Hebreos 4:1 - Mixteco del suroeste de Tlaxiaco Oaxaca

¹ Jee saáva, vitan íyó‑ó ka̱ꞌ jín tu̱ꞌun ya̱ nchi̱sóyuꞌú Ndiosíꞌ ya̱ ni̱ꞌi̱nꞌ‑ó ki̱vɨ‑ó naꞌá re̱ꞌ nu̱u̱nꞌ ni̱ꞌi̱nꞌ‑ó najia̱ví‑ó saꞌá re̱ꞌ. Jee íyó kuꞌun yúꞌví iniꞌ rán kumí rán maárán sáva nkóo ni ɨɨn rán ya̱ sanáaꞌ Ndiosíꞌ jie̱ꞌe̱ꞌ ñɨvɨ vá ya̱ nsáꞌ ni̱ꞌi̱nꞌ‑i ki̱vɨ‑ɨ nu̱u̱nꞌ najia̱ví‑i saꞌá re̱ꞌ.

Hebreos 4:1 交叉引用

Hebreos 12:15

Kumí rán maárán sáva ni ɨɨn rán koto xínóo‑o ya̱ váꞌa táji Ndiosíꞌ nu̱u̱nꞌ‑ó jie̱ꞌe̱ꞌ íyó mániꞌ iniꞌ re̱ꞌ yó, sáva ni ɨɨn rán nkújia tu̱ꞌun ñúꞌún táꞌvi iniꞌ ñɨvɨ nteñu rán, ya̱ saꞌá níní‑i iniꞌ rá ñanitáꞌán‑ó jee stívɨ́‑ɨ kue̱ꞌe̱ꞌ ráa kuéntáꞌ yu̱ku̱ꞌ u̱va̱ꞌ.

Hebreos 4:11

Saáva íyó nunasɨ́‑ó ki̱vɨ‑ó nu̱u̱nꞌ najia̱ví‑ó sáni nna̱jia̱ví re̱ꞌ, sáva ni ɨɨn‑ó ntu kininkava‑a saꞌá‑a kua̱ꞌ nsa̱ꞌá rá ñɨvɨ vá ya̱ ntu nka̱níjiá ráa.

Hebreos 4:9

Jee saáva íyó túꞌva i̱i̱ꞌ ka̱ꞌ ya̱ najia̱ví rá ñɨvɨ Ndiosíꞌ kuéntáꞌ kua̱ꞌ nna̱jia̱ví re̱ꞌ ki̱vɨ̱ꞌ uxáꞌ.

Hebreos 13:7

Jee naku̱ꞌun iniꞌ rán rá te̱e yósóꞌ ráa nu̱u̱nꞌ rán, ya̱ náchuꞌun ráa ichi Ndiosíꞌ ránoꞌó, ya̱ maáráa kúvi ya̱ nxi̱néꞌénꞌ ráa Tu̱ꞌun Ndiosíꞌ ránoꞌó. Jee kani va̱ꞌa iniꞌ rán na̱ja viiꞌ ñaꞌnu ráa, jee suni kuneí iniꞌ rán kuéntáꞌ kua̱ꞌ nku̱neí iniꞌ ráa Ndiosíꞌ.

2 Timoteo 2:13

Retú ntu̱ví síkúnkuvi na̱a̱ꞌ‑ó nu̱u̱nꞌ re̱ꞌ, jee maáréꞌ chi íchí níkɨ́nꞌ re̱ꞌ síkúnkuvi na̱a̱ꞌ re̱ꞌ ya̱ nchi̱sóyuꞌú re̱ꞌ nu̱u̱nꞌ‑ó. Chi Cristo ntu kúvi kumaniꞌ re̱ꞌ sikúnkuvi na̱a̱ꞌ re̱ꞌ nu̱u̱nꞌ maáréꞌ ya̱ káchíꞌ re̱ꞌ.

1 Corintios 10:12

Jee saáva ɨɨn ñɨvɨ ya̱ jiáni iniꞌ‑i ya̱ íñɨ́ ni̱ꞌin‑i jín tu̱ꞌun I̱toꞌoꞌ‑ó, soo kumí‑i maáa nsuñájee kininkava‑a nu̱u̱nꞌ kua̱chi.

Romanos 11:20

Va̱tu̱ni, chi jie̱ꞌe̱ꞌ ya̱ ntu nkúneí iniꞌ sava rá ñɨvɨ ñuunꞌ Israel vá Cristo jee nku̱ichi iniꞌ Ndiosíꞌ ráa nna̱neeꞌ re̱ꞌ ráa. Soo noꞌó, jie̱ꞌe̱ꞌ ya̱ kúneí iniꞌ nú Cristo íñɨ́ kutú nú nu̱u̱nꞌ re̱ꞌ. Saáva koto kútéyɨ́ɨ́ nú chisaꞌ kuyúꞌví iniꞌ nú.

Romanos 3:23

Chi ntáká ñɨvɨ nsa̱ꞌá ráa kua̱chi jee saáva kújíká ráa ntu kénta kino̱o na̱a̱ꞌ ráa nu̱u̱nꞌ Ndiosíꞌ ya̱ viiꞌ kúñáꞌnú re̱ꞌ.

Hebreos 12:25

Jee saáva nito koo rán sáva ntu kúíchi iniꞌ rán Ndiosíꞌ ya̱ káꞌánꞌ jín rán. Chi nu̱u̱nꞌ ntu nkáku rá ñɨvɨ ya̱ nku̱ichi iniꞌ ráa maáréꞌ ya̱ nneeꞌ re̱ꞌ iniꞌ ñɨ̱vɨ́ yaꞌá jee nstúꞌva ya̱chi̱ꞌ re̱ꞌ nu̱u̱nꞌ ráa, jee saꞌ víꞌí káꞌ nkáku‑órán tu̱nóꞌó kunoꞌo‑ó retú nanikóyátá‑ó nu̱u̱nꞌ maáréꞌ ya̱ nééꞌ antivɨ́ jee stúꞌva ya̱chi̱ꞌ re̱ꞌ nu̱u̱nꞌ yó.

Hebreos 3:11

Jee saáva nki̱tɨ̱ꞌ iniꞌ ni̱ꞌ nne̱ꞌyá ni̱ꞌ ráa, jee nsa̱ꞌá na̱a̱ꞌ ni̱ꞌ nu̱u̱nꞌ tu̱ꞌun nchi̱sóyuꞌú ni̱ꞌ ya̱: “Ni nsáꞌ ni̱ꞌi̱nꞌ ráa ki̱vɨ ráa nu̱u̱nꞌ najia̱ví ráa saꞌá ni̱ꞌ.”

Mateo 24:48

Soo retú musúꞌ kánéꞌén ví‑i jee jiáni iniꞌ ánímaꞌ re̱ꞌ: “Kúkuéé i̱toꞌoꞌ ni̱ꞌ nenta re̱ꞌ”,

Hechos 3:19

Nakani iniꞌ rán jie̱ꞌe̱ꞌ kua̱chi rán, jee nakunikɨnꞌ rán Ndiosíꞌ, sáva xinónoo re̱ꞌ kua̱chi rán. Jee sáva maá I̱toꞌoꞌ‑ó taji tiempúꞌ ya̱ nuva̱ꞌa iniꞌ rán.

2 Corintios 6:1

Jee saáva ránuꞌuꞌ, táꞌán sátíñú kúvi ránꞌ jín Ndiosíꞌ, jee jíkánꞌ táꞌvíꞌ ránꞌ nu̱u̱nꞌ ránoꞌó ya̱ koto níꞌínꞌ ka̱ꞌá rán ya̱ ma̱ni̱ꞌ iniꞌ Ndiosíꞌ néꞌyá re̱ꞌ ránoꞌó.

Gálatas 5:4

Ránoꞌó ya̱ nánukú kino̱o na̱a̱ꞌ rán nu̱u̱nꞌ Ndiosíꞌ jie̱ꞌe̱ꞌ ya̱ núkú rán ya̱ saꞌá rán ya̱ tátúníꞌ ley vá, ña̱re nsa̱ꞌá sɨ́ɨ́n rán maárán nu̱u̱nꞌ Cristo. Jee nxi̱nóo rán tu̱ꞌun íyó ma̱ni̱ꞌ iniꞌ Ndiosíꞌ néꞌyá re̱ꞌ ránoꞌó.