Apoclipsis 20:9 - Mixteco del suroeste de Tlaxiaco Oaxaca

⁹ Jee kutenuun ráa kɨ̱ꞌɨ̱nꞌ ráa kua̱íyó nu̱u̱nꞌ ñu̱ꞌún iniꞌ ñɨ̱vɨ́. Jee chuti̱yu̱ꞌ ráa nu̱u̱nꞌ nééꞌ rá ñɨvɨ ya̱ yɨ́ꞌɨ́ rává nu̱u̱nꞌ Ndiosíꞌ, jín nu̱u̱nꞌ káá ñuunꞌ ya̱ ñúnúunꞌ re̱ꞌ. Soo ne̱ súkún nki̱nkuun ñuꞌunꞌ, jee nka̱yu̱ꞌ ráa.

Apoclipsis 20:9 交叉引用

2 Tesalonicenses 1:8

Jee kenta re̱ꞌ jín ñuꞌunꞌ itaꞌ, jee nachunáán re̱ꞌ xinóꞌo re̱ꞌ rá ñɨvɨ ntu mániꞌ ráa jín Ndiosíꞌ jee ntu íyó mániꞌ ráa tu̱ꞌun váꞌa jie̱ꞌe̱ꞌ I̱toꞌoꞌ‑ó Jesús.

Apoclipsis 13:13

Jee suni sáꞌá ti̱ꞌ seña a̱nasɨ́, chi ne̱ sáꞌá ti̱ꞌ ya̱ kúun ñuꞌunꞌ káyúꞌ va̱ji ne̱ súkún ne̱ nu̱u̱nꞌ ñu̱ꞌún ichinúúnꞌ rá ñɨvɨ.

Apoclipsis 11:5

Jee retú ne̱ ni ɨɨn ñɨvɨ kuini‑i xtufíꞌ‑i ráa, jee kene ñuꞌunꞌ yuꞌú ráa, jee íchí ka̱yu̱ꞌ rá ñɨvɨ vá ya̱ túfíꞌ ta̱ꞌán jín ráa. Jee retú néni ɨɨn ñɨvɨ ya̱ kuniꞌ‑i xtufíꞌ‑i ráa jee íyó kuviꞌ‑i sukuán.

Lucas 17:29

Soo máá ki̱vɨ̱ꞌ nkene Lot ñuunꞌ Sodoma, jee ne̱ antivɨ́ nki̱nkuun ñuꞌunꞌ jín sufríꞌ káyúꞌ, jee nxi̱náánꞌ‑a kua̱íyó kuitɨꞌ rá ñɨvɨ rá ñuunꞌ yukuán.

Lucas 9:54

Jee Jacobo jín Juan, rá te̱e kútáꞌán jín re̱ꞌ súkuáꞌa re̱ꞌ ráa, jee sáá niniꞌ ráa ya̱ nkuvi sukuán, jee nkachiꞌ ráa: ―I̱toꞌoꞌ, ¿á kuíni nú ya̱ tatúníꞌ ránꞌ ya̱ kiji nkuun ñuꞌunꞌ ne̱ antivɨ́ sáva xináánꞌ‑a rá ñɨvɨ ñuunꞌ yaꞌá, kuéntáꞌ kua̱ꞌ nsa̱ꞌá Elías ne̱ yanaꞌán? ―nkachiꞌ ráa.

Hebreos 13:13

Jee saáva íyó kene rán nu̱u̱nꞌ ñujiínꞌ jiáꞌnu rá ñɨvɨ ya̱ ntu ínúꞌ iniꞌ ráa Jesús jee íyó kuiñɨ ni̱ꞌin rán jín re̱ꞌ, kuéntáꞌ kene‑ó yuñúúnꞌ kɨ̱ꞌɨ̱nꞌ‑ó nu̱u̱nꞌ re̱ꞌ. Jee íyó keꞌneꞌ iniꞌ rán ya̱ jiáꞌa ñɨvɨ tu̱nkánuun nu̱u̱nꞌ rán jie̱ꞌe̱ꞌ kúneí iniꞌ rán Jesús.

Génesis 19:24

jee nsa̱ꞌá Ndiosíꞌ ya̱ kuun yu̱u̱ꞌ sufríꞌ káyúꞌ‑u jín ñuꞌunꞌ itaꞌ ne̱ súkún ne̱ rá ñuunꞌ Sodoma jín Gomorra,

Lucas 21:20

’Jee saáva sáá kuniꞌ rán ya̱ chuti̱yu̱ꞌ rá soldado kua̱íyó ñuunꞌ Jerusalén, saájee kuniꞌ rán ya̱ ya nku̱yatin kɨ̱naanꞌ ñuunꞌ vá.

Lucas 19:43

Chi kiji rá ki̱vɨ nu̱u̱nꞌ rán, sáá kiji rá ñɨvɨ ya̱ túfíꞌ ta̱ꞌán jín ránoꞌó kichuti̱yu̱ꞌ ráa ránoꞌó kasɨꞌ ti̱yu̱ꞌ ráa kuráꞌ koo kua̱íyó yuꞌú ñuunꞌ ránú, jee ntáká ichi kasɨꞌ ráa nu̱u̱nꞌ rán.