Efesios 4:29 - Mixteco del suroeste de Tlaxiaco Oaxaca

²⁹ Jee koto jiáꞌa rán ya̱ kene ni ɨɨn tu̱ꞌun niváꞌa kini yuꞌú nú, chisaꞌ kaꞌanꞌ rán tu̱ꞌun váꞌa ya̱ íyótiñu, ya̱ sikújia va̱ꞌa‑a ñɨvɨ sáni jíniñúꞌún ráa, sáva nachineí‑i ráa ya̱ tésóꞌo maa.

Efesios 4:29 交叉引用

Colosenses 4:6

Jee sukuáni kuva̱ꞌa iniꞌ rán kaꞌanꞌ rán jín ráa, ya̱ táxínꞌ tu̱ꞌun káꞌánꞌ nú kuéntáꞌ nu̱ꞌú neyu sáꞌá ñɨ̱ɨ̱nꞌ, sáva kuniꞌ rán na̱sa íyó naxiníkó rán nu̱u̱nꞌ ta ɨɨn ɨɨn ráa.

1 Tesalonicenses 5:11

Saáva nasáneí rán iniꞌ ɨɨn inka rán, jee sikújia rán iniꞌ ɨɨn inka rán, sáva kuneí ka̱ꞌ iniꞌ rán Jesús, sánikua̱ꞌ ya̱ sáꞌá rán.

Mateo 5:16

Jee suꞌva íyó kueꞌnu na̱a̱ꞌ va̱ꞌa rán sáva kúvi rán kuéntáꞌ ñuꞌunꞌ stúúnꞌ rán nu̱u̱nꞌ rá ñɨvɨ jee kune̱ꞌyá ráa ya̱ váꞌa sáꞌá rán, sáva nakuetúꞌún ráa Tátáꞌ rán Ndiosíꞌ ya̱ nééꞌ antivɨ́ súkún.

1 Pedro 2:12

Jee kueꞌnu va̱ꞌa rán nteñu rá ñɨvɨ ya̱ ntu jíníꞌ ráa Tu̱ꞌun Ndiosíꞌ, sáva súka̱ꞌ káꞌánꞌ rá ñɨvɨ si̱kɨ̱ꞌ rán kuéntáꞌ kua̱ꞌ sáꞌá rán tiñu níváꞌa, soo kuniꞌ rá ñɨvɨ vá rá tiñu váꞌa sáꞌá rán, jee nakuetúꞌún ráa Ndiosíꞌ ki̱vɨ̱ꞌ niji tuku Cristo sanáaꞌ re̱ꞌ sáni ya̱ nááꞌ.

Lucas 4:22

Jee ntáká rá ñɨvɨ káꞌánꞌ va̱ꞌa ráa jie̱ꞌe̱ꞌ re̱ꞌ jee tívɨ́ xíniꞌ ráa jie̱ꞌe̱ꞌ rá tu̱ꞌun viiꞌ káchíꞌ re̱ꞌ, jee nkachiꞌ ráa: ―¿Á nsú se̱ꞌya José kúvi te̱e yaꞌá rúja?

1 Pedro 3:1

Jee suni sukuán ránoꞌó ñaꞌan íyó yɨɨ́, koo maniꞌ rán chiꞌi rán maárán xi̱ntíín yɨɨ́ rán, sáva retú néni ɨɨn rá yɨɨ́ rán vá ntu jínúꞌ iniꞌ ráa ntu káníjiá ráa Tu̱ꞌun Ndiosíꞌ, jee sijínúꞌ rán iniꞌ rá yɨɨ́ rán jín máá ni tiñu na̱ja va̱ꞌa na̱a̱ꞌ jiáꞌnu rán jee nsú jín tu̱ꞌun káꞌánꞌ rán.

Efesios 4:16

Jee kúvi ntáká‑ó kuéntáꞌ yɨkɨkúñu re̱ꞌ, ya̱ náketáꞌán kutú nɨꞌɨ jín rá nu̱u̱nꞌ ñútáꞌán jín rá tu̱chi fuersáꞌ, jee nunuún iniꞌ ntáká‑ó. Jee sáá nuún chíneí táꞌán va̱ꞌa‑ó sánikua̱ꞌ tiñu kúvi sáꞌá ta ɨɨn‑ó, jee sukuán síkújia iniꞌ táꞌán‑ó ka̱ꞌ sáva sikuéꞌnu‑ó táꞌán‑ó jín tu̱ꞌun ñúnúunꞌ táꞌán.

Efesios 4:12

Njia̱ꞌa re̱ꞌ rá tiñu vá nu̱u̱nꞌ ráa sáva sikújia ráa iniꞌ rá ñɨvɨ ya̱ nsa̱ꞌá sɨ́ɨ́n Ndiosíꞌ kúvi ñɨvɨ re̱ꞌ. Síkújia ráa iniꞌ maáó ya̱ kúvi‑ó rá ñɨvɨ re̱ꞌ sáva kɨtíñú‑ó saꞌá‑ó tiñu re̱ꞌ nu̱u̱nꞌ ɨɨn inka táꞌán‑ó, sáva sikuéꞌnu‑ó ɨɨn inka táꞌán‑ó, ya̱ ɨɨn ni ñɨvɨ kuvi‑ó nu̱u̱nꞌ Cristo, kuéntáꞌ ɨɨn yɨkɨkúñu.

2 Pedro 2:18

Chi jie̱ꞌe̱ꞌ rá tu̱ꞌun vi̱xi̱ꞌ káꞌánꞌ ka̱ꞌá ráa jie̱ꞌe̱ꞌ rá tiñu téní sɨ̱ɨ̱ꞌ iniꞌ jín rá tiñu kánéꞌí, jee sukuán ne̱ ñunkúún síjínúꞌ ráa iniꞌ rá ñɨvɨ ya̱ sukuán ni nkaku rává nkene rává nu̱u̱nꞌ rá ñɨvɨ jiáꞌnu ichi stívɨ́, jee náxtá ráa rá ñɨvɨ vá ni̱kóyátá rává kunikɨnꞌ rává ichi xínéꞌénꞌ ráa.

1 Corintios 14:19

Soo súka̱ꞌ sukuán íyó, soo sáá nútútú ráníꞌ jín rá ñɨvɨ ya̱ jínúꞌ iniꞌ ráa Ndiosíꞌ, jee kuíni ni̱ꞌ kaꞌanꞌ ni̱ꞌ sú ré u̱ꞌu̱nꞌ ni tu̱ꞌun jín antúníꞌ ni̱ꞌ ya̱ ki̱ku̱ꞌun iniꞌ rá inka ñɨvɨ maa sáva xinéꞌénꞌ ni̱ꞌ ráa, nsú ka̱ꞌ ya̱ kaꞌanꞌ ni̱ꞌ u̱ji̱ꞌ mil (10,000) tu̱ꞌun inka nu̱u̱nꞌ rá tu̱ꞌun ya̱ ntu̱ví jiáku̱ꞌun iniꞌ rá ñɨvɨ.

Romanos 14:19

Jee saáva kuniꞌvɨꞌ iniꞌ‑ó saꞌá‑o tiñu ya̱ kuneeꞌ ñunkúún‑ó jín rá ñanitáꞌán‑ó, jín ya̱ chineí táꞌán ɨɨn inka‑ó jín táꞌán‑ó sáva kujia iniꞌ ɨɨn inka‑ó kuiñɨ ni̱ꞌin‑ó jín Tu̱ꞌun Ndiosíꞌ.

Romanos 15:2

Ta ɨɨn ɨɨn‑ó íyó nukú‑ó ya̱ saꞌá‑ó ya̱ kuva̱ꞌa iniꞌ ñanitáꞌán‑ó ya̱ kuvi ya̱ váꞌa nu̱u̱nꞌ‑u, sáva kujia iniꞌ‑i kuiñɨ ni̱ꞌin‑i nu̱u̱nꞌ Ndiosíꞌ.

Juan 1:37

Jee ni núvíꞌ rá te̱e súkuáꞌa Juan vá nteso̱ꞌo ráa ya̱ nkachiꞌ re̱ꞌ sukuán. Jee nchi̱nikɨnꞌ ráa Jesús.