2 Corintios 3:18 - Mixteco del suroeste de Tlaxiaco Oaxaca

¹⁸ Jee jie̱ꞌe̱ꞌ sukuán, váchóo nta̱ká maáó kuéntáꞌ ntu ka̱ꞌ násɨ́ꞌ nu̱u̱nꞌ‑ó. Chi kúvi‑ó kuéntáꞌ ɨɨn espejo néꞌyá‑ó ya̱ viiꞌ kúñáꞌnú I̱toꞌoꞌ‑ó jee jiánu̱te̱ꞌ‑ó nuva I̱toꞌoꞌ‑ó, chi maa Ta̱chi̱ꞌ Ííꞌ re̱ꞌ sáꞌá ya̱ ne̱ jíꞌín‑ó viiꞌ kua̱ꞌa̱nꞌ kua̱ꞌa̱nꞌ kúvi‑ó sánikua̱ꞌ viiꞌ kúñáꞌnú I̱toꞌoꞌ‑ó, chi ya̱ viiꞌ kua̱ꞌa̱nꞌ sáma re̱ꞌ iniꞌ‑ó sáva koo‑ó kuéntáꞌ íyó maá I̱toꞌoꞌ‑ó. Suꞌva sáꞌá I̱toꞌoꞌ‑ó ya̱ maáréꞌ ví Ta̱chi̱ꞌ Ííꞌ.

2 Corintios 3:18 交叉引用

2 Corintios 4:6

Chi Ndiosíꞌ ví ya̱ nta̱túníꞌ re̱ꞌ ya̱ tu̱u̱nꞌ ñuꞌunꞌ nu̱u̱nꞌ neenꞌ sáá nsa̱ꞌá re̱ꞌ ñɨ̱vɨ́. Suni maá Ndiosíꞌ ví ya̱ stúúnꞌ re̱ꞌ iniꞌ ánímaꞌ‑ó sáva tu̱u̱nꞌ iniꞌ ánímaꞌ‑ó ya̱ kuniꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ chi jíníꞌ‑ó iniꞌ Jesús ya̱ kúvi Cristo, kuéntáꞌ jiánu̱te̱ꞌ nu̱u̱nꞌ re̱ꞌ.

Romanos 12:2

Jee koto jiáꞌnu rán ka̱ꞌ sáni jiáꞌnu rá ñɨvɨ ñɨ̱vɨ́ yaꞌá vitan, chisaꞌ sama rán iniꞌ maárán nujiáá sáá jiáni antúníꞌ rán, sáva kenta kukáꞌnú iniꞌ rán ná kúvi ya̱ kuíni Ndiosíꞌ, ya̱ kúvi ya̱ váꞌa, ya̱ kúváꞌa iniꞌ re̱ꞌ néꞌyá re̱ꞌ maa, jín kúvi ya̱ naáꞌ.

2 Corintios 4:4

Maá kui̱ꞌna̱ꞌ kúñáꞌnú ya̱ yósóꞌ nu̱u̱nꞌ rá ñɨvɨ ñɨ̱vɨ́ yaꞌá tiempúꞌ vitan kuéntáꞌ ɨɨn ndiosíꞌ, jee sáꞌá re̱ꞌ kuneenꞌ antúníꞌ rá ñɨvɨ vá, ya̱ ntu ínúꞌ iniꞌ ráa Cristo, ya̱ kuéntáꞌ kuáá ráa, sáva ntu̱ví jiáꞌa re̱ꞌ tu̱ꞌun váꞌa jie̱ꞌe̱ꞌ Cristo na̱tuunꞌ‑u iniꞌ ánímaꞌ ráa, sáva ntu kuniꞌ ráa ya̱ máá kúñáꞌnú Cristo ya̱ ɨɨn ni kúvi re̱ꞌ jín Ndiosíꞌ ya̱ tu̱vi nijinꞌ sáá íyó Ndiosíꞌ.

1 Corintios 13:12

Chi vitan jee nsú nɨꞌɨ jíníꞌ‑ó jie̱ꞌe̱ꞌ Ndiosíꞌ, chi íyó kuéntáꞌ retánꞌ néꞌyá‑ó nu̱u̱nꞌ ɨɨn espejo ya̱ túvi neenꞌ, soo tiempúꞌ ichinúúnꞌ jee kune̱ꞌyá‑ó nu̱u̱nꞌ máá maá Ndiosíꞌ jín nchinúún‑ó. Vitan jíníꞌ ni̱ꞌ yakuꞌ ya̱ nstúvi Ndiosíꞌ nu̱u̱nꞌ‑ó, soo tiempúꞌ yukuán kuniꞌ noo nɨꞌɨ kuitɨꞌ, kuéntáꞌ sánikua̱ꞌ jíníꞌ noo maá Ndiosíꞌ nuꞌuꞌ.

Colosenses 3:10

Jee vitan jee nsama iniꞌ rán nnuvi rán ñɨvɨ jiáá. Chi násaꞌá jiáá Ndiosíꞌ iniꞌ ánímaꞌ ránoꞌó, ne̱kua̱ꞌ kuniꞌ va̱ꞌa rán re̱ꞌ, sáva koo rán ka̱ꞌ kua̱ꞌ íyó maáréꞌ ya̱ nsa̱ꞌá jiáá re̱ꞌ ránoꞌó.

Romanos 8:29

Chi rá ñɨvɨ vá ya̱ jíníꞌ ya̱chi̱ꞌ re̱ꞌ nka̱ji ya̱chi̱ꞌ re̱ꞌ nékúvi, jee sunisaá ya̱ nkuna̱a̱ꞌ ya̱chi̱ꞌ iniꞌ re̱ꞌ ya̱ kuneen ráa iniꞌ Se̱ꞌya re̱ꞌ, sáva kuvi‑i Se̱ꞌya ñáꞌnú ya̱ kosoꞌ‑o nu̱u̱nꞌ kue̱ꞌe̱ꞌ ñaniꞌ‑i jín ku̱ꞌva‑a.

1 Corintios 15:49

Jee naku‑ó iniꞌ te̱e ti̱ka̱cha̱a̱ꞌ ñuꞌun, jee suni sukuán ranika̱ꞌ naku‑ó iniꞌ te̱e nkiji re̱ꞌ ne̱ antivɨ́ súkún.

2 Corintios 5:17

Jee saáva retú néni ɨɨn ñɨvɨ ya̱ yɨ́ꞌɨ́‑ɨ nu̱u̱nꞌ Cristo, jee kúvi ñɨvɨ jiáá nsa̱ꞌá Ndiosíꞌ. Jee ya kua̱jia̱ꞌa sáá ñaꞌnu‑ó tiempúꞌ ya̱ta̱ꞌ, jee nnu̱jiáá sáá jiáꞌnu‑ó nu̱u̱nꞌ Cristo.

Juan 1:14

Jee maáréꞌ ya̱ kúvi Tu̱ꞌun vá nkenta nkuvi re̱ꞌ ɨɨn te̱e ñunéꞌyúꞌ jee nneeꞌ re̱ꞌ nteñu‑ó. Jee niniꞌ ránꞌ ya̱ viiꞌ nasɨ́kuitɨꞌ kúñáꞌnú re̱ꞌ. Kúñáꞌnú re̱ꞌ chi Se̱ꞌya métúꞌún Ndiosíꞌ kúvi re̱ꞌ ya̱ váji ne̱ nu̱u̱nꞌ Tátáꞌ‑ó Ndiosíꞌ. Jee ntántúníꞌ íyó mániꞌ iniꞌ re̱ꞌ néꞌyá re̱ꞌ yó jee mani kúvi re̱ꞌ ya̱ nááꞌ ya̱ saꞌ víꞌí káꞌ stúvi ya̱ nááꞌ jie̱ꞌe̱ꞌ Ndiosíꞌ.

Santiago 1:23

Chi retú ɨɨn ñɨvɨ tésóꞌo tu̱ꞌun vá, jee ntu sáꞌá‑a ya̱ káchíꞌ tu̱ꞌun vá, jee kúvi‑i kuéntáꞌ ɨɨn te̱e ya̱ néꞌyá re̱ꞌ ñɨɨnúúnꞌ nkaku re̱ꞌ nu̱u̱nꞌ ɨɨn espejo,

Juan 17:24

’Tátáꞌ ni̱ꞌ, jee rá ñɨvɨ ya̱ ntaji nú nu̱u̱nꞌ ni̱ꞌ, jee kuíni ni̱ꞌ ya̱ suni maáráa kuneeꞌ ráa jín nuꞌuꞌ nu̱u̱nꞌ kuneeꞌ ni̱ꞌ, sáva kuniꞌ ráa na̱ja viiꞌ nasɨ́kuitɨꞌ kúñáꞌnú ni̱ꞌ ya̱ ntaji nú nu̱u̱nꞌ ni̱ꞌ, chi ñúnúunꞌ nú nuꞌuꞌ ne̱ ntiáꞌan ka̱ꞌ nsa̱ꞌá nú ñɨ̱vɨ́.

Tito 3:5

jee sikáku re̱ꞌ yó nsú jie̱ꞌe̱ꞌ tiñu na̱a̱ꞌ nsa̱ꞌá‑ó ví‑i, chisaꞌ sikáku re̱ꞌ yó chi nku̱náꞌví iniꞌ re̱ꞌ nne̱ꞌyá re̱ꞌ yó. Jee nsi̱káku re̱ꞌ yó jie̱ꞌe̱ꞌ ya̱ Ta̱chi̱ꞌ Ííꞌ re̱ꞌ nna̱sánoo ánímaꞌ‑ó, jee suꞌva nsa̱ꞌá re̱ꞌ ya̱ nna̱kaku jiáá tuku‑ó, jín jie̱ꞌe̱ꞌ ya̱ nsama re̱ꞌ iniꞌ‑ó sáva nujiáá‑ó.

Romanos 8:7

Chi rá ñɨvɨ túví ráa antúníꞌ ráa sáni kuíni ráa, ya̱ ntu yɨ́tíñú ráa nu̱u̱nꞌ Ndiosíꞌ, jee jíníꞌ u̱ꞌvi̱ꞌ ráa Ndiosíꞌ. Jee ntu chíꞌi ráa maáráa xi̱ntíín tu̱ꞌun tátúníꞌ Ndiosíꞌ, jee ni ntu kúvi chiꞌi ráa maáráa xi̱ntíín tu̱ꞌun tátúníꞌ re̱ꞌ.

Romanos 8:4

Nsa̱ꞌá Ndiosíꞌ sukuán sáva kuvi sikúnkuvi‑ó ntáká tiñu na̱a̱ꞌ ya̱ tátúníꞌ ley, ya̱ ntu ka̱ꞌ jiáꞌnu‑ó ichi néꞌén sáni níyo iniꞌ‑ó, chisaꞌ jiáꞌnu‑ó sáni kuíni Ta̱chi̱ꞌ Ííꞌ Ndiosíꞌ.

Juan 12:41

Nkachiꞌ Isaías rá tu̱ꞌun yaꞌá, chi nku̱káꞌnú ya̱chi̱ꞌ iniꞌ re̱ꞌ na̱sa kúñáꞌnú nasɨ́kuitɨꞌ Jesús, jee nkachiꞌ ya̱chi̱ꞌ re̱ꞌ jie̱ꞌe̱ꞌ‑e.

Romanos 13:14

Chisaꞌ íyó koo‑ó kuéntáꞌ I̱toꞌoꞌ‑ó Jesús ya̱ kúvi Cristo, jee koto ñúꞌún iniꞌ‑ó ka̱ꞌ saꞌá‑ó máá tiñu niváꞌa ka̱ꞌ ya̱ sáni níyo iniꞌ‑ó jín yɨkɨkúñu kua̱chi‑ó.

Gálatas 6:15

Chi nu̱u̱nꞌ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu ré saꞌá circuncidar‑ó áxí nsáꞌ saꞌá circuncidar‑ó. Soo ya̱ yɨ́yáꞌvi ka̱ꞌ ví ya̱ sáꞌá Ndiosíꞌ ya̱ nújiáá‑ó.

1 Timoteo 1:11

sánikua̱ꞌ káchíꞌ tu̱ꞌun váꞌa Ndiosíꞌ jie̱ꞌe̱ꞌ Cristo, ya̱ kúvi tu̱ꞌun viiꞌ máá ñáꞌnú. Jee na̱ ka̱ꞌ netuꞌ ka̱ꞌ kúvi Ndiosíꞌ. Jee nte̱tíñú re̱ꞌ nuꞌuꞌ, ya̱ stekútu̱ꞌún ni̱ꞌ maa.

Juan 17:22

Jee suni kuéntáꞌ ntaji nú tiñu kúñáꞌnú nu̱u̱nꞌ nuꞌuꞌ, jee suni sukuán njia̱ꞌa ni tiñu kúñáꞌnú nu̱u̱nꞌ ráa kuniso ráa, sáva ɨɨn ni kuvi ráa, kuéntáꞌ maánú jín nuꞌuꞌ.

2 Corintios 3:17

Chi I̱toꞌoꞌ vá ví Ta̱chi̱ꞌ Ííꞌ. Jee nu̱u̱nꞌ íyó Ta̱chi̱ꞌ Ííꞌ I̱toꞌoꞌ‑ó iniꞌ ánímaꞌ ñɨvɨ, jee nákuíñɨꞌ núne ñɨvɨ vá nu̱u̱nꞌ xi̱ntíín ley vá.

1 Juan 3:2

Ránoꞌó ya̱ ñúnúunꞌ ni̱ꞌ, vitan jee se̱ꞌya Ndiosíꞌ kúvi‑ó. Soo ntiáꞌan tu̱vi ná kúvi ya̱ koo maáó tiempúꞌ ichinúúnꞌ. Soo jíníꞌ‑ó ya̱ sáá kitu̱vi Jesús niji re̱ꞌ, jee nuún koo‑ó jín re̱ꞌ kuéntáꞌ íyó maáréꞌ, chi kuniꞌ‑ó re̱ꞌ sánikua̱ꞌ íyó nijia re̱ꞌ.