1 Pedro 4:18 - Mixteco del suroeste de Tlaxiaco Oaxaca

¹⁸ Retú kunoꞌo ñɨvɨ na̱a̱ꞌ tu̱nóꞌó ne̱ nanitáꞌvíꞌ ráa, ¿jee na̱ja ka̱ꞌ vá kuvi jee ka̱ku rá ñɨvɨ ntu níkɨ́nꞌ ráa Ndiosíꞌ jín ñɨvɨ yɨ́ꞌɨ́ nu̱u̱nꞌ kua̱chi rúja?

1 Pedro 4:18 交叉引用

Lucas 23:31

Chi retú sáꞌá ráa rá tiñu yaꞌá jín nuꞌuꞌ tiempúꞌ váꞌa ya̱ kúvi kuéntáꞌ tiempúꞌ ya̱ yúté yutun, saájee tiempúꞌ niváꞌa ichinúúnꞌ ka̱ꞌ kuéntáꞌ yutun nachi, ¿ná kúvi ya̱ saꞌá ráa rúja?

Judas 1:15

sáva sanáaꞌ re̱ꞌ jie̱ꞌe̱ꞌ ntáká rá ñɨvɨ, jee sijíta re̱ꞌ ntáká rá ñɨvɨ kánéꞌén ya̱ ntu yɨ́ꞌɨ́ ráa nu̱u̱nꞌ Ndiosíꞌ kɨ̱naanꞌ ráa, jie̱ꞌe̱ꞌ ntáká tiñu niváꞌa sáꞌá ráa ya̱ ntu jíka ráa ichi sáni kuíni Ndiosíꞌ. Jee sanáaꞌ re̱ꞌ si̱kɨ̱ꞌ rá ñɨvɨ kua̱chi jie̱ꞌe̱ꞌ rá tu̱ꞌun káꞌánꞌ niva̱ꞌa ráa si̱kɨ̱ꞌ re̱ꞌ”, nkachiꞌ Enoc.

1 Corintios 10:12

Jee saáva ɨɨn ñɨvɨ ya̱ jiáni iniꞌ‑i ya̱ íñɨ́ ni̱ꞌin‑i jín tu̱ꞌun I̱toꞌoꞌ‑ó, soo kumí‑i maáa nsuñájee kininkava‑a nu̱u̱nꞌ kua̱chi.

Romanos 1:18

Chi nstúvi Ndiosíꞌ nu̱u̱nꞌ‑ó ya̱ kítɨ́ꞌ iniꞌ re̱ꞌ jee va̱ji ne̱ antivɨ́ ya̱ xinóꞌo re̱ꞌ ntáká ñɨvɨ ntu sáꞌá ñáꞌnú ráa nu̱u̱nꞌ re̱ꞌ jín ya̱ ntu kínóo na̱a̱ꞌ ráa nu̱u̱nꞌ Ndiosíꞌ. Chi jín rá tiñu niva̱ꞌa sáꞌá ráa jiáxin ráa tu̱ꞌun na̱a̱ꞌ re̱ꞌ.

Hechos 14:22

Yukuán, nna̱chituvi ráa ánímaꞌ rá ñɨvɨ yɨ́ꞌɨ́ nu̱u̱nꞌ Jesús. Nna̱xiníꞌvɨ́ꞌ ráa iniꞌ rává kuni̱ꞌin rává kúneí iniꞌ rává Jesús. Nkachiꞌ ráa: ―Kue̱ꞌe̱ꞌ tu̱nóꞌó nínísaá kunoꞌo‑ó jee ki̱vɨ‑ó nu̱u̱nꞌ tátúníꞌ Ndiosíꞌ.

2 Pedro 3:7

Soo súkún jín ñɨ̱vɨ́ íyó vitan, jee jín máá tu̱ꞌun yuꞌuꞌ Ndiosíꞌ ya̱ ya íyó tu̱ꞌva tatúníꞌ re̱ꞌ sáva ka̱yu̱ꞌ ráa ki̱vɨ̱ꞌ sanáaꞌ re̱ꞌ kua̱chi jee xináánꞌ re̱ꞌ rá ñɨvɨ ya̱ ntu níkɨ́nꞌ ráa ichi Ndiosíꞌ.

1 Pedro 5:8

Jee kuꞌun ñáꞌnú iniꞌ rán nito koo rán, chi kui̱ꞌna̱ꞌ kúñáꞌnú ya̱ túfíꞌ ta̱ꞌán re̱ꞌ jín ránoꞌó, jíkanuun re̱ꞌ kuéntáꞌ ɨɨn nikaꞌa ya̱ ne̱ nɨ́ꞌɨn sáxéenꞌ ti̱ꞌ núkú ti̱ꞌ kajiꞌ ti̱ꞌ chi núkú re̱ꞌ ɨɨn ñɨvɨ sáva xináánꞌ re̱ꞌ maa.

Romanos 5:8

Soo stúvi Ndiosíꞌ ya̱ ñúnúunꞌ re̱ꞌ yó, chi ni̱ꞌi̱ꞌ Cristo jie̱ꞌe̱ꞌ‑órán ne̱ sáá kúvi i̱i̱ꞌ‑ó ñɨvɨ kua̱chi.

Hebreos 4:1

Jee saáva, vitan íyó‑ó ka̱ꞌ jín tu̱ꞌun ya̱ nchi̱sóyuꞌú Ndiosíꞌ ya̱ ni̱ꞌi̱nꞌ‑ó ki̱vɨ‑ó naꞌá re̱ꞌ nu̱u̱nꞌ ni̱ꞌi̱nꞌ‑ó najia̱ví‑ó saꞌá re̱ꞌ. Jee íyó kuꞌun yúꞌví iniꞌ rán kumí rán maárán sáva nkóo ni ɨɨn rán ya̱ sanáaꞌ Ndiosíꞌ jie̱ꞌe̱ꞌ ñɨvɨ vá ya̱ nsáꞌ ni̱ꞌi̱nꞌ‑i ki̱vɨ‑ɨ nu̱u̱nꞌ najia̱ví‑i saꞌá re̱ꞌ.

Romanos 5:6

Chi ne̱ sáá táyáꞌ iniꞌ‑ó ntu̱náꞌ kúvi saꞌá‑ó sáva kino̱o na̱a̱ꞌ‑ó nu̱u̱nꞌ Ndiosíꞌ, jee maá tiempúꞌ ñani Ndiosíꞌ ni̱ꞌi̱ꞌ Cristo jie̱ꞌe̱ꞌ rá ñɨvɨ ntu ntɨ́ɨn kuéntáꞌ ráa Ndiosíꞌ.

Génesis 13:13

Jee rá ñɨvɨ Sodoma nkuvi ráa ñɨvɨ kánéꞌén, jee sáꞌá nasɨ́kuitɨꞌ ráa kua̱chi nu̱u̱nꞌ I̱toꞌoꞌ‑ó.

Hechos 27:24

Jee nkachiꞌ‑i: “Pablo. Koto yúꞌví nú. Chi íyó kuiñɨ nú ichinúúnꞌ te̱e tátúníꞌ ñuunꞌ Roma. Jee suni kunima̱ni̱ꞌ Ndiosíꞌ, ya̱ sikáku re̱ꞌ nɨꞌɨ rá kútáꞌán jín nú iniꞌ barkúꞌ.”

Lucas 15:1

Saájee ntáká rá te̱e nákeꞌen xu̱ꞌún náneeꞌ vetíñú Roma jín rá ñɨvɨ ya̱ sáꞌá kua̱chi nákuyatin ráa nu̱u̱nꞌ Jesús sáva teso̱ꞌo ráa rá tu̱ꞌun káchíꞌ re̱ꞌ.

Hechos 27:31

Jee nkachiꞌ Pablo nu̱u̱nꞌ capitán jín nu̱u̱nꞌ rá soldado: ―Ré nki̱nóo rá te̱e yaꞌá iniꞌ barkúꞌ, jee nkúvi ka̱ku rán.

1 Timoteo 1:9

Íyó tɨɨn kuéntáꞌ‑ó, ya̱ nsú jie̱ꞌe̱ꞌ ñɨvɨ na̱a̱ꞌ ví ya̱ njia̱ꞌa Ndiosíꞌ tu̱ꞌun ley nta̱túníꞌ re̱ꞌ. Chisaꞌ njia̱ꞌa re̱ꞌ maa jie̱ꞌe̱ꞌ ñɨvɨ ntu káníjiá ley jín nu̱u̱nꞌ ñɨvɨ kújiááꞌ iniꞌ, jín nu̱u̱nꞌ ñɨvɨ ntu̱ví íyó Ndiosíꞌ nu̱u̱nꞌ ráa, jee sáꞌá ráa kua̱chi, jín nu̱u̱nꞌ ñɨvɨ ntu̱ví íyó ya̱ ñáꞌnú nu̱u̱nꞌ ráa nu̱u̱nꞌ Ndiosíꞌ, jee kúíchi iniꞌ ráa re̱ꞌ, jín nu̱u̱nꞌ ñɨvɨ ya̱ jiáꞌníꞌ ráa tátáꞌ ráa, jín nánáꞌ ráa, jín inka ñɨvɨ,

Santiago 5:6

Ránoꞌó nsi̱jíta rán ñɨvɨ na̱a̱ꞌ jee ñaꞌniꞌ rán ráa, sú ntu núníꞌin ráa nu̱u̱nꞌ ránoꞌó.