Hechos 14:1 - Mixteco del suroeste de Tlaxiaco Oaxaca

¹ Jee sukuán nkuvi ñuunꞌ Iconio, jee nki̱vɨ nkáá Pablo jín Bernabé veꞌi sinagoga nu̱u̱nꞌ kútútú rá ñɨvɨ Israel súkuáꞌa ráa Tu̱ꞌun Ndiosíꞌ. Jee va̱ꞌa túníꞌ nkaꞌanꞌ ráa tu̱ꞌun jie̱ꞌe̱ꞌ Jesús, ya̱ ni̱nu̱ꞌ iniꞌ kue̱ꞌe̱ꞌ víꞌí rá ñɨvɨ Israel jín suni rá ñɨvɨ ntu kúvi Israel.

Hechos 14:1 交叉引用

Hechos 18:4

Jee ta ki̱vɨ̱ꞌ nájiáví, jiáꞌánꞌ‑a nkua̱yuꞌú‑u iniꞌ veꞌi sinagoga nu̱u̱nꞌ kútútú rá ñɨvɨ Israel. Nnu̱nasɨ́‑ɨ nsi̱ínúꞌ‑u iniꞌ rá ñɨvɨ Israel jín suni rá ñɨvɨ griego sáva tɨɨn ráa tu̱ꞌun Jesús.

Hechos 13:51

Soo nkisɨ ráa ti̱ka̱cha̱a̱ꞌ jie̱ꞌe̱ꞌ ráa, sáva túvi ya̱ íyó si̱kɨ̱ꞌ rá ñɨvɨ ñuunꞌ vá nu̱u̱nꞌ Ndiosíꞌ. Jee kua̱ꞌa̱nꞌ ráa ñuunꞌ Iconio.

Hechos 13:46

Saájee nkaꞌanꞌ neí iniꞌ Pablo jín Bernabé jee nkachiꞌ ráa nu̱u̱nꞌ rá ñɨvɨ Israel: ―Xíꞌna nu̱u̱nꞌ ránoꞌó íyó kachiꞌ ráníꞌ Tu̱ꞌun Ndiosíꞌ. Soo nku̱ichi iniꞌ rán maa, jee sánáaꞌ rán ya̱ ntu íyó níꞌinꞌ rán ya̱ kutekuꞌ rán nɨ́ɨ́nkání jín Ndiosíꞌ. Teso̱ꞌo rán. Saáva kɨ̱ꞌɨ̱nꞌ ránꞌ stekútu̱ꞌún ránꞌ maa nu̱u̱nꞌ rá ñɨvɨ ntu kúvi Israel.

Hechos 14:21

Nste̱kútu̱ꞌún ráa tu̱ꞌun váꞌa nu̱u̱nꞌ rá ñɨvɨ ñuunꞌ vá, jee kue̱ꞌe̱ꞌ ñɨvɨ ntɨɨn ichi Jesús. Jee kuíre nni̱kó ráa ñuunꞌ Listra, jín ñuunꞌ Iconio, jín ñuunꞌ Antioquía.

Gálatas 3:28

Maáóránꞌ ya̱ yɨ́ꞌɨ́‑ó nu̱u̱nꞌ Cristo Jesús, ntu sɨ́ɨ́n íyó‑ó nu̱u̱nꞌ Ndiosíꞌ, sú kúvi rán ñɨvɨ Israel áxí ñɨvɨ ntu kúvi Israel, ni te̱e kúvi musúꞌ ya̱ nkeꞌen ñɨvɨ, ni te̱e xí tiñu ya̱ íñɨ́ núne, ni te̱e jín ni ñaꞌan, chi ɨɨn ni kúvi nɨꞌɨ‑ó nu̱u̱nꞌ Ndiosíꞌ, ya̱ yɨ́ꞌɨ́‑ó nu̱u̱nꞌ Cristo Jesús.

Romanos 10:12

Chi ntu sɨ́ɨ́n kúvi rá ñɨvɨ Israel jín rá ñɨvɨ ya̱ ntu kúvi Israel, chi maá I̱toꞌoꞌ kúvi I̱toꞌoꞌ nu̱u̱nꞌ nɨꞌɨ, jee ntántúníꞌ jiáꞌa re̱ꞌ ya̱ váꞌa sáꞌá re̱ꞌ nu̱u̱nꞌ rá ñɨvɨ ya̱ kákua̱chi ráa nu̱u̱nꞌ re̱ꞌ ya̱ kuvi re̱ꞌ I̱toꞌoꞌ ráa.

Romanos 1:16

Chi ntu̱ví kúkanuun ni̱ꞌ jie̱ꞌe̱ꞌ tu̱ꞌun váꞌa Jesús, chi kúvi tu̱ꞌun vá fuersáꞌ ííꞌ Ndiosíꞌ sáva nátavaꞌ re̱ꞌ ntáká ñɨvɨ ya̱ kúneí iniꞌ ráa tu̱ꞌun vá nu̱u̱nꞌ kua̱chi ráa xinánitáꞌvíꞌ re̱ꞌ ráa, xíꞌnañúꞌún rá ñɨvɨ Israel jee suni rá ñɨvɨ ntu kúvi Israel.

Hechos 19:17

Nku̱káꞌnú iniꞌ nɨꞌɨ ñɨvɨ ñuunꞌ Éfeso yaꞌá, kúvi rá ñɨvɨ Israel, kúvi rá griego. Jee nyu̱ꞌví nɨꞌɨ ráa. Jee nna̱kuetúꞌún víꞌí ráa ka̱ꞌ I̱toꞌoꞌ‑ó Jesús.

Hechos 19:8

U̱ni̱ꞌ yo̱o̱ꞌ jiáꞌánꞌ Pablo iniꞌ veñu̱ꞌun rá ñɨvɨ Israel, jee nkaꞌanꞌ neí iniꞌ re̱ꞌ. Jee káꞌánꞌ re̱ꞌ jee síínú re̱ꞌ iniꞌ rá ñɨvɨ, jie̱ꞌe̱ꞌ ichi nu̱u̱nꞌ tátúníꞌ Ndiosíꞌ.

Hechos 18:8

Jee Crispo ví te̱e kúñáꞌnú sinagoga. Suvire̱ꞌ jín nɨꞌɨ táꞌán veꞌi re̱ꞌ nku̱neí iniꞌ ráa I̱toꞌoꞌ‑ó. Jee sáá nteso̱ꞌo kue̱ꞌe̱ꞌ ñɨvɨ ñuunꞌ Corinto tu̱ꞌun yaꞌá, jee ni̱nu̱ꞌ iniꞌ ráa jee ña̱nuté ráa.

Hechos 17:12

Jee saáva ni̱nu̱ꞌ iniꞌ kue̱ꞌe̱ꞌ víꞌí ráa jín kue̱ꞌe̱ꞌ rá ñɨvɨ Grecia, kúvi te̱e, kúvi ñaꞌan kúñáꞌnú.

Hechos 17:4

Kéꞌín ráa ni̱nu̱ꞌ iniꞌ jee nna̱sikánitáꞌán ráa maáráa jín Pablo jín Silas. Jee suni sukuán nsa̱ꞌá kue̱ꞌe̱ꞌ rá ñɨvɨ ntu kúvi Israel, ya̱ nééñuꞌun ráa Ndiosíꞌ, jín kue̱ꞌe̱ꞌ rá ñaꞌan kúñáꞌnú.

Hechos 13:43

Sáá ntu̱ꞌu̱ꞌ ya̱ nnu̱tútú ráa, jee kue̱ꞌe̱ꞌ rá ñɨvɨ Israel jín rá ñɨvɨ ya̱ ntu kúvi Israel, ya̱ nni̱vɨ ráa ñujiínꞌ Israel jee néñu̱ꞌun ráa Ndiosíꞌ, jee nnikɨnꞌ ráa Pablo jín Bernabé. Jee nkaꞌanꞌ rává jín ráa, jee nna̱kutíñú rává nu̱u̱nꞌ ráa ya̱ kuni̱ꞌin ráa nu̱u̱nꞌ Ndiosíꞌ, sáva nachituvi re̱ꞌ ráa.

Hechos 11:21

Jee nchi̱neí I̱toꞌoꞌ‑ó rá te̱e vá, jee kue̱ꞌe̱ꞌ víꞌí ñɨvɨ nku̱neí iniꞌ ráa Jesús, jee nna̱kani iniꞌ ráa ichi ráa, sáva ki̱vɨ ráa nu̱u̱nꞌ I̱toꞌoꞌ‑ó.

Hechos 9:20

Jee kuíntañúꞌún nste̱kútu̱ꞌún re̱ꞌ jie̱ꞌe̱ꞌ Jesús iniꞌ rá veꞌi sinagoga nu̱u̱nꞌ kútútú rá ñɨvɨ Israel nu̱u̱nꞌ súkuáꞌa ráa Tu̱ꞌun Ndiosíꞌ. Nkachiꞌ re̱ꞌ ya̱ Jesús kúvi Se̱ꞌya Ndiosíꞌ.

Hechos 21:28

Nka̱najíín ráa: ―¡Ránoꞌó, te̱e Israel! ¡Chineí rán ránuꞌuꞌ! ¡Chi te̱e yaꞌá ví ya̱ xínéꞌénꞌ re̱ꞌ si̱kɨ̱ꞌ ñɨvɨ‑ó, jín si̱kɨ̱ꞌ tu̱ꞌun ley, jín si̱kɨ̱ꞌ veñu̱ꞌun yaꞌá! ¡Jee suꞌva xínéꞌénꞌ re̱ꞌ nɨꞌɨ rá ñɨvɨ nééꞌ nɨꞌɨ ñuunꞌ! Jee suni nki̱vɨ re̱ꞌ jín rá te̱e griego iniꞌ veñu̱ꞌun yaꞌá. Suꞌva nstívɨ́ re̱ꞌ iniꞌ veñu̱ꞌun ííꞌ yaꞌá.

Hechos 20:21

Nkachitu̱ꞌún ni̱ꞌ nu̱u̱nꞌ rá ñɨvɨ Israel jín suni nu̱u̱nꞌ rá ntu kúvi ñɨvɨ Israel. Nna̱stúvi ni̱ꞌ ya̱ naáꞌ ya̱ íyó nakani iniꞌ ráa jie̱ꞌe̱ꞌ kua̱chi ráa, jee kunikɨnꞌ ráa Ndiosíꞌ, jee kuneí iniꞌ ráa I̱toꞌoꞌ‑ó Jesús.

Hechos 17:17

I̱ña̱jée iniꞌ veꞌi sinagoga nu̱u̱nꞌ kútútú rá ñɨvɨ Israel, jee nkua̱yuꞌú‑u jín rá ñɨvɨ Israel jín rá inka ñɨvɨ néñu̱ꞌun ráa Ndiosíꞌ. Jee ni ki̱vɨ̱ꞌ nkaꞌanꞌ‑a nu̱yáꞌvi jín néni ɨɨn ñɨvɨ kénta yukuán.

Hechos 16:1

Jee suni ña̱ꞌa̱nꞌ Pablo ñuunꞌ Derbe jín Listra. Jee yukuán nneeꞌ ɨɨn te̱e ya̱ níkɨ́nꞌ‑ɨ ñujiínꞌ Jesús, naní Timoteo. Kúvi re̱ꞌ se̱ꞌya yɨ́ɨ́ ɨɨn ñaꞌan ñuunꞌ Israel ya̱ kúneí iniꞌ ña Jesús. Soo tááꞌ re̱ꞌ kúvi te̱e Grecia.

Hechos 14:2

Soo rá ñɨvɨ Israel ya̱ kújiááꞌ iniꞌ, nsi̱sáá ráa xi̱ni̱ꞌ rá ñɨvɨ ntu kúvi Israel nne̱ꞌyá rává rá ñaniꞌ jín rá ku̱ꞌva yɨ́ꞌɨ́ nu̱u̱nꞌ Jesús. Jee nsi̱ínúꞌ ráa iniꞌ rává ya̱ kani niva̱ꞌa iniꞌ rává kune̱ꞌyá rává rá ñaniꞌ.

Hechos 13:5

Sáá nkenta ráa ñuunꞌ Salamina, ya̱ tɨ́ɨn Chipre, jee nnuun ráa barkúꞌ yukuán, jee nste̱kútu̱ꞌún ráa Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ néñu̱ꞌun rá ñɨvɨ Israel nééꞌ yukuán Ndiosíꞌ. Suni kútáꞌán Juan jín ráa, sáva chineí re̱ꞌ ráa.

Juan 12:20

Jee íyótúníꞌ ni ñɨvɨ íyó ya̱ kúvi ñɨvɨ ñuunꞌ Grecia ya̱ kuáꞌánꞌ ráa viko nu̱u̱nꞌ ñuunꞌ Jerusalén, sáva kuneñu̱ꞌun ráa Ndiosíꞌ.

Juan 7:35

Saájee rá te̱e kúñáꞌnú nu̱u̱nꞌ rá ñɨvɨ Israel jíkátu̱ꞌún táꞌán ráa, jee káchíꞌ ráa: ―¿Né núꞌ kúvi nu̱u̱nꞌ kɨ̱ꞌɨ̱nꞌ te̱e yaꞌá, ya̱ nsáꞌ naniꞌinꞌ‑ó maa rúja? ¿Á nsáꞌ kɨ̱ꞌɨ̱nꞌ re̱ꞌ nu̱u̱nꞌ nééꞌ rá táꞌán ñuunꞌ‑ó ya̱ kua̱ꞌa̱nꞌ ráa ñe̱te̱nuun ráa nééꞌ ráa rá ñuunꞌ Grecia? Jee, ¿á kɨ̱ꞌɨ̱nꞌ re̱ꞌ sukuáꞌa re̱ꞌ rá ñɨvɨ ñuunꞌ Grecia vá?

Colosenses 3:11

Jee saáva ntu̱náꞌ ítú iniꞌ retú ntu kúvi‑ó ñɨvɨ Israel, áxí kúvi‑ó ñɨvɨ Israel, retú níso yɨkɨkúñu‑ó seña ñɨvɨ Israel naní circuncisión, áxí ntu níso‑ó maa, retú kúvi‑ó rá to̱ꞌo̱ꞌ, áxí ñɨvɨ ñuunꞌ láꞌví, retú kúvi‑ó musúꞌ ya̱ kéꞌen ñɨvɨ maa, áxí ñɨvɨ ya̱ yɨ́tíñú nu̱u̱nꞌ tiñu maáa. Chi I̱toꞌoꞌ kua̱íyó kuitɨꞌ‑ó ví Cristo, jee yɨ́ꞌɨ́ re̱ꞌ iniꞌ kua̱íyó kuitɨꞌ‑ó.

Gálatas 2:3

Yukuán nneeꞌ Tito jín ránꞌ. Jee sú kúvi re̱ꞌ te̱e ichiyúkúnꞌ se̱ꞌya ñuunꞌ Grecia, ya̱ ntu kúvi re̱ꞌ te̱e ñuunꞌ Israel, soo ntu ntétuvi ráa saꞌá re̱ꞌ costumbre rá ñɨvɨ Israel, na̱ni circuncisión.

Hechos 19:10

Nxi̱néꞌénꞌ re̱ꞌ suꞌva u̱vi̱ꞌ kui̱ya̱ꞌ. Saáva nteso̱ꞌo nɨꞌɨ rá ñɨvɨ sánitɨ́ɨn Asia tu̱ꞌun I̱toꞌoꞌ‑ó, kúvi rá ñɨvɨ Israel, kúvi rá ñɨvɨ griego.

Marcos 7:26

Jee tu̱ꞌun nkaku ñaꞌan vá ví tu̱ꞌun griego, chi nkaku ña nu̱u̱nꞌ tataꞌ sirofenicia. Jee ni̱ka̱nꞌ táꞌvíꞌ ña nu̱u̱nꞌ Jesús ya̱ tavaꞌ re̱ꞌ ta̱chi̱ꞌ néꞌí ya̱ yɨ́ꞌɨ́ iniꞌ se̱ꞌya sɨ́ꞌɨ́ ña.

Hechos 2:47

Jee nákuetúꞌún ráa Ndiosíꞌ. Jee káꞌvi va̱ꞌa iniꞌ rá ñɨvɨ néꞌyá rává ráa. Jee ta ki̱vɨ̱ꞌ, násaꞌá kue̱ꞌe̱ꞌ ka̱ꞌ I̱toꞌoꞌ‑ó rá ñɨvɨ ya̱ natavaꞌ Ndiosíꞌ ráa nu̱u̱nꞌ kua̱chi ráa nánitáꞌvíꞌ ráa ya̱ nákɨ́ꞌɨ ráa nu̱u̱nꞌ rá ñɨvɨ kúneí iniꞌ ráa Jesús.

Hechos 14:19

I̱ña̱jée nkenta kéꞌín rá ñɨvɨ Israel, ya̱ váji ne̱ rá ñuunꞌ Antioquía jín Iconio. Jee nsi̱ínúꞌ ráa iniꞌ rá ñɨvɨ nkenta si̱kɨ̱ꞌ Bernabé jín Pablo, jee nkuun ráa yu̱u̱ꞌ Pablo. Jee nsi̱yúꞌun ráa maa ne̱ yuñúúnꞌ, chi va̱ níꞌiꞌ re̱ꞌ nkaꞌvi iniꞌ ráa.

Hechos 16:2

Rá ñaniꞌ ñuunꞌ Listra jín Iconio, ya̱ kúneí iniꞌ ráa Jesús, nkaꞌanꞌ va̱ꞌa ráa jie̱ꞌe̱ꞌ re̱ꞌ.

2 Timoteo 3:11

Jee jíníꞌ nú na̱sa nito u̱ꞌvi̱ꞌ ñɨvɨ nuꞌuꞌ, jín rá tu̱nóꞌó nóꞌo ni̱ꞌ, sánikua̱ꞌ nkuvi jín nuꞌuꞌ rá ñuunꞌ Antioquía, Iconio jín Listra. Jee ñeꞌneꞌ iniꞌ ni̱ꞌ rá tu̱nóꞌó vá ya̱ nito u̱ꞌvi̱ꞌ ráa nuꞌuꞌ yukuán, soo I̱toꞌoꞌ‑ó nsi̱káku nuꞌuꞌ nu̱u̱nꞌ nɨꞌɨ ya̱ nnoꞌo ni̱ꞌ yukuán.