1 Corintios 6:18 - Mixteco del suroeste de Tlaxiaco Oaxaca

¹⁸ Jee saáva kunu rán siíyo rán maárán nu̱u̱nꞌ rá tiñu téní kúsíkɨ́ iniꞌ rán. Ntáká rá inka kua̱chi ya̱ sáꞌá ñɨvɨ, jee ntu saꞌá‑a kua̱chi si̱kɨ̱ꞌ yɨkɨkúñu‑u. Soo ñɨvɨ ya̱ kúsíkɨ́ iniꞌ‑i tiñu téní jín ñɨvɨ ya̱ ntu̱ví ntánáꞌá jín‑i, jee yukuán kúvi ya̱ sáꞌá‑a kua̱chi si̱kɨ̱ꞌ yɨkɨkúñu‑u.

1 Corintios 6:18 交叉引用

1 Pedro 2:11

Ránoꞌó ñanitáꞌán ya̱ ñúnúunꞌ ni̱ꞌ, náxiníꞌvɨ́ꞌ ni̱ꞌ iniꞌ rán ya̱ koo rán kuéntáꞌ kua̱ꞌ retánꞌ kúvi rán to̱ꞌo̱ꞌ inka ñuunꞌ ya̱ váji íká rán jee ntu jiáꞌnu rán kuéntáꞌ jiáꞌnu rá ñɨvɨ ñɨ̱vɨ́ yaꞌá, jee saáva chusává rán rá tiñu ya̱ níyo iniꞌ rán saꞌá rán ya̱ ntu yɨ́ꞌɨ́ xi̱ntíín Ndiosíꞌ chi súkúta̱ꞌán‑a jín ánímaꞌ rán.

1 Tesalonicenses 4:3

Chi kuíni Ndiosíꞌ ya̱ kusɨ́ɨ́n ránú ya̱ nkɨ́ꞌɨ rán nu̱u̱nꞌ tiñu níváꞌa, ya̱ koto núnéꞌén rán jín inka ñɨvɨ ya̱ ntu ntánáꞌá‑a jín nú.

Colosenses 3:5

Saáva xinóo rán ya̱ níyo iniꞌ rá ñɨvɨ ñɨ̱vɨ́ yaꞌá sáꞌá ráa, ya̱ ntu yɨ́ꞌɨ́ ráa xi̱ntíín Ndiosíꞌ, kuéntáꞌ ñaꞌniꞌ rán ya̱ níyo néꞌén iniꞌ rán, ya̱ íyó suꞌva: koto kúsíkɨ́ iniꞌ rán, koto sáꞌá néꞌí rán, koto ñúꞌún téní iniꞌ rán, koto níyo néꞌén iniꞌ rán, koto sáꞌá úꞌvi iniꞌ rán, ya̱ nuún kúvi‑i jín ya̱ néñu̱ꞌun rán nantíñú ya̱ nsú Ndiosíꞌ ví‑i.

2 Timoteo 2:22

Kunu nú chusává maánú nu̱u̱nꞌ ya̱ níyo iniꞌ nú ya̱ sɨ̱ɨ̱ꞌ iniꞌ ɨɨn te̱e súchí. Jee kunikɨnꞌ nú ichi ya̱ kino̱o na̱a̱ꞌ nú nu̱u̱nꞌ Ndiosíꞌ, ya̱ tu̱ꞌun kuneí iniꞌ nú Cristo, ya̱ tu̱ꞌun kunu̱u̱nꞌ nú Ndiosíꞌ jín ñɨvɨ, jín ya̱ tu̱ꞌun kuneeꞌ ñunkúún nú jín táꞌán nú. Jee saꞌá nú suꞌva jín rá ñɨvɨ ya̱ ni̱ka̱nꞌ táꞌvíꞌ ráa jín ánímaꞌ noo nu̱u̱nꞌ Cristo, ya̱ kuvi re̱ꞌ I̱toꞌoꞌ ráa.

Hebreos 13:4

Jee koo ya̱ ñáꞌnú nu̱u̱nꞌ ntáká rán tu̱ꞌun tánáꞌá ñɨvɨ, jee kueꞌnu ninuꞌun rán jín ñɨvɨ nta̱na̱ꞌá jín rán. Chi maá Ndiosíꞌ sanáaꞌ kua̱chi rá ñɨvɨ ya̱ kúkuáchi ráa jín nsú ñɨvɨ nta̱na̱ꞌá jín ráa, jín suni rá ñɨvɨ yɨ́ꞌɨ́ tiñu téní.

Efesios 5:3

Soo koto sáꞌá rán ni koto káꞌánꞌ rán jie̱ꞌe̱ꞌ tiñu sáꞌá téní ni ɨɨn rán, ni ya̱ sáꞌá ni ɨɨn rán ntáká nu̱u̱nꞌ tiñu ya̱ ntu̱ví íyó ninuꞌun, ni tiñu ya̱ saꞌá uꞌvi iniꞌ ni ɨɨn rán, sáva ni ɨɨn ñɨvɨ ntu̱náꞌ kúvi kachiꞌ ráa ya̱ sáꞌá rán maa. Chi ntu íyó saꞌá ránoꞌó sukuán ya̱ nsa̱ꞌá sɨ́ɨ́n Ndiosíꞌ ránoꞌó ya̱ nkɨ́ꞌɨ rán ka̱ꞌ nu̱u̱nꞌ ya̱ niváꞌa.

1 Corintios 6:9

¿Á ntu̱ví jíníꞌ rán ya̱ rá ñɨvɨ ya̱ ntu̱ví kínóo na̱a̱ꞌ ráa nu̱u̱nꞌ Ndiosíꞌ, jee nsáꞌ ni̱ꞌi̱nꞌ ráa ta̱ꞌvi̱ꞌ ya̱ ki̱vɨ ráa xi̱ntíín Ndiosíꞌ tátúníꞌ re̱ꞌ nu̱u̱nꞌ ráa rúja? Jee koto xínáꞌví rán maárán, chi ni rá ñɨvɨ ya̱ kúsíkɨ́ iniꞌ ráa jín tiñu téní jín inka ñɨvɨ ya̱ ntu̱ví ntánáꞌá jín ráa, ni rá ñɨvɨ ya̱ néñu̱ꞌun ráa rá nantíñú ya̱ nsú Ndiosíꞌ tékúꞌ ví‑i, ni rá ñɨvɨ sáꞌá téní, ni rá te̱e xíkó ráa maáráa kúsíkɨ́ ráa jín rá táꞌán te̱e ráa, ni rá ñɨvɨ ya̱ kívɨ ráa ñujiínꞌ xeꞌne,

2 Corintios 12:21

Ñúꞌún yúꞌví iniꞌ ni̱ꞌ ya̱ sáá tukuni kua̱jiaaꞌ ni̱ꞌ nu̱u̱nꞌ ránoꞌó jee sa̱naanꞌ ku̱ꞌva Ndiosíꞌ tu̱ꞌun kánuun nuꞌuꞌ jie̱ꞌe̱ꞌ ya̱ sáꞌá rán. Jee jiaku iniꞌ ni̱ꞌ jie̱ꞌe̱ꞌ kue̱ꞌe̱ꞌ ránoꞌó, ya̱ ya nsa̱ꞌá ráa kua̱chi jee ntu nni̱kó iniꞌ ráa jie̱ꞌe̱ꞌ ya̱ ntu nsa̱ꞌá ninuꞌun ráa, jín jie̱ꞌe̱ꞌ nkusi̱kɨ́ ráa maáráa, jín jie̱ꞌe̱ꞌ ya̱ kánéꞌí nsa̱ꞌá ráa.

1 Tesalonicenses 4:5

Jee koto ísóꞌ ni̱ñɨ̱ꞌ nú sánikua̱ꞌ sáꞌá rá inka ñɨvɨ ya̱ ntu jíníꞌ ráa Ndiosíꞌ.

Romanos 1:24

Saáva nsia̱áꞌ Ndiosíꞌ ráa njia̱ꞌa re̱ꞌ ya̱ saꞌá ráa rá tiñu ya̱ níyo iniꞌ ánímaꞌ ráa ya̱ kúvi rá tiñu ya̱ ntu íyó ninuꞌun. Jee yukuán vá sáꞌá ráa tiñu niváꞌa jín ɨɨn inka táꞌán ráa jín ñunéꞌyúꞌ ráa ya̱ njia̱ꞌa‑a tu̱nkánuun maáráa.

Gálatas 5:19

Nijinꞌ túvi rá tiñu ya̱ ntu chíꞌi ñɨvɨ naꞌá Ndiosíꞌ, jee sáꞌá ráa sáni níyo néꞌén iniꞌ ráa. Kúvi rá yaꞌá: sáꞌá téní ráa, sáꞌá ráa tiñu néꞌí, tiñu néꞌí kákini sáꞌá ráa,