1 Timoteo 3:3 - Mixteco del suroeste de Tlaxiaco Oaxaca

³ Íyó kuvi re̱ꞌ ɨɨn te̱e ya̱ ntu jíꞌi víꞌí nixiꞌ jee ntu jíni‑i, jín ya̱ ntu núkú‑u tuntíxín, jín ya̱ ntu ñúnúunꞌ re̱ꞌ xu̱ꞌún ya̱ nsáꞌ níꞌínꞌ ninuꞌun, chisaꞌ koo másúꞌ iniꞌ re̱ꞌ, jín ya̱ ntu kántátúꞌun re̱ꞌ, jín ya̱ ntu nóꞌónꞌ ka̱ꞌ iniꞌ re̱ꞌ xu̱ꞌún.

1 Timoteo 3:3 交叉引用

Tito 1:7

Chi te̱e kúñáꞌnú ya̱ kuatíñú Ndiosíꞌ kumí re̱ꞌ rá ñɨvɨ kúneí iniꞌ ráa Cristo, saáva maáréꞌ íyó kuvi re̱ꞌ ɨɨn te̱e: ya̱ ntu kúvi chikua̱chi ñɨvɨ, jín ya̱ ntu jiáni téyɨ́ɨ́ iniꞌ, jín ya̱ ntu xe̱e̱nꞌ iniꞌ, jín ya̱ ntu jíꞌi víꞌí nixiꞌ jee ntu jíni, jín ya̱ ntu núkú tuntíxín, jín ya̱ ntu uꞌvi iniꞌ xu̱ꞌún, ya̱ ntu níꞌinꞌ ninuꞌun vá.

Tito 3:2

jín ya̱ nkákuíyuꞌú ráa jie̱ꞌe̱ꞌ ni ɨɨn ñɨvɨ, jín ya̱ nkántátúꞌún ráa, chisaꞌ koo ñunkúún iniꞌ ráa, jín ya̱ koo másúꞌ iniꞌ ráa jín nɨꞌɨ ñɨvɨ.

Efesios 5:18

Jee koto jíꞌi rán nixiꞌ ne̱ ku̱ni rán, ya̱ stívɨ́ rán maárán. Chisaꞌ kukánáa iniꞌ ánímaꞌ rán kɨꞌɨ chitú Ta̱chi̱ꞌ Ííꞌ Ndiosíꞌ ya̱ kuneí‑i kunaka‑a ránoꞌó.

1 Timoteo 3:8

Suni sukuán, rá te̱e ya̱ nééꞌ si̱kɨ̱ꞌ ráa ya̱ chíneí ráa rá ñɨvɨ kúneí iniꞌ rává Cristo, íyó kuvi ráa te̱e jiáꞌnu ñáꞌnú, jee íyó kuvi ráa te̱e saɨn iniꞌ jín ya̱ nsú máá tiñu jíꞌi sáꞌá ráa, jín ya̱ nkóo uꞌvi iniꞌ ráa ya̱ nku̱núunꞌ ráa xu̱ꞌún ya̱ nsáꞌ níꞌínꞌ ninuꞌun.

Santiago 4:1

¿Né nú va̱ji rá tuntíxín jín rá kántátúꞌun rán nteñu rán? ¿Á nsáꞌ va̱ji rá tuntíxín ne̱ ya̱ níyo iniꞌ rán ví ya̱ súkúnꞌ ta̱ꞌán iniꞌ ánímaꞌ rán rúja?

1 Pedro 5:2

Saáva kumí váꞌa rán rá ñɨvɨ ya̱ kúvi ráa kuéntáꞌ lanchi Ndiosíꞌ ya̱ néen kuéntáꞌ rán ráa, jee nsú ɨɨn kuéntáꞌ tétuvi ví ya̱ saꞌá rán maa, chisaꞌ ne̱ koo iniꞌ rán saꞌá rán maa sáni kuíni Ndiosíꞌ, jee nsú jie̱ꞌe̱ꞌ ya̱ koo u̱ꞌvi̱ꞌ iniꞌ rán ni̱ꞌi̱nꞌ rán xu̱ꞌún saꞌá rán maa, chisaꞌ ne̱ kuꞌun káñá iniꞌ rán saꞌá rán maa.

Hebreos 13:5

Koto jiáꞌnu rán ñujiínꞌ kunu̱u̱nꞌ rán xu̱ꞌún, soo kuva̱ꞌa iniꞌ rán jín ya̱ kúmí rán, chi káchíꞌ Ndiosíꞌ: Ni nsáꞌ xinóo ni̱ꞌ noꞌó. Jee ni nsáꞌ keꞌen ni̱ꞌ xinóo maáníꞌ noꞌó.

Tito 2:3

Jee suni sukuán xinéꞌénꞌ nú rá ñaꞌan ñáꞌnú, ya̱ kaka na̱a̱ꞌ ráña, ya̱ kɨtíñú ráña nu̱u̱nꞌ Ndiosíꞌ, jín ya̱ nkákuíyuꞌú ráña, jín ya̱ nsú máá tiñu jíꞌi sáꞌá ráña, jín ya̱ xinéꞌénꞌ ráña ya̱ váꞌa,

Apoclipsis 1:9

Nuꞌuꞌ Juan, ya̱ kúvi ni̱ꞌ ñanitáꞌán‑órán. Jee jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, ɨɨn nuún ni nkáá nóꞌo ni̱ꞌ jín ránoꞌó tu̱nóꞌó sáꞌá kíni ñɨvɨ yó, jee ɨɨn nuún ni nkáá yɨ́ꞌɨ́ ni̱ꞌ jín rán xi̱ntíín Ndiosíꞌ, jee ɨɨn nuún ni nkáá káꞌnú íyó iniꞌ‑ó kúneí‑ó kúníꞌin‑ó íñɨ́‑ó jín Cristo. Jee jie̱ꞌe̱ꞌ ya̱ stékútu̱ꞌún ni̱ꞌ tu̱ꞌun váꞌa Ndiosíꞌ jín tu̱ꞌun ya̱ kúvi ya̱ naáꞌ ya̱ njiáꞌa Jesús, jee saáva ntɨɨn rá ñɨvɨ nuꞌuꞌ yɨ́ꞌɨ́ ni̱ꞌ xi̱ntíín ráa, jee ña̱na̱ka ráa nuꞌuꞌ ne̱ nu̱u̱nꞌ ɨɨn ñuꞌun naní Patmos ya̱ káá sɨ́ɨ́n ma̱ꞌñú nteñúꞌún.

Judas 1:11

Na̱ ka̱ꞌ xe̱e̱nꞌ kunoꞌo ráa ka̱ꞌ, chi chínikɨnꞌ ráa ichi ñujiínꞌ sánikua̱ꞌ nsa̱ꞌá Caín yanaꞌán. Jee ñúꞌún káñá iniꞌ ráa chínikɨnꞌ ráa ichi ñujiínꞌ xínáꞌví sánikua̱ꞌ nsa̱ꞌá Balaam yanaꞌán chi xínéꞌénꞌ ráa tu̱ntúꞌún sáva ni̱ꞌi̱nꞌ ráa xu̱ꞌún. Jee kɨ̱naanꞌ ráa sánikua̱ꞌ nnoꞌo Coré jín rá táꞌán re̱ꞌ yanaꞌán, chi ni̱ꞌi̱ꞌ ráa jie̱ꞌe̱ꞌ ya̱ nkuni̱ꞌin iniꞌ ráa nu̱u̱nꞌ Tu̱ꞌun Ndiosíꞌ ya̱ njiáꞌa re̱ꞌ nu̱u̱nꞌ Moisés.

2 Pedro 2:3

Jee jie̱ꞌe̱ꞌ ya̱ uꞌvi iniꞌ ráa jee jíchíꞌ ráa ránoꞌó jín rá tu̱ꞌun túꞌún kéne xi̱ni̱ꞌ ráa ya̱ xínéꞌénꞌ ráa. Jee ne̱ yanaꞌán víꞌí ya̱ íyó stákoo ya̱ sijíta Ndiosíꞌ ráa jee kɨ̱naanꞌ nijia ráa.

Tito 1:11

Íyó kasɨꞌ‑ó yuꞌú rá ñɨvɨ ya̱ sáꞌá suꞌva, chi stívɨ́ ráa nɨꞌɨ ñɨvɨ sava rá veꞌi. Chi xínéꞌénꞌ ráa tu̱ꞌun ya̱ ntu íyó xinéꞌénꞌ ráa, sáva ni̱ꞌi̱nꞌ ráa xu̱ꞌún, ya̱ nsáꞌ ninuꞌun níꞌínꞌ ráa maa.

1 Tesalonicenses 5:14

Jee ntañúꞌún ránoꞌó ñanitáꞌán, náxiníꞌvɨ́ꞌ ráníꞌ iniꞌ ránoꞌó ya̱: nachúꞌún rán ichi rá ñɨvɨ kúxí, ya̱ ntu kúníꞌ ráa satíñú ráa. Jee nasáneí rán iniꞌ rá ñɨvɨ núun iniꞌ. Jee nasásɨ́ɨꞌ rán iniꞌ rá ñɨvɨ ntu neí iniꞌ. Jee koo káꞌnú iniꞌ rán jín nɨꞌɨ rá ñɨvɨ.

Romanos 16:18

Chi rá ñɨvɨ sáꞌá sukuán jee ntu yɨ́tíñú ráa nu̱u̱nꞌ I̱toꞌoꞌ‑ó Cristo, chisaꞌ chíñúꞌún ráa chi̱ji maáráa. Jee ne̱ jiákɨ́nꞌ ráa tu̱ꞌun káꞌánꞌ ráa jín tu̱ꞌun yɨ́ñúꞌún káꞌánꞌ ráa, jee sukuán xínáꞌví ráa ánímaꞌ rá ñɨvɨ ya̱ ntiáꞌan kujia iniꞌ rává Tu̱ꞌun Ndiosíꞌ.

Hechos 20:33

’Ntu nkuíni ni̱ꞌ ni xu̱ꞌún plata ni xu̱ꞌún oro ni saꞌma ni ɨɨn ñɨvɨ.

Mateo 21:13

Jee nkachiꞌ re̱ꞌ nu̱u̱nꞌ ráa: ―Nu̱u̱nꞌ Tutuꞌ níso Tu̱ꞌun Ndiosíꞌ káchíꞌ ya̱: “Veꞌi ni̱ꞌ kuna̱ní veꞌi nu̱u̱nꞌ káꞌánꞌ ñɨvɨ jín ni̱ꞌ”, soo ránoꞌó chi nsa̱ꞌá rán maa kava rá kui̱ꞌná ―nkachiꞌ Jesús.

2 Timoteo 3:2

Chi koo ya̱ kunu̱u̱nꞌ rá ñɨvɨ maáráa ni, jín ya̱ kunu̱u̱nꞌ ráa xu̱ꞌún, jín ya̱ kaꞌanꞌ téyɨ́ɨ́ ráa, jín ya̱ kani vi̱xi̱ꞌ iniꞌ ráa, jín ya̱ tenu̱u̱nꞌ ráa si̱kɨ̱ꞌ ñɨvɨ jín si̱kɨ̱ꞌ Ndiosíꞌ, jín ya̱ kujiááꞌ iniꞌ ráa nu̱u̱nꞌ tátáꞌ ráa jín nu̱u̱nꞌ nánáꞌ ráa, jín ya̱ ni nsáꞌ koo ya̱ kútaꞌviꞌ nu̱u̱nꞌ ráa, jín ya̱ ni nkóo ya̱ ñáꞌnú nu̱u̱nꞌ ráa nu̱u̱nꞌ Ndiosíꞌ,