Génesis 47:22 - Mixteco del suroeste de Tlaxiaco Oaxaca

²² Jee kua̱chi kuitɨꞌ rá ñuꞌun rá su̱tu̱ꞌ ntu̱ví nkeꞌen José, chi íyótúníꞌ sá njia̱ꞌa Faraón nyajiꞌ rá su̱tu̱ꞌ, saáva ntu̱ví nxíkó ráa rá ñuꞌun ráa.

Génesis 47:22 交叉引用

1 Timoteo 5:17

Rá te̱e kúñáꞌnú, ya̱ yósóꞌ va̱ꞌa nu̱u̱nꞌ rá ñanitáꞌán, ya̱ níkɨ́nꞌ ichi Cristo, jee íyó ni̱ꞌi̱nꞌ ráa si̱kɨ̱ꞌ ka̱ꞌ ya̱ sáñáꞌnú rá ñanitáꞌán nu̱u̱nꞌ ráa, jín ya̱ ku̱ꞌva rán ya̱ꞌvi ráa. Víꞌí ka̱ꞌ ya̱ maáráa stékútu̱ꞌún Tu̱ꞌun Ndiosíꞌ jee xínéꞌénꞌ ráa maa, íyó ni̱ꞌi̱nꞌ ráa ya̱ꞌvi ráa.

2 Tesalonicenses 3:10

Chi sáá nneeꞌ ránꞌ jín ránoꞌó, nta̱túníꞌ ránꞌ tu̱ꞌun yaꞌá: “Retú ɨɨn ñɨvɨ ntu kuíni satíñú, jee nka̱jíꞌ‑i, rúsa.”

Gálatas 6:6

Jee ránoꞌó ya̱ súkuáꞌa rán Tu̱ꞌun Ndiosíꞌ, chineí táꞌán rán rá te̱e xínéꞌénꞌ maa nu̱u̱nꞌ ránoꞌó jín nɨꞌɨ nu̱u̱nꞌ ya̱ váꞌa kúmí rán.

1 Corintios 9:13

Jee, ¿á nsáꞌ jíníꞌ ránú ya̱ rá su̱tu̱ꞌ ya̱ yɨ́ꞌɨ́ ñujiínꞌ veñu̱ꞌun káꞌnú ííꞌ, jee yájíꞌ ráa rá nantíñú sókóꞌ rá ñɨvɨ ichinúúnꞌ veñu̱ꞌun vá rúja? Jee rá su̱tu̱ꞌ ya̱ yɨ́tíñú nu̱u̱nꞌ altar nu̱u̱nꞌ téñuꞌunꞌ rá ñɨvɨ ya̱ sókóꞌ rává nu̱u̱nꞌ Ndiosíꞌ ichinúúnꞌ veñu̱ꞌun, jee suni níꞌínꞌ ráa ya̱ yájíꞌ ráa sava ya̱ nsókoꞌ rá ñɨvɨ nu̱u̱nꞌ altar yukuán.

Mateo 10:10

ni ñunu rán, ni koto níso sɨ́ɨ́n rán inka ka̱ꞌ saꞌma naku̱ꞌun rán, ni ni̱jia̱nꞌ rán, ni karútíꞌ rán. Chi ɨɨn ñɨvɨ ya̱ retú sátíñú‑u, jee íyó ni̱ꞌi̱nꞌ‑i ya̱ kajiꞌ‑i jie̱ꞌe̱ꞌ tiñu sáꞌá‑a.

Génesis 41:50

Ne̱ ntiáꞌan ka̱ꞌ kajiéꞌé kui̱ya̱ꞌ koo ta̱ma̱ꞌ, jee ni̱yo u̱vi̱ꞌ se̱ꞌya José jín ñasɨ́ꞌɨ́ re̱ꞌ Asenat, se̱ꞌya sɨ́ꞌɨ́ Potifera, su̱tu̱ꞌ ñuunꞌ On.

Génesis 41:45

Jee nsi̱kúnání Faraón súví José Zafnat‑panea, jee nxtánáꞌá Faraón José jín ñaꞌan naní Asenat, ya̱ kúvi se̱ꞌya sɨ́ꞌɨ́ Potifera, ya̱ kúvi su̱tu̱ꞌ nu̱u̱nꞌ ñuunꞌ On. Jee suꞌva nísotíñú José nu̱u̱nꞌ ñuunꞌ Egipto.

Génesis 14:18

Jee Melquisedec, ya̱ kuvi te̱e tátúníꞌ‑i ñuunꞌ Salem ña̱na̱ka‑a ya̱ kajiꞌ Abram jín rá ñɨvɨ kútáꞌán jín re̱ꞌ jín nu̱xi nixiꞌ uva koꞌo ráa. Jee Melquisedec ví su̱tu̱ꞌ yɨ́tíñú‑u nu̱u̱nꞌ Ndiosíꞌ máá ñáꞌnú nasɨ́kuitɨꞌ ka̱ꞌ.

Génesis 47:21

Jee nsa̱ꞌá re̱ꞌ rá ñɨvɨ ñuunꞌ Egipto nkuvi ráa musúꞌ sátíñú saɨn nu̱u̱nꞌ nɨꞌɨ ñuunꞌ Egipto, ne̱ íyó ichi Egipto jín ne̱ íyó inka ichi.

Génesis 47:23

Jee kuíre nkachiꞌ José nu̱u̱nꞌ rá ñɨvɨ: ―Vitan rá jee nni̱ꞌi̱nꞌ ni̱ꞌ ránoꞌó jín rá ñuꞌun rán kuvi Faraón maa. Kune̱ꞌyá rán, yaꞌá íyó nikɨn tataꞌ sáva taji rán maa nu̱u̱nꞌ ñuꞌun.

Génesis 47:26

Saájee suꞌva ñakɨnꞌ José tu̱ꞌun yaꞌá ya̱ tátúníꞌ jie̱ꞌe̱ꞌ ñuꞌun ñuunꞌ Egipto ne̱ vitan, ya̱ íyó ku̱ꞌva rá ñɨvɨ nu̱u̱nꞌ Faraón ɨɨn kilo tataꞌ sáꞌá ráa nu̱u̱nꞌ ya̱ u̱ꞌu̱nꞌ kilo tataꞌ nsa̱ꞌá ráa. Soo kua̱chi rá ñuꞌun rá su̱tu̱ꞌ ni ntu̱ví nkenta kuvi‑i ñuꞌun Faraón maa.