16 Jee rá se̱ꞌya yɨ́ɨ́ Gad nkuvi Zifión, Hagui, Ezbón, Suni, Eri, Arodi jín Areli.
Saájee nkachiꞌ Lea: “¡Na̱ ka̱ꞌ ta̱ꞌvi̱ꞌ ni̱ꞌ ka̱ꞌ!”, saáva nsi̱kúnání ña súví te̱e lúlí yaꞌá Gad.
’Jee Gad chi kiji ɨɨn ejército si̱kɨ̱ꞌ rá se̱ꞌya ichiyúkúnꞌ re̱ꞌ kantáꞌán‑a si̱kɨ̱ꞌ ráa, soo suni kunikɨnꞌ ráa kenta ráa ya̱ta̱ꞌ‑a kantáꞌán ráa jín‑i.
Jee rá se̱ꞌya Jacob ya̱ ni̱yo jín Zilpá, ñaꞌan ya̱ kuvi musúꞌ jiátíñú saɨn Lea, nkuvi Gad jín Aser. Rá yaꞌá nkuvi rá se̱ꞌya Jacob, ya̱ nkaku ráa nu̱u̱nꞌ ñuunꞌ Padán‑aram.
Rá yaꞌá nkuvi rá se̱ꞌya yɨ́ɨ́ Lea ya̱ ni̱yo jín Jacob sáá nééꞌ ráa ñuunꞌ Padán‑aram, jee suni se̱ꞌya sɨ́ꞌɨ́ re̱ꞌ Dina. Jee ntáká rá se̱ꞌya ichiyúkúnꞌ ráa nkuvi o̱ko̱ꞌ u̱xu̱ꞌ u̱ni̱ꞌ (33) rá te̱e jín rá ñaꞌan.
