Hechos 12:12 - Mixteco del suroeste de Tlaxiaco Oaxaca

¹² Sáá nna̱kuniꞌ re̱ꞌ ya̱ nkuvi suꞌva, ña̱ꞌa̱nꞌ re̱ꞌ veꞌi María náánꞌ Juan, ya̱ suni naní re̱ꞌ Marcos. Yukuán kue̱ꞌe̱ꞌ ñɨvɨ ni̱yo tútú jee káꞌánꞌ ráa jín Ndiosíꞌ.

Hechos 12:12 交叉引用

Hechos 12:5

Saájee nku̱mí ráa Pedro iniꞌ veka̱a, soo rá ñɨvɨ ya̱ kúneí iniꞌ ráa Jesús, ñúꞌún káñá iniꞌ ráa jíkánꞌ táꞌvíꞌ ráa nu̱u̱nꞌ Ndiosíꞌ jie̱ꞌe̱ꞌ re̱ꞌ.

Filemón 1:24

jee suni táji tu̱káva̱ꞌa Marcos, Aristarco, Demas jín Lucas, ya̱ táꞌán sátíñú nkáá ráa jín nuꞌuꞌ nu̱u̱nꞌ Cristo.

Hechos 13:5

Sáá nkenta ráa ñuunꞌ Salamina, ya̱ tɨ́ɨn Chipre, jee nnuun ráa barkúꞌ yukuán, jee nste̱kútu̱ꞌún ráa Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ néñu̱ꞌun rá ñɨvɨ Israel nééꞌ yukuán Ndiosíꞌ. Suni kútáꞌán Juan jín ráa, sáva chineí re̱ꞌ ráa.

Hechos 12:25

Sáá nnɨꞌɨ Bernabé jín Saulo tiñu ña̱ꞌa̱nꞌ ráa, jee nkene ráa ñuunꞌ Jerusalén, jee nni̱kó ráa ñuunꞌ Antioquía. Jee kua̱ꞌa̱nꞌ ráa jín Juan, ya̱ suni naní Marcos.

2 Timoteo 4:11

Jee kua̱chi métúꞌún ni Lucas íyó jín ni̱ꞌ. Jee nanukú nú Marcos, jee kiji nú jín re̱ꞌ yaꞌá, chi íyótiñu re̱ꞌ chineí re̱ꞌ nuꞌuꞌ saꞌá ni̱ꞌ tiñu yaꞌá nu̱u̱nꞌ Ndiosíꞌ.

Colosenses 4:10

Aristarco, ya̱ táꞌán yɨ́ꞌɨ́ jín ni̱ꞌ veka̱a ví re̱ꞌ, jee tájí re̱ꞌ tu̱ꞌun jíkátu̱ꞌún re̱ꞌ jie̱ꞌe̱ꞌ ránoꞌó. Jee suni Marcos ranika̱ꞌ, ya̱ kúvi re̱ꞌ primo Bernabé. Jee ya nni̱ꞌi̱nꞌ rán tu̱ꞌun jie̱ꞌe̱ꞌ Marcos, ya̱ nta̱túníꞌ ni̱ꞌ nu̱u̱nꞌ rán, ya̱ nakuatáꞌví rán re̱ꞌ retú kua̱jiaaꞌ re̱ꞌ nu̱u̱nꞌ nééꞌ rán.

Hechos 13:13

I̱ña̱jée Pablo jín rá kútáꞌán jín re̱ꞌ nkene ráa ñuunꞌ Pafos iniꞌ barkúꞌ. Jee nkenta ráa ñuunꞌ Perge ya̱ tɨ́ɨn Panfilia. Soo nxi̱nóo Juan ráa jee nni̱kó re̱ꞌ nu̱u̱nꞌ ñuunꞌ Jerusalén.

Hechos 16:40

Sáá nkene Pablo jín Silas veka̱a, jee ña̱ꞌa̱nꞌ ráa veꞌi Lidia. Sáá ni̱yo tútú ráa jín rá ñaniꞌ jín rá ku̱ꞌva yɨ́ꞌɨ́ ñujiínꞌ Jesús, jee nna̱sáneí ráa iniꞌ rává. Jee nkene ráa ñuunꞌ.

Hechos 4:23

Jee sáá nsia̱áꞌ rá te̱e néetiñu Pedro jín Juan, jee kuíre kua̱ꞌa̱nꞌ ráa nu̱u̱nꞌ íyó rá táꞌán ráa. Jee nna̱kani ráa ya̱ nkachiꞌ rá su̱tu̱ꞌ kúñáꞌnú jín rá te̱e kúñáꞌnú.

1 Pedro 5:13

Rá ñɨvɨ ya̱ kúneí iniꞌ ráa Jesús ya̱ kútútú ráa ya̱ nka̱ji Ndiosíꞌ ña jín ránoꞌó, ya̱ nééꞌ ña nu̱u̱nꞌ ñuunꞌ Babilonia, tájí ña tu̱ꞌun káꞌánꞌ va̱ꞌa kua̱jiaaꞌ nu̱u̱nꞌ rán. Jee Marcos, ya̱ kúvi kuéntáꞌ se̱ꞌya ni̱ꞌ, suni tájí re̱ꞌ tu̱ꞌun káꞌánꞌ va̱ꞌa nu̱u̱nꞌ rán.