Hechos 13:11 - Mixteco del suroeste de Tlaxiaco Oaxaca

¹¹ Ntañúꞌún jee fuersáꞌ ííꞌ I̱toꞌoꞌ ránꞌ nkenta si̱kɨ̱ꞌ nú. Kukuáá nú jee nku̱néꞌyá nú ka̱ꞌ nka̱niiꞌ ɨɨn tiempúꞌ ―nkachiꞌ Pablo. Kuísá nnu̱neenꞌ nu̱u̱nꞌ re̱ꞌ, jee jíka re̱ꞌ núkú re̱ꞌ ya̱ tɨɨn ñɨvɨ naꞌá re̱ꞌ jee kunaka‑a re̱ꞌ.

Hechos 13:11 交叉引用

Hebreos 10:31

Saáva, na̱ ka̱ꞌ mánasɨ́ xéénꞌ nasɨ́kuitɨꞌ ka̱ꞌ kuvi jín ráa ya̱ kininkava ráa naꞌá Ndiosíꞌ tékúꞌ sáva xinóꞌo re̱ꞌ ráa.

2 Pedro 2:17

Jee kúvi ráa kuéntáꞌ kúvi ɨɨn nu̱u̱nꞌ kéne nute soo ntu íyó nute maa, jee suni kuéntáꞌ vi̱ko̱ꞌ yo̱ko̱ꞌ nute ya̱ xínéchi ta̱chi̱ꞌ xéénꞌ soo ntu kúun sa̱vi. Jee maáráa chi ya̱ íyó stákoo ɨɨn nu̱u̱nꞌ neenꞌ víꞌí kɨꞌɨ ráa nɨ́ɨ́nkání.

Juan 9:39

Jee nkachiꞌ Jesús: ―Nuꞌuꞌ jee va̱ji ni̱ꞌ iniꞌ ñɨ̱vɨ́ yaꞌá, sáva kenta sanáaꞌ ni̱ꞌ kua̱chi ñɨvɨ ñɨ̱vɨ́ yaꞌá. Chi rá ñɨvɨ ya̱ kuéntáꞌ kuáá, jee va̱ji ni̱ꞌ sáva ki̱ku̱ꞌun iniꞌ ráa ya̱ naáꞌ jie̱ꞌe̱ꞌ nuꞌuꞌ, kuéntáꞌ nakune̱ꞌyá ráa. Jee sáva ráa ñɨvɨ ya̱ jiáni iniꞌ ráa ya̱ jiáku̱ꞌun iniꞌ ráa ya̱ naáꞌ jee kenta kuéntáꞌ kukuáá ráa.

Romanos 11:25

Ránoꞌó ñanitáꞌán, kuíni ni̱ꞌ ya̱ kukáꞌnú iniꞌ rán tu̱ꞌun yaꞌá ya̱ ni̱yo yuꞌuꞌ‑u soo nstúvi Ndiosíꞌ maa nu̱u̱nꞌ‑ó. Kuíni ni̱ꞌ ya̱ kuniꞌ rán tu̱ꞌun yaꞌá, sáva nkútéyɨ́ɨ́ rán kani iniꞌ rán ya̱ níchí xi̱ni̱ꞌ rán. Chi nkuna̱a̱ꞌ iniꞌ Ndiosíꞌ ya̱ sava rá ñɨvɨ ya̱ ntu kúvi ñɨvɨ Israel kuneí iniꞌ ráa Cristo. Jee tu̱ꞌun yuꞌuꞌ vá kúvi ya̱ nkuni̱ꞌin ánímaꞌ sava rá ñɨvɨ ñuunꞌ Israel, ne̱kua̱ꞌ nɨꞌɨ rá ñɨvɨ ntu kúvi ñɨvɨ Israel ki̱vɨ ráa xi̱ntíín Ndiosíꞌ saá váji kuneí iniꞌ ráa Cristo.

Hechos 9:17

Saájee ña̱ꞌa̱nꞌ Ananías jee nki̱vɨ re̱ꞌ veꞌi nu̱u̱nꞌ nééꞌ Saulo. Jee nchi̱só re̱ꞌ naꞌá re̱ꞌ nu̱u̱nꞌ‑u, jee nkachiꞌ re̱ꞌ: ―Ñaniꞌ, Saulo. I̱toꞌoꞌ‑ó, Jesús, ntu̱vi re̱ꞌ nu̱u̱nꞌ nú iniꞌ ichi váji nú. Jee maáréꞌ nta̱jí re̱ꞌ nuꞌuꞌ, sáva kuvi nu̱nijínꞌ nchinúún nú, jee sáva chitú Ta̱chi̱ꞌ Ííꞌ satíñú‑u iniꞌ noꞌó ―nkachiꞌ Ananías.

Génesis 19:11

Jee nsa̱ꞌá kuáá ráa nchinúún rá te̱e íñɨ́ yuvéꞌí ne̱ rá máá súchí ka̱ꞌ, jín ne̱ rá te̱e ñáꞌnú ka̱ꞌ, nku̱kuáá ráa, jee ne̱ njia̱ví ráa nánukú kuáá ráa yuvéꞌí.