Hechos 4:17 - Mixteco del suroeste de Tlaxiaco Oaxaca

¹⁷ Soo sáva nku̱ténuun ka̱ꞌ tu̱ꞌun vá nu̱u̱nꞌ rá ñɨvɨ, chuyúꞌví‑ó iniꞌ ráa ya̱ koto kachiꞌ ráa ka̱ꞌ tu̱ꞌun nu̱u̱nꞌ súví Jesús yaꞌá nu̱u̱nꞌ ni ɨɨn ka̱ꞌ ñɨvɨ ―nkachiꞌ rá te̱e nísotíñú.

Hechos 4:17 交叉引用

Hechos 5:28

―Nta̱túníꞌ ni̱ꞌin ráníꞌ nu̱u̱nꞌ rán, ya̱ koto xínéꞌénꞌ rán ka̱ꞌ tu̱ꞌun nu̱u̱nꞌ súví te̱e vá. ¡Soo kune̱ꞌyá rán! Nchu̱chítú rán ñuunꞌ Jerusalén jín tu̱ꞌun xínéꞌénꞌ rán. Jee kuíni rán saꞌá rán si̱kɨ̱ꞌ ránuꞌuꞌ jie̱ꞌe̱ꞌ ya̱ níꞌiꞌ te̱e vá ―nkachiꞌ su̱tu̱ꞌ kúñáꞌnú ka̱ꞌ.

1 Tesalonicenses 1:8

Chi síkúténuun ránú tu̱ꞌun I̱toꞌoꞌ‑ó nu̱u̱nꞌ rá ñuunꞌ Macedonia jín Acaya, soo nsú kua̱chi yukuán, chi suni ntáká nu̱u̱nꞌ jiéténuun tu̱ꞌun jie̱ꞌe̱ꞌ ya̱ kúneí iniꞌ rán Ndiosíꞌ. Saáva ntu̱náꞌ jíniñúꞌún ráníꞌ ka̱ꞌ kachiꞌ ránꞌ maa.

Hechos 5:24

Sáá nteso̱ꞌo ráa rá tu̱ꞌun yaꞌá, jee maá su̱tu̱ꞌ kúñáꞌnú ka̱ꞌ, jín capitán yósóꞌ nu̱u̱nꞌ rá mayóríꞌ kúmí veñu̱ꞌun káꞌnú, jín rá su̱tu̱ꞌ kúñáꞌnú nku̱naanꞌ ráa ya̱ ná kúvi ya̱ kuvi ka̱ꞌ jín tiñu yaꞌá.

Hechos 4:21

Sáá nchuꞌun yúꞌví ráa ka̱ꞌ iniꞌ rává, jee nsia̱áꞌ ráa rává. Chi ntu nníꞌínꞌ ráa sáá xinóꞌo ráa rává. Chi yúꞌví ráa rá ñɨvɨ, chi ntáká rá ñɨvɨ nákuetúꞌún ráa Ndiosíꞌ jie̱ꞌe̱ꞌ ya̱ nkuvi.

Mateo 27:64

Saáva tatúníꞌ ya̱ kɨ̱sákutú rá soldado nú yuꞌú yaviꞌ kava nu̱u̱nꞌ nséꞌí rá ñɨvɨ maa, ne̱ jia̱ꞌa ki̱vɨ̱ꞌ uníꞌ, nsuñájee kiji rá te̱e nsu̱kuáꞌa re̱ꞌ vá yakuááꞌ, jee sakuíꞌná ráa ñunéꞌyúꞌ níꞌiꞌ re̱ꞌ, jee kachiꞌ ráa nu̱u̱nꞌ rá ñɨvɨ ya̱ nna̱tekuꞌ re̱ꞌ nkene‑e nteñu rá níꞌiꞌ, jee tu̱ꞌun xínáꞌví yaꞌá kuvi manéátúꞌún ka̱ꞌ nsú káꞌ tu̱ꞌun xínáꞌví xíꞌnañúꞌún ―nkachiꞌ ráa nu̱u̱nꞌ Pilato.

Mateo 9:30

Saájee nnu̱nijinꞌ rá nchinúún ráa jee nkuvi nna̱kune̱ꞌyá ráa. Jee nta̱túníꞌ ni̱ꞌin re̱ꞌ nu̱u̱nꞌ ráa, jee nkachiꞌ re̱ꞌ: ―Kumí rán ya̱ koto ni ɨɨn ñɨvɨ kukáꞌnú iniꞌ‑i ya̱ nkuvi jín rán.

Juan 15:21

Soo ntáká rá tiñu yaꞌá saꞌá ráa jín ránoꞌó, jie̱ꞌe̱ꞌ ni ka̱ꞌ ya̱ yɨ́ꞌɨ́ rán nu̱u̱nꞌ nuꞌuꞌ, chi jie̱ꞌe̱ꞌ ni ka̱ꞌ ya̱ ntu̱ví jíníꞌ ráa iniꞌ maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ.

Efesios 6:9

Jee ránoꞌó ya̱ kúvi rán i̱toꞌoꞌ xí tiñu ya̱ náka rán musúꞌ, suni sukuán íyó saꞌá rán jín musúꞌ rán, chi koto va̱ꞌa rán ráa. Jee koto chúꞌun yúꞌví rán iniꞌ ráa, chi ya̱ jíníꞌ rán ya̱ maáréꞌ ya̱ kúvi I̱toꞌoꞌ nu̱u̱nꞌ rá musúꞌ jín suni nu̱u̱nꞌ ránoꞌó. Jee jíníꞌ rán ya̱ nééꞌ re̱ꞌ antivɨ́ súkún. Jee ntu̱ví sáꞌá re̱ꞌ kuéntáꞌ na̱ja sɨ́ɨ́n íyó ɨɨn ɨɨn ñɨvɨ, chi ɨɨn nuún ni kúvi ráa nu̱u̱nꞌ re̱ꞌ.

1 Pedro 2:23

Chi sáá nkaꞌanꞌ ráa tu̱ꞌun níváꞌa ntenu̱u̱nꞌ ráa re̱ꞌ jee ni ntu nna̱xiníkó re̱ꞌ tu̱ꞌun níváꞌa nu̱u̱nꞌ ráa, jee sáá nxi̱nóꞌo ráa re̱ꞌ jee ni ntu nchuyúꞌví re̱ꞌ iniꞌ ráa retú naxinóꞌo re̱ꞌ ráa, chisaꞌ nna̱ku̱ꞌva re̱ꞌ maáréꞌ nu̱u̱nꞌ Ndiosíꞌ, ya̱ máá Ndiosíꞌ ví ya̱ na̱a̱ꞌ sánáaꞌ jie̱ꞌe̱ꞌ ntáká rá tiñu yukuán.