2 Corintios 4:16 - Mixteco del suroeste de Tlaxiaco Oaxaca

¹⁶ Saáva, ntu̱ví núun iniꞌ‑ó. Súka̱ꞌ kua̱nɨꞌɨ nijia yɨkɨkúñu‑ó, soo vitan nteenꞌ nújiáá ánímaꞌ‑ó sáꞌá Ndiosíꞌ.

2 Corintios 4:16 交叉引用

Colosenses 3:10

Jee vitan jee nsama iniꞌ rán nnuvi rán ñɨvɨ jiáá. Chi násaꞌá jiáá Ndiosíꞌ iniꞌ ánímaꞌ ránoꞌó, ne̱kua̱ꞌ kuniꞌ va̱ꞌa rán re̱ꞌ, sáva koo rán ka̱ꞌ kua̱ꞌ íyó maáréꞌ ya̱ nsa̱ꞌá jiáá re̱ꞌ ránoꞌó.

Romanos 12:2

Jee koto jiáꞌnu rán ka̱ꞌ sáni jiáꞌnu rá ñɨvɨ ñɨ̱vɨ́ yaꞌá vitan, chisaꞌ sama rán iniꞌ maárán nujiáá sáá jiáni antúníꞌ rán, sáva kenta kukáꞌnú iniꞌ rán ná kúvi ya̱ kuíni Ndiosíꞌ, ya̱ kúvi ya̱ váꞌa, ya̱ kúváꞌa iniꞌ re̱ꞌ néꞌyá re̱ꞌ maa, jín kúvi ya̱ naáꞌ.

2 Corintios 4:1

Jee saáva ntu̱ví núun iniꞌ ráníꞌ, chi jie̱ꞌe̱ꞌ nku̱náꞌví iniꞌ Ndiosíꞌ nne̱ꞌyá re̱ꞌ ránuꞌuꞌ, saáva nni̱ꞌi̱nꞌ ránꞌ tiñu yaꞌá ya̱ nte̱tíñú Ndiosíꞌ ránuꞌuꞌ stékútu̱ꞌún ránꞌ jie̱ꞌe̱ꞌ tratúꞌ jiáá.

Efesios 3:16

Jee jíkánꞌ táꞌvíꞌ ni̱ꞌ nu̱u̱nꞌ Ndiosíꞌ, ya̱ nachituvi Ta̱chi̱ꞌ Ííꞌ re̱ꞌ iniꞌ ránoꞌó, jín fuersáꞌ ííꞌ Ndiosíꞌ sáni ntántúníꞌ kúñáꞌnú re̱ꞌ.

Romanos 7:22

Chi ne̱ ánímaꞌ ni̱ꞌ kúsɨ́ɨꞌ iniꞌ ni̱ꞌ néꞌyá ni̱ꞌ ley tátúníꞌ Ndiosíꞌ.

Tito 3:5

jee sikáku re̱ꞌ yó nsú jie̱ꞌe̱ꞌ tiñu na̱a̱ꞌ nsa̱ꞌá‑ó ví‑i, chisaꞌ sikáku re̱ꞌ yó chi nku̱náꞌví iniꞌ re̱ꞌ nne̱ꞌyá re̱ꞌ yó. Jee nsi̱káku re̱ꞌ yó jie̱ꞌe̱ꞌ ya̱ Ta̱chi̱ꞌ Ííꞌ re̱ꞌ nna̱sánoo ánímaꞌ‑ó, jee suꞌva nsa̱ꞌá re̱ꞌ ya̱ nna̱kaku jiáá tuku‑ó, jín jie̱ꞌe̱ꞌ ya̱ nsama re̱ꞌ iniꞌ‑ó sáva nujiáá‑ó.

1 Pedro 3:4

Chisaꞌ íyó nasikútú rán maárán jín ya̱ váꞌa viiꞌ ya̱ ñúꞌún yuꞌuꞌ ne̱ ánímaꞌ rán, ya̱ ni nsáꞌ náánꞌ‑a, yukuán kúvi ya̱ viiꞌ ñunkúún iniꞌ rán jee kuꞌun másúꞌ vi̱tá iniꞌ ánímaꞌ rán, chi suvi‑i vá yɨ́yáꞌvi nasɨ́kuitɨꞌ nu̱u̱nꞌ Ndiosíꞌ.

Efesios 4:23

Soo vitan jee nujiáá ánímaꞌ rán, jín antúníꞌ rán.

1 Corintios 15:58

Jee saáva ránoꞌó ñaniꞌ jín ku̱ꞌva maáníꞌ ya̱ ñúnúunꞌ ni̱ꞌ, kuiñɨ ni̱ꞌin rán jín ya̱ yɨ́táꞌán kunikɨnꞌ rán Cristo, sukuáni sáꞌá rán ka̱ꞌ tiñu I̱toꞌoꞌ‑ó. Chi jíníꞌ rán ya̱ ntu sátíñú ka̱ꞌá rán jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó.

2 Corintios 12:15

Jee kúsɨ́ɨꞌ iniꞌ ni̱ꞌ ka̱xi̱nꞌ ni̱ꞌ ya̱ kúmí ni̱ꞌ, jín ne̱ máá maáníꞌ nu̱u̱nꞌ tiñu Cristo sáva kúvi ya̱ va̱ꞌa nu̱u̱nꞌ rán. Retú víꞌí ka̱ꞌ ñúnúunꞌ ni̱ꞌ ránoꞌó, ¿á núun ka̱ꞌ kunu̱u̱nꞌ rán nuꞌuꞌ?

Lucas 11:3

Jee taji nú ya̱ kajiꞌ ránꞌ vitan nteenꞌ.

1 Pedro 4:14

Na̱ ka̱ꞌ netuꞌ ka̱ꞌ kúvi ránoꞌó retú ténúunꞌ ráa ránoꞌó jie̱ꞌe̱ꞌ ya̱ níkɨ́nꞌ rán ichi Cristo, chi máá Ta̱chi̱ꞌ Ííꞌ Ndiosíꞌ ya̱ viiꞌ kúñáꞌnú nasɨ́kuitɨꞌ íyó‑o jín ránoꞌó. [Chi rá ñɨvɨ vá káꞌánꞌ niva̱ꞌa ráa si̱kɨ̱ꞌ Ta̱chi̱ꞌ Ííꞌ re̱ꞌ, soo ránoꞌó chi nákuetúꞌún rán maa.]