Hechos 26:10 - Mixteco del suroeste de Tlaxiaco Oaxaca

¹⁰ Jee sukuán nsa̱ꞌá nijia ni̱ꞌ ñuunꞌ Jerusalén. Ntaji rá su̱tu̱ꞌ kúñáꞌnú tiñu nu̱u̱nꞌ ni̱ꞌ, jee ntu̱ví ni̱ꞌ veka̱a kue̱ꞌe̱ꞌ rá ñɨvɨ yɨ́ꞌɨ́ nu̱u̱nꞌ Jesús. Jee sáá jiáꞌníꞌ rá ñɨvɨ rá ñɨvɨ vá, jee suni jiáꞌa ni̱ꞌ tu̱ꞌun ni̱ꞌ, ya̱ kuviꞌ ráa.

Hechos 26:10 交叉引用

Hechos 8:3

Soo Saulo xínáánꞌ re̱ꞌ grupo rá ñɨvɨ kúneí iniꞌ ráa Jesús, jee kívɨ re̱ꞌ veꞌi ta veꞌi jee siúꞌun re̱ꞌ rá te̱e vá jín rá ñaꞌan vá, jee jiánaka re̱ꞌ ráa veka̱a.

Hechos 9:21

Jee nti̱vɨ́ xíniꞌ rá ñɨvɨ tésóꞌo ya̱ káchíꞌ re̱ꞌ. Jee káchíꞌ ɨɨn inka ráa: ―¿Á nsú te̱e yaꞌá kúvi ya̱ xínáánꞌ‑a rá ñɨvɨ néñu̱ꞌun ráa Jesús, nu̱u̱nꞌ ñuunꞌ Jerusalén, nékui? Jee va̱ji re̱ꞌ yaꞌá, sáva tɨɨn re̱ꞌ ráa, jee kɨ̱na̱ka re̱ꞌ ráa nu̱u̱nꞌ rá su̱tu̱ꞌ kúñáꞌnú ―nkachiꞌ rá ñɨvɨ.

1 Corintios 15:9

Chi nuꞌuꞌ jee núun ka̱ꞌ kúñáꞌnú ni̱ꞌ nsú káꞌ rá inka ka̱ꞌ te̱e níso ráa tiñu apóstol nchu̱ichí Jesús, chi ni nsú te̱e va̱ꞌa kúvi ni̱ꞌ ya̱ ntu̱né íyó níꞌinꞌ ni̱ꞌ ya̱ kuna̱ní ni̱ꞌ apóstol, chi nsa̱ꞌá kini ni̱ꞌ rá ñɨvɨ ya̱ kúneí iniꞌ ráa Jesús ya̱ yɨ́ꞌɨ́ ráa naꞌá Ndiosíꞌ.

Hechos 9:26

Sáá nkenta Saulo ñuunꞌ Jerusalén, jee nnu̱kú re̱ꞌ nakutáꞌán re̱ꞌ jín rá ñɨvɨ yɨ́ꞌɨ́ ráa nu̱u̱nꞌ Jesús, ya̱ káchíꞌ‑ó discípulo. Soo nyu̱ꞌví ráa nne̱ꞌyá ráa re̱ꞌ, chi ntu ínúꞌ iniꞌ ráa ya̱ yɨ́ꞌɨ́ re̱ꞌ nu̱u̱nꞌ Jesús.

Hechos 8:1

Jee nuún jiáni iniꞌ Saulo jín ráa kaꞌniꞌ ráa Esteban. Jee maá ki̱vɨ̱ꞌ yukuán, nka̱jiéꞌé nsa̱ꞌá kini ráa rá ñɨvɨ ya̱ kúneí iniꞌ rává Jesús ya̱ kútútú rává ñuunꞌ Jerusalén. Jee nɨꞌɨ rá ñɨvɨ vá ñe̱te̱nuun ráa nu̱u̱nꞌ nɨꞌɨ rá ñuunꞌ tɨ́ɨn Judea jín Samaria. Soo nkino̱o métúꞌún rá nísotíñú apóstol.

Hechos 7:58

Jee sáá ntavaꞌ ráa re̱ꞌ yuꞌú ñuúnꞌ, jee kúun ráa yu̱u̱ꞌ re̱ꞌ. Jee rá ñɨvɨ ya̱ nxi̱kóñáꞌán ráa re̱ꞌ, sáá kúun ráa yu̱u̱ꞌ re̱ꞌ, jee ñakɨnꞌ ráa rá saꞌma níji nkáꞌnú sɨ́ɨ́n ráa jie̱ꞌe̱ꞌ ɨɨn te̱e súchí, naní Saulo.

Apoclipsis 17:6

Jee niniꞌ ni̱ꞌ ya̱ jíni ñaꞌan vá jín ni̱ñɨ̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Ndiosíꞌ, jín ni̱ñɨ̱ꞌ rá ñɨvɨ ya̱ nnákani ráa ya̱ nááꞌ jie̱ꞌe̱ꞌ Jesús, ya̱ káchíꞌ‑ó ya̱ ñaꞌniꞌ víꞌí ña ráa. Jee nti̱vɨ́ víꞌí xíniꞌ ni̱ꞌ sáá niniꞌ ni̱ꞌ ña.

Efesios 1:1

Nuꞌuꞌ Pablo, Cristo Jesús nte̱tíñú re̱ꞌ nuꞌuꞌ, kuniso ni̱ꞌ tiñu apóstol ya̱ chúichí re̱ꞌ nuꞌuꞌ sáva stúvi ni̱ꞌ tu̱ꞌun re̱ꞌ, sáni kuíni Ndiosíꞌ. Tée ni̱ꞌ tutuꞌ yaꞌá nu̱u̱nꞌ ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨtíñú rán nu̱u̱nꞌ Cristo, ya̱ nééꞌ rán ñuunꞌ Éfeso. Suvirán níkɨ́nꞌ va̱ꞌa jiáꞌnu na̱a̱ꞌ rán nu̱u̱nꞌ Cristo Jesús, ya̱ ñani Ndiosíꞌ re̱ꞌ sáva tatúníꞌ re̱ꞌ ñɨ̱vɨ́.

Gálatas 1:13

Nteso̱ꞌo rán sáá na̱ja nsa̱ꞌá ni̱ꞌ sáá néñu̱ꞌun ni̱ꞌ Ndiosíꞌ sáni xínéꞌénꞌ rá ñɨvɨ Israel, ya̱ naní ñujiínꞌ Judaísmo. Jee nsa̱ꞌá kini nasɨ́kuitɨꞌ ni̱ꞌ rá ñɨvɨ kúneí iniꞌ ráa Jesús, jee xínáánꞌ ni̱ꞌ ráa.

Hechos 9:41

Jee njia̱ꞌa re̱ꞌ naꞌá re̱ꞌ nu̱u̱nꞌ ña, jee nxi̱nákuiñɨꞌ re̱ꞌ ña. Jee nkana re̱ꞌ rá ñɨvɨ yɨ́ꞌɨ́ nu̱u̱nꞌ Jesús, ne̱ jíꞌín rá ñaꞌan náꞌví, jee nxi̱néꞌénꞌ re̱ꞌ ña nu̱u̱nꞌ ráa ya̱ tékúꞌ ña.

Hechos 9:32

Sáá ni̱kónúun Pedro nɨꞌɨ ichi, sukuán nkuvi ya̱ suni ña̱ne̱ꞌyá re̱ꞌ rá ñɨvɨ yɨ́ꞌɨ́ nu̱u̱nꞌ Jesús, ya̱ nééꞌ ne̱ ñuunꞌ Lida.