4 Sú ntu íyó suꞌva, soo nuꞌuꞌ kuvi kuneí iniꞌ ni̱ꞌ jie̱ꞌe̱ꞌ tiñu nsa̱ꞌá ni̱ꞌ nékúvi. Retú néni ɨɨn ñɨvɨ jiáni iniꞌ ya̱ kuvi kuneí iniꞌ‑i ya̱ sáꞌá‑a, jee maáníꞌ saꞌ víꞌí káꞌ kuvi kuneí iniꞌ ni̱ꞌ jie̱ꞌe̱ꞌ ya̱ nsa̱ꞌá ni̱ꞌ nékúvi, chi:
Saáva tɨɨn kuéntáꞌ va̱ꞌa rán Tu̱ꞌun Ndiosíꞌ ya̱ tésóꞌo rán. Néni ɨɨn ñɨvɨ ya̱ tɨ́ɨn tu̱ꞌun váꞌa Ndiosíꞌ, ku̱ꞌva re̱ꞌ ka̱ꞌ ki̱ku̱ꞌun iniꞌ‑i. Soo néni ɨɨn ñɨvɨ ya̱ ntu tɨ́ɨn tu̱ꞌun vá, jee ne̱ tu̱ꞌun ya̱ jiáni iniꞌ‑i ya̱ jiáku̱ꞌun iniꞌ‑i kaneeꞌ re̱ꞌ maa nu̱u̱nꞌ‑u ―nkachiꞌ Jesús.
Jee saáva, ne̱ vitan ntu̱ví ka̱ꞌ jiáni iniꞌ ráníꞌ jie̱ꞌe̱ꞌ ni ɨɨn ñɨvɨ, sánikua̱ꞌ jiáni iniꞌ rá ñɨvɨ ñɨ̱vɨ́ yaꞌá, ya̱ ntu yɨ́ꞌɨ́ ráa xi̱ntíín Cristo. Sú ñani iniꞌ ránꞌ sukuán jie̱ꞌe̱ꞌ Cristo, soo ntu̱ví ka̱ꞌ jiáni iniꞌ ránꞌ sukuán jie̱ꞌe̱ꞌ re̱ꞌ.
Ránuꞌuꞌ ví ichiyúkúnꞌ Israel ne̱ nkaku ráníꞌ, jee nsú ñɨvɨ inka nación kúvi ránꞌ ya̱ káchíꞌ ránꞌ ya̱ ñɨvɨ kua̱chi kúvi ráa.
