1 Corintios 9:16 - Mixteco del suroeste de Tlaxiaco Oaxaca

¹⁶ Soo sáá stékútu̱ꞌún ni̱ꞌ tu̱ꞌun váꞌa jie̱ꞌe̱ꞌ Jesús, jee ntu̱ví íyó kutéyɨ́ɨ́ ni̱ꞌ jie̱ꞌe̱ꞌ ya̱ sáꞌá ni̱ꞌ maa, chi jie̱ꞌe̱ꞌ nika̱ꞌ ya̱ nte̱tuvi Ndiosíꞌ nuꞌuꞌ ya̱ saá íyó saꞌá ni̱ꞌ maa, saájee na̱ ka̱ꞌ náꞌví ni̱ꞌ retú ntu̱ví stékútu̱ꞌún ni̱ꞌ tu̱ꞌun váꞌa re̱ꞌ.

1 Corintios 9:16 交叉引用

Romanos 1:14

Chi táyáꞌvi ni̱ꞌ tiñu ku̱ꞌva ni̱ꞌ tu̱ꞌun Jesús nu̱u̱nꞌ ntáká rá ñɨvɨ, nu̱u̱nꞌ rá ñɨvɨ káꞌánꞌ tu̱ꞌun griego jín nu̱u̱nꞌ rá ñɨvɨ ya̱ ntu káꞌánꞌ griego, nu̱u̱nꞌ rá ñɨvɨ tu̱ꞌva jín nu̱u̱nꞌ rá ñɨvɨ ntu túꞌva.

Colosenses 4:17

Jee kachiꞌ rán xá nu̱u̱nꞌ Arquipo: “Ya̱ kuniꞌvɨꞌ iniꞌ nú nu̱u̱nꞌ tiñu nni̱ꞌi̱nꞌ nú saꞌá nú nu̱u̱nꞌ I̱toꞌoꞌ‑ó, sáva sikúnkuvi nú maa.”

Lucas 9:62

Soo nkachiꞌ Jesús nu̱u̱nꞌ‑u: ―Ɨɨn ñɨvɨ ya̱ kuíni‑i kunikɨnꞌ‑ɨ nuꞌuꞌ, soo retú nákúne̱ꞌyá‑a ichi yátá‑a nánikó iniꞌ‑i, saájee kúvi‑i kuéntáꞌ ɨɨn te̱e ya̱ retú nka̱jiéꞌé‑e ntɨɨn‑ɨ yutun xiníkɨꞌ jiáꞌa yukunꞌ, jee nákune̱ꞌyá yátá‑a ya̱ta̱ꞌ‑a, chi níkó iniꞌ‑i. Saájee ni ɨɨn ñɨvɨ ya̱ íyó suꞌva ntu íyótiñu ñɨvɨ vá sáva satíñú‑u nu̱u̱nꞌ Ndiosíꞌ jie̱ꞌe̱ꞌ tiñu tátúníꞌ re̱ꞌ.

Hechos 4:20

Soo ntu kúvi sikɨ́kui̱ñɨ̱ꞌ ráníꞌ kachiꞌ ránꞌ jie̱ꞌe̱ꞌ rá niniꞌ ránꞌ jín rá nteso̱ꞌo ránꞌ ―nkachiꞌ Pedro jín Juan.

Romanos 15:17

Saáva jie̱ꞌe̱ꞌ yɨ́ꞌɨ́ ni̱ꞌ nu̱u̱nꞌ Cristo Jesús jee káꞌánꞌ téyɨ́ɨ́ ni̱ꞌ jie̱ꞌe̱ꞌ ya̱ nsa̱ꞌá Ndiosíꞌ jín ni̱ꞌ.

Hechos 9:15

Soo nkachiꞌ I̱toꞌoꞌ‑ó nu̱u̱nꞌ re̱ꞌ: ―Kuáꞌán. Chi kúvi re̱ꞌ te̱e nka̱ji ni̱ꞌ sáva kuatíñú ni̱ꞌ maa, sáva kɨ̱ꞌɨ̱nꞌ re̱ꞌ jín tu̱ꞌun jie̱ꞌe̱ꞌ ni̱ꞌ nu̱u̱nꞌ rá ñɨvɨ ntu kúvi Israel, jín nu̱u̱nꞌ rá te̱e ya̱ tátúníꞌ nu̱u̱nꞌ rá ñuunꞌ, jín nu̱u̱nꞌ rá se̱ꞌya tataꞌ ñɨvɨ Israel.

Hechos 9:6

Nkisɨ Saulo máá ñúyúꞌví iniꞌ re̱ꞌ, jee nkachiꞌ re̱ꞌ: ―I̱toꞌoꞌ ni̱ꞌ, ¿ná kúvi ya̱ kuíni nú ya̱ saꞌá ni̱ꞌ? Jee I̱toꞌoꞌ‑ó nkachiꞌ: ―Nako̱o jee ki̱vɨ ñuunꞌ vá. Jee yukuán kachiꞌ ɨɨn ñɨvɨ ná kúvi ya̱ íyó saꞌá nú.

Romanos 4:2

Chi retú nstúvi Abraham ya̱ nkino̱o na̱a̱ꞌ re̱ꞌ jie̱ꞌe̱ꞌ tiñu nsa̱ꞌá re̱ꞌ, jee íyó jie̱ꞌe̱ꞌ ya̱ kuvi kaꞌanꞌ téyɨ́ɨ́ re̱ꞌ, soo ntu̱ví nu̱u̱nꞌ Ndiosíꞌ.

1 Corintios 4:15

Chi súnika̱ꞌ koo ne̱ u̱ji̱ꞌ mil (10,000) te̱e ya̱ xínéꞌénꞌ tu̱ꞌun váꞌa Cristo nu̱u̱nꞌ ránoꞌó, soo nsáꞌ kue̱ꞌe̱ꞌ tátáꞌ rán íyó, chi kúvi ni̱ꞌ tátáꞌ rán ya̱ yɨ́ꞌɨ́ rán nu̱u̱nꞌ Cristo chi nuꞌuꞌ ví ya̱ nna̱kani ni̱ꞌ tu̱ꞌun váꞌa Jesús nu̱u̱nꞌ ránoꞌó jee nka̱níjiá rán ni̱nu̱ꞌ iniꞌ rán tu̱ꞌun vá jee sukuán nna̱kaku jiáá rán nsa̱ꞌá ni̱ꞌ.

1 Corintios 9:12

Jee retú íyó inka ñɨvɨ ya̱ íyó ni̱ꞌi̱nꞌ ráa nu̱u̱nꞌ rán ya̱ kutekuꞌ ráa jie̱ꞌe̱ꞌ xínéꞌénꞌ ráa ránoꞌó, saájee saꞌ víꞌí ka̱ꞌ íyó ni̱ꞌi̱nꞌ ráníꞌ nu̱u̱nꞌ ránoꞌó ya̱ kutekuꞌ ránꞌ résa. Soo ntu níkánꞌ ráníꞌ ya̱ taji ránú nu̱u̱nꞌ ránuꞌuꞌ ya̱ íyó ni̱ꞌi̱nꞌ ráníꞌ, chisaꞌ jiéꞌnéꞌ iniꞌ ránꞌ nɨꞌɨ, sáva ntu kasɨꞌ ránꞌ sikúténuun ránꞌ ka̱ꞌ tu̱ꞌun váꞌa jie̱ꞌe̱ꞌ Cristo.

1 Corintios 9:14

Jee suni sukuán nta̱túníꞌ maá I̱toꞌoꞌ‑ó ya̱ rá te̱e ya̱ nákani tu̱ꞌun váꞌa jie̱ꞌe̱ꞌ Cristo, jee íyó ni̱ꞌi̱nꞌ ráa rá kutekuꞌ ráa nu̱u̱nꞌ tiñu sáꞌá ráa vá.

2 Corintios 2:12

Jee sáá nkenta ni̱ꞌ nu̱u̱nꞌ ñuunꞌ Troas, sáva stekútu̱ꞌún ni̱ꞌ tu̱ꞌun váꞌa jie̱ꞌe̱ꞌ I̱toꞌoꞌ‑ó Cristo, jee nsine re̱ꞌ ichi nu̱u̱nꞌ ni̱ꞌ sáva kachitu̱ꞌún ni̱ꞌ tu̱ꞌun re̱ꞌ yukuán.

Mateo 25:16

Jee musúꞌ ya̱ nni̱ꞌi̱nꞌ u̱ꞌu̱nꞌ kustáꞌ xu̱ꞌún ka̱a vá, kuísá ña̱satíñú‑u jín xu̱ꞌún vá, jee nku̱neí‑i ni̱ꞌi̱nꞌ‑i u̱ꞌu̱nꞌ ka̱ꞌ kustáꞌ si̱kɨ̱ꞌ xu̱ꞌún vá.