Hechos 16:12 - Mixteco del suroeste de Tlaxiaco Oaxaca

¹² Jee ne̱ yukuán ña̱ꞌa̱nꞌ ránꞌ ñuunꞌ Filipos, ya̱ kúvi ñuunꞌ maá ñáꞌnú ka̱ꞌ ya̱ tɨ́ɨn Macedonia. Rá ñɨvɨ ñuunꞌ Roma nkenta ña̱kuneeꞌ ñuunꞌ Filipos. Jee kéꞌín ki̱vɨ̱ꞌ nneeꞌ ráníꞌ ñuunꞌ yukuán.

Hechos 16:12 交叉引用

1 Tesalonicenses 2:2

Chi sú nnoꞌo ránuꞌuꞌ xi̱ntíín rá te̱e nísotíñú ñuunꞌ Filipos jee ntenu̱u̱nꞌ ráa ránuꞌuꞌ yukuán, sáni jíníꞌ ránoꞌó, soo nna̱sáneí Ndiosíꞌ iniꞌ ránꞌ sáva kachiꞌ ránꞌ tu̱ꞌun váꞌa Ndiosíꞌ nu̱u̱nꞌ ránoꞌó. Nnu̱nasɨ́ víꞌí ránꞌ nsa̱ꞌá ránꞌ suꞌva sú nkenta víꞌí rá ñɨvɨ yukuán si̱kɨ̱ꞌ ránuꞌuꞌ.

Filipenses 1:1

Maáníꞌ Pablo jín Timoteo, kúvi ránꞌ musúꞌ Cristo Jesús. Tée ránꞌ tutuꞌ yaꞌá nu̱u̱nꞌ nta̱ká ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨꞌɨ rán nu̱u̱nꞌ Cristo Jesús, ya̱ nééꞌ rán ñuunꞌ Filipos, jín nu̱u̱nꞌ rá te̱e kúñáꞌnú nu̱u̱nꞌ rán, jín nu̱u̱nꞌ rá ñaniꞌ rán ya̱ chíneí ráa ránoꞌó.

Hechos 20:6

Sáá nkuvi viko i̱xta̱tíláꞌ ntu yɨ́ꞌɨ́ levadura, jee nkene ránꞌ ñuunꞌ Filipos jín barkúꞌ. Sáá njia̱ꞌa u̱ꞌu̱nꞌ ki̱vɨ̱ꞌ nkenta ránꞌ ñuunꞌ Troas. Jee yukuán nkino̱o ránꞌ u̱xa̱ꞌ ki̱vɨ̱ꞌ.

Hechos 16:21

Jee stékútu̱ꞌún ráa nu̱u̱nꞌ‑ó rá ñujiínꞌ néen ráa, soo ntu yɨ́netuꞌ tɨɨn‑ó maa, ni ya̱ saꞌá‑o maa chi kúvi‑ó ñɨvɨ Roma ―nkachiꞌ rá te̱e vá.

Hechos 16:9

Jee kájíkuitɨꞌ ntu̱vi ya̱ nxi̱néꞌénꞌ Ndiosíꞌ nu̱u̱nꞌ Pablo yakuááꞌ. Ntu̱vi nu̱u̱nꞌ re̱ꞌ ɨɨn te̱e Macedonia íñɨ́ nichiꞌ, jee ni̱ka̱nꞌ táꞌvíꞌ‑i nu̱u̱nꞌ re̱ꞌ: “Kiji nú nu̱u̱nꞌ Macedonia jee chineí nú ránuꞌuꞌ.”

Hechos 16:10

Sáá niniꞌ re̱ꞌ ya̱ nxi̱néꞌénꞌ nu̱u̱nꞌ Ndiosíꞌ nu̱u̱nꞌ re̱ꞌ, jee nsa̱ꞌá stákoo ráníꞌ sáva kene ránꞌ kɨ̱ꞌɨ̱nꞌ ránꞌ Macedonia, chi niniꞌ kájí ránꞌ ya̱ kána Ndiosíꞌ ránuꞌuꞌ stekútu̱ꞌún ránꞌ tu̱ꞌun va̱ꞌa re̱ꞌ nu̱u̱nꞌ ráa.

Hechos 18:5

Sáá nkene Silas jín Timoteo Macedonia, jee sáá nkenta ráa ñuunꞌ Corinto, nka̱jiéꞌé Pablo máá tiñu stékútu̱ꞌún‑u tu̱ꞌun jie̱ꞌe̱ꞌ Jesús. Jee ístúvi‑i nu̱u̱nꞌ rá ñɨvɨ Israel ya̱ Jesús ví Cristo, [ya̱ ñani Ndiosíꞌ sáva natavaꞌ‑a ñɨvɨ nu̱u̱nꞌ kua̱chi ráa].

Hechos 19:21

Sáá nkuvi yaꞌá, ñani iniꞌ Pablo ya̱ xíꞌna kɨ̱ꞌɨ̱nꞌ‑ɨ rá ñuunꞌ tɨ́ɨn Macedonia jín Acaya, ni kua̱ꞌa̱nꞌ‑a ñuunꞌ Jerusalén. Jee káchíꞌ‑i: ―Sáá ya̱ njia̱ꞌa ni̱ꞌ yukuán, suni íyó kɨ̱ꞌɨ̱nꞌ ni̱ꞌ nu̱u̱nꞌ ñuunꞌ káꞌnú Roma.

Hechos 19:29

Jee nku̱naan nku̱suꞌva víꞌí rá ñɨvɨ nɨꞌɨ ñuunꞌ vá. Jee ntɨɨn ráa Gayo jín Aristarco, rá te̱e Macedonia ya̱ kútáꞌán jín Pablo. Jee nuún iniꞌ rá ñɨvɨ jee ninu ráa kua̱ꞌa̱nꞌ ráa nu̱u̱nꞌ teatro jín ni u̱vi̱ꞌ rá te̱e vá.

Hechos 20:1

Sáá nnɨꞌɨ ti̱xi̱nꞌ, jee nkana Pablo rá ñɨvɨ yɨ́ꞌɨ́ ñujiínꞌ Jesús. Jee násáneí re̱ꞌ iniꞌ ráa. Jee nkaꞌanꞌ‑a ka̱ꞌ jín ráa, jee nkene‑e kua̱ꞌa̱nꞌ‑a Macedonia.

Hechos 20:3

Yukuán nkino̱o re̱ꞌ u̱ni̱ꞌ yo̱o̱ꞌ. Sáá sukuáni kene re̱ꞌ kɨ̱ꞌɨ̱nꞌ re̱ꞌ Siria jín barkúꞌ nékui, jee nátúꞌún rá ñɨvɨ Israel ya̱ kaꞌniꞌ ráa re̱ꞌ. Saáva nkaꞌvi iniꞌ‑i nikó‑o jia̱ꞌa‑a Macedonia.

Hechos 27:2

Jee nki̱vɨ ránꞌ iniꞌ barkúꞌ va̱ji ne̱ ñuunꞌ Adramitio. Jee kɨ̱ꞌɨ̱nꞌ barkúꞌ vá rá ñuunꞌ íyó yúnteñúꞌún sánitɨ́ɨn Asia. Jee kua̱ꞌa̱nꞌ ránꞌ iniꞌ barkúꞌ vá. Jee suni kútáꞌán Aristarco jín ránꞌ. Kúvi re̱ꞌ te̱e Macedonia, ya̱ váji ne̱ ñuunꞌ Tesalónica.

Romanos 15:26

Chi rá ñanitáꞌán‑ó ya̱ nééꞌ ráa ñuunꞌ Macedonia jín ñuunꞌ Acaya ñani iniꞌ ráa ya̱ nasokoꞌ ráa xu̱ꞌún sáva chineí ráa rá ñɨvɨ láꞌví ya̱ íyó nteñu rá ñanitáꞌán‑ó ya̱ yɨ́tíñú ráa nu̱u̱nꞌ Cristo ya̱ nééꞌ ráa Jerusalén.

Filipenses 1:5

Chi chíneí táꞌán rán jín ni̱ꞌ síkúténuun‑ó tu̱ꞌun váꞌa Jesús, ne̱ ki̱vɨ̱ꞌ xíꞌnañúꞌún ya̱ nínuꞌ iniꞌ rán maa jín ne̱ ki̱vɨ̱ꞌ vitan.