ re̱ꞌ. Chisaꞌ núkú ráa saꞌá maáráa ya̱ kino̱o na̱a̱ꞌ ráa nu̱u̱nꞌ re̱ꞌ, jee ntu chíꞌi ráa maáráa nu̱u̱nꞌ ya̱ sáꞌá re̱ꞌ ya̱ kino̱o na̱a̱ꞌ ráa nu̱u̱nꞌ re̱ꞌ.

Romanos 7:9

Jee ni̱yo ɨɨn tiempúꞌ ya̱ ñaꞌnu ni̱ꞌ, sáá ntiáꞌan kuniꞌ ni̱ꞌ ná tátúníꞌ ley Moisés, nékúvi. Soo sáá nkenta nku̱káꞌnú iniꞌ ni̱ꞌ ná káchíꞌ tu̱ꞌun tátúníꞌ Ndiosíꞌ, jee kuéntáꞌ nna̱tekuꞌ kua̱chi ni̱ꞌ sáva kuneí‑i jín ni̱ꞌ, jee kuéntáꞌ naanꞌ ni̱ꞌ.

Romanos 5:20

Soo nkenta tu̱ꞌun ley nta̱túníꞌ Ndiosíꞌ sáva kukueꞌeꞌ ka̱ꞌ kua̱chi sáꞌá ñɨvɨ. Soo sáá nku̱kueꞌeꞌ kua̱chi íyó, jee kúkueꞌeꞌ ka̱ꞌ íyó mániꞌ iniꞌ Ndiosíꞌ néꞌyá re̱ꞌ yó.

Hechos 10:32

I̱ña̱jée tají kéꞌín te̱e nu̱u̱nꞌ ñuunꞌ Jope, ya̱ kikeꞌen ráa ɨɨn te̱e naní Simón, ya̱ suni naní re̱ꞌ Pedro. Te̱e yaꞌá nééꞌ‑e veꞌi inka te̱e naní Simón, ya̱ sáꞌástákoo re̱ꞌ ñɨɨn. Veꞌi re̱ꞌ káá yatin yuꞌú nteñúꞌún. [Sáá kenta Pedro jee kaꞌanꞌ re̱ꞌ jín nú.]”

Hechos 10:22

Jee nna̱xiníkó ráa: ―Capitán Cornelio kúvi re̱ꞌ te̱e na̱a̱ꞌ nu̱u̱nꞌ Ndiosíꞌ, jee ñúyúꞌví iniꞌ re̱ꞌ néñu̱ꞌun re̱ꞌ Ndiosíꞌ. Jee nɨꞌɨ rá ñɨvɨ Israel jiáꞌa ráa ya̱ naáꞌ ya̱ kúvi re̱ꞌ suꞌva. Ɨɨn najiáꞌáꞌ ííꞌ Ndiosíꞌ nkachiꞌ‑i nu̱u̱nꞌ re̱ꞌ, ya̱ kána re̱ꞌ nó kɨ̱ꞌɨ̱nꞌ nú nu̱u̱nꞌ veꞌi re̱ꞌ, sáva teso̱ꞌo re̱ꞌ tu̱ꞌun ya̱ kachiꞌ nú nu̱u̱nꞌ re̱ꞌ ―nkachiꞌ ráa nu̱u̱nꞌ Pedro.

Hechos 10:6

Nééꞌ te̱e yaꞌá veꞌi inka te̱e naní Simón, ya̱ sáꞌástákoo re̱ꞌ ñɨɨn. Veꞌi re̱ꞌ káá yatin yuꞌú nteñúꞌún ―nkachiꞌ najiáꞌáꞌ ííꞌ vá.

Hechos 2:37

Sáá nteso̱ꞌo ráa tu̱ꞌun vá, nnu̱kuíꞌyáꞌ nasɨ́kuitɨꞌ iniꞌ ráa ne̱ ntu̱fi̱ꞌ ánímaꞌ ráa, jee nkachiꞌ ráa nu̱u̱nꞌ Pedro jín nu̱u̱nꞌ rá inka ka̱ꞌ te̱e níso rává tiñu apóstol: ―¿Ná íyó saꞌá ránꞌ, résa? Ránoꞌó ñaniꞌ.

Lucas 3:10

Saájee ni̱ka̱tu̱ꞌún rá ñɨvɨ vá Juan: ―¿Ná kúvi ya̱ saꞌá ráníꞌ rúja? ―nkachiꞌ ráa.

Mateo 19:30

Soo kue̱ꞌe̱ꞌ rá ñɨvɨ ya̱ kúñáꞌnú vitan, jee kuvi ráa ne̱ nu̱u̱nꞌ nɨ́ꞌɨ tiempúꞌ kiji, jee rá ñɨvɨ ya̱ kúvi ráa ne̱ nu̱u̱nꞌ nɨ́ꞌɨ ka̱ꞌ vitan, jee suviráa vá xíꞌna ka̱ꞌ kuñáꞌnú ka̱ꞌ.

Santiago 4:6

Soo saꞌ víꞌí káꞌ chíneí Ndiosíꞌ yó jie̱ꞌe̱ꞌ ya̱ íyó ma̱ni̱ꞌ iniꞌ re̱ꞌ néꞌyá re̱ꞌ yó, saáva káchíꞌ Tu̱ꞌun Ndiosíꞌ níso nu̱u̱nꞌ Tutuꞌ: “Ndiosíꞌ, núníꞌin re̱ꞌ si̱kɨ̱ꞌ rá ñɨvɨ kútéyɨ́ɨ́, soo íyó mániꞌ iniꞌ re̱ꞌ néꞌyá re̱ꞌ rá ñɨvɨ jiáni láꞌví iniꞌ ya̱ chíneí chituvi re̱ꞌ ráa.”

Hechos 9:5

Jee ni̱ka̱tu̱ꞌún Saulo: ―¿Né ɨɨn kúvi nú, I̱toꞌoꞌ ni̱ꞌ? Jee nna̱xiníkó ta̱chi̱ꞌ yuꞌú vá: ―Maáníꞌ kúvi Jesús, ya̱ jíto u̱ꞌvi̱ꞌ nú. [Xínóꞌo nú maánú, kuéntáꞌ ɨɨn sa̱na̱ꞌ ya̱ jiáñúꞌ yátá ti̱ꞌ xi̱ni̱ꞌ tu̱xíi ñɨvɨ tájí ti̱ꞌ.]