Hechos 7:32 - Mixteco del suroeste de Tlaxiaco Oaxaca

³² “Nuꞌuꞌ ví Ndiosíꞌ ya̱ nneñu̱ꞌun rá jííꞌ nú yanaꞌán nuꞌuꞌ. Nuꞌuꞌ ví Ndiosíꞌ ya̱ néñu̱ꞌun Abraham, jín Isaac, jín Jacobo nuꞌuꞌ”, nkachiꞌ Ndiosíꞌ. Soo nka̱jiéꞌé nkisɨ Moisés maa nyu̱ꞌví re̱ꞌ. Jee ntu nkíji iniꞌ re̱ꞌ kune̱ꞌyá re̱ꞌ.

Hechos 7:32 交叉引用

Mateo 22:32

“Nuꞌuꞌ ví Ndiosíꞌ ya̱ néñu̱ꞌun Abraham, jín Isaac, jín Jacobo nuꞌuꞌ”, nkachiꞌ Ndiosíꞌ. Jee ntu kúvi re̱ꞌ Ndiosíꞌ rá níyɨ, chisaꞌ kúvi re̱ꞌ Ndiosíꞌ rá ñɨvɨ tékúꞌ ya̱ néñu̱ꞌun ráa re̱ꞌ ―nkachiꞌ Jesús.

Apoclipsis 1:17

Jee sáá niniꞌ ni̱ꞌ re̱ꞌ, jee nna̱niso ni̱ꞌ nu̱u̱nꞌ íñɨ́ jie̱ꞌe̱ꞌ re̱ꞌ kuéntáꞌ ɨɨn ni̱yɨ níꞌiꞌ. Jee ntee re̱ꞌ naꞌá kuáꞌá re̱ꞌ nu̱u̱nꞌ ñunéꞌyúꞌ ni̱ꞌ, jee nkachiꞌ re̱ꞌ nu̱u̱nꞌ ni̱ꞌ: ―Koto yúꞌví nú. Chi maáníꞌ kúvi ya̱ ya íyó ni̱ꞌ nɨ́ɨ́nkání ne̱ xíꞌnañúꞌún ne̱ sáá ntiáꞌan kijiéꞌé kiko̱o ñɨ̱vɨ́, jee sáá nɨꞌɨ ñɨ̱vɨ́ jee koo ni̱ꞌ nɨ́ɨ́nkání.

Hebreos 11:16

Soo nñu̱ꞌun iniꞌ ráa ɨɨn ñuunꞌ váꞌa ka̱ꞌ ya̱ kúvi ñuunꞌ antivɨ́. Jee saáva Ndiosíꞌ ntu kúkanuun re̱ꞌ kuna̱ní re̱ꞌ Ndiosíꞌ ráa. Nsa̱ꞌá stákoo re̱ꞌ ñuunꞌ ya̱ kuvi ráa.

Hechos 3:13

Ndiosíꞌ ví re̱ꞌ ya̱ nneñu̱ꞌun rá jííꞌ‑ó yanaꞌán Abraham jín Isaac jín Jacob. Jee suni Ndiosíꞌ ví re̱ꞌ ya̱ nneñu̱ꞌun rá inka tátáꞌ jííꞌ‑ó yanaꞌán re̱ꞌ. Suvire̱ꞌ ví ya̱ nsa̱ꞌá re̱ꞌ ya̱ kúñáꞌnú Se̱ꞌya re̱ꞌ Jesús. Jee suvirán nna̱ku̱ꞌva rán Jesús nu̱u̱nꞌ rá te̱e néetiñu. Jee suvirán nku̱ichi iniꞌ rán maa nu̱u̱nꞌ Pilato, sú nkuna̱a̱ꞌ iniꞌ re̱ꞌ siaáꞌ re̱ꞌ maa.

Lucas 5:8

Jee sáá niniꞌ Simón Pedro ya̱ nkuvi sukuán, jee nna̱kui̱ñɨ̱ꞌ ítɨ́ re̱ꞌ nu̱u̱nꞌ Jesús jee nkachiꞌ re̱ꞌ: ―Siíyo nú maánú nu̱u̱nꞌ nuꞌuꞌ, I̱toꞌoꞌ ni̱ꞌ, chi te̱e kua̱chi kúvi ni̱ꞌ ―nkachiꞌ re̱ꞌ.

Mateo 17:6

Jee sáá nteso̱ꞌo rá te̱e ya̱ súkuáꞌa Jesús vá rá tu̱ꞌun vá, jee ña̱ka̱va nei ráa ña̱xin ráa nu̱u̱nꞌ ráa nu̱u̱nꞌ ñu̱ꞌún, chi nyu̱ꞌví víꞌí ráa.

Génesis 50:24

Jee ɨɨn ki̱vɨ̱ꞌ nkachiꞌ José nu̱u̱nꞌ rá ñaniꞌ re̱ꞌ: “Yakuꞌ ni ka̱ꞌ kúníꞌ jee kuviꞌ ni̱ꞌ, soo máá naáꞌ nijia Ndiosíꞌ kiji re̱ꞌ chineí re̱ꞌ ránoꞌó, jee tavaꞌ re̱ꞌ ránoꞌó nu̱u̱nꞌ ñuunꞌ yaꞌá sáva kɨ̱na̱ka re̱ꞌ ránoꞌó nu̱u̱nꞌ ñuꞌun ya̱ nchi̱sóyuꞌú re̱ꞌ ya̱ ku̱ꞌva re̱ꞌ maa nu̱u̱nꞌ Abraham, jín nu̱u̱nꞌ Isaac jín Jacob.”

Génesis 26:24

Jee yakuááꞌ ki̱vɨ̱ꞌ yukuán jee ntu̱ví I̱toꞌoꞌ nu̱u̱nꞌ re̱ꞌ jee nkachiꞌ‑i nu̱u̱nꞌ re̱ꞌ: “Maáníꞌ kúvi Ndiosíꞌ néñu̱ꞌun tátáꞌ nú Abraham. Koto yúꞌví nú chi nuꞌuꞌ íyó jín nú, jee saꞌá ni̱ꞌ ya̱ netuꞌ kuvi nú jee saꞌá ni̱ꞌ ya̱ kukueꞌeꞌ rá kiji kuvi ichiyúkúnꞌ nú jie̱ꞌe̱ꞌ ya̱ nchi̱sóyuꞌú ni̱ꞌ nu̱u̱nꞌ musúꞌ ni̱ꞌ Abraham.”

Mateo 22:46

Jee ni ɨɨn ráa ni ntu nkúvi naxiníkó nu̱u̱nꞌ tu̱ꞌun nkachiꞌ Jesús, jee ne̱ ki̱vɨ̱ꞌ yukuán, jee ni ɨɨn ráa ka̱ꞌ ntu nkiji ka̱ꞌ iniꞌ ráa katu̱ꞌún ráa re̱ꞌ.

Hechos 7:31

Jee nti̱vɨ́ xi̱ni̱ꞌ Moisés jie̱ꞌe̱ꞌ ya̱ niniꞌ re̱ꞌ nxi̱nénu̱u̱nꞌ‑u nu̱u̱nꞌ re̱ꞌ. Jee nku̱yatin re̱ꞌ sáva kune̱ꞌyá va̱ꞌa re̱ꞌ ka̱ꞌ, jee nteso̱ꞌo re̱ꞌ ta̱chi̱ꞌ yuꞌú maá I̱toꞌoꞌ‑ó, ya̱ nkachiꞌ‑i: