1 Timoteo 1:6 - Mixteco del suroeste de Tlaxiaco Oaxaca

⁶ Soo sava ñɨvɨ nnu̱sɨ́ɨ́n ráa nu̱u̱nꞌ ichi íyó suꞌva, jee ntɨɨn ráa inka ichi, ya̱ nékáíyó káꞌánꞌ sɨ̱ɨ̱ꞌ ni.

1 Timoteo 1:6 交叉引用

Tito 1:10

Chi íyó kue̱ꞌe̱ꞌ rá ñɨvɨ kújiááꞌ iniꞌ, jín ya̱ káꞌánꞌ ka̱ꞌá, jín ya̱ xínáꞌví. Jee suꞌva víꞌí ka̱ꞌ sáꞌá rá ñɨvɨ ya̱ xínéꞌénꞌ ráa ya̱ íyó kɨꞌɨ‑ó ñujiínꞌ ñɨvɨ Israel jín ya̱ íyó saꞌá‑ó costumbre rá ñɨvɨ ñuunꞌ Israel, ya̱ káchíꞌ‑ó circuncidar.

Tito 3:9

Soo chusává nú nu̱u̱nꞌ tu̱ꞌun naanꞌ jie̱ꞌe̱ꞌ kántátúꞌun ñɨvɨ, jín nu̱u̱nꞌ tu̱ꞌun káꞌánꞌ jie̱ꞌe̱ꞌ na̱sa va̱ji rá jííꞌ‑ó yanaꞌán, jín nu̱u̱nꞌ tuntíxín, jín nu̱u̱nꞌ kántátúꞌun ñɨvɨ jie̱ꞌe̱ꞌ tu̱ꞌun ley njia̱ꞌa Ndiosíꞌ nu̱u̱nꞌ Israel, chi ntu íyótiñu rá tu̱ꞌun vá, chi tu̱ꞌun saɨn ni ví.

1 Timoteo 5:15

Chi sava rá ñaꞌan náꞌví nku̱sɨ́ɨ́n ráa nu̱u̱nꞌ ichi Cristo, jee sáꞌá ráa sáni kuíni kui̱ꞌna̱ꞌ kúñáꞌnú naní Satanás.

2 Timoteo 4:10

Chi Demas nxi̱nóo nuꞌuꞌ, chi ñúnúunꞌ re̱ꞌ ka̱ꞌ rá íyó ñɨ̱vɨ́ yaꞌá, jee kua̱ꞌa̱nꞌ re̱ꞌ ne̱ ñuunꞌ Tesalónica. Jee Crescente kua̱ꞌa̱nꞌ ñuunꞌ Galacia. Jee Tito kua̱ꞌa̱nꞌ ñuunꞌ Dalmacia.

2 Timoteo 2:18

Chi nku̱sɨ́ɨ́n ráa nu̱u̱nꞌ ya̱ nááꞌ, jee káchíꞌ ráa ya̱ ya njia̱ꞌa ya̱ nna̱tekuꞌ i̱i̱ꞌ rá ni̱yɨ jee ya nna̱noto rá ñunéꞌyúꞌ rává, jee suꞌva síjíta ráa ya̱ kúneí iniꞌ sava rá ñɨvɨ Cristo.

Mateo 18:12

’Ránoꞌó, ¿ná káꞌvi iniꞌ rán? Retú kúmí ɨɨn te̱e ɨɨn sientúꞌ rá lanchi, jee sukuíta ɨɨn ti̱ꞌ maátíꞌ, ¿á ntu su xinóo re̱ꞌ ni kúmíxiko xa̱ꞌu̱nꞌ ku̱mi̱ꞌ (99) ka̱ꞌ rá lanchi vá yuku, jee kɨ̱nanukú re̱ꞌ lanchi ya̱ nsu̱kuíta vá maáa rúja?