1 Corintios 16:11 - Mixteco del suroeste de Tlaxiaco Oaxaca

¹¹ Saáva koto kúníichiꞌ iniꞌ ni ɨɨn rán maa, chisaꞌ chineí rán maa kɨ̱ꞌɨ̱nꞌ va̱ꞌa‑a ichi nu̱u̱nꞌ kɨ̱ꞌɨ̱nꞌ‑ɨ sáva kiji‑i nu̱u̱nꞌ ni̱ꞌ, chi nétu ni̱ꞌ kiji‑i jín rá inka ka̱ꞌ ñanitáꞌán.

1 Corintios 16:11 交叉引用

1 Timoteo 4:12

Kumí nú maánú, Timoteo, sáva nkújiááꞌ iniꞌ ni ɨɨn ñɨvɨ noꞌó, jie̱ꞌe̱ꞌ te̱e súchí ka̱ꞌ kúvi nú. Soo kaꞌanꞌ va̱ꞌa, kaka na̱a̱ꞌ, kunu̱u̱nꞌ nú ñɨvɨ jín Ndiosíꞌ, jee kuneí iniꞌ nú Cristo, jee ninuꞌun koo nú. Jee suꞌva suvinú kuvi ɨɨn ichi nu̱u̱nꞌ rá ñɨvɨ ínúꞌ iniꞌ ráa Cristo, ya̱ kunikɨnꞌ ráa ichi yaꞌá.

Hechos 15:33

Sáá nneeꞌ ráa yakuꞌ tiempúꞌ yukuán, jee nkaꞌanꞌ rá ñanitáꞌán ka̱ꞌ jín ráa, sáva kɨ̱ꞌɨ̱nꞌ va̱ꞌa ráa jee nikó i̱i̱ꞌ ráa nu̱u̱nꞌ rá ñɨvɨ ya̱ nta̱jí rává ráa.

Tito 2:15

Rá tu̱ꞌun yaꞌá vá xinéꞌénꞌ nú. Kaꞌanꞌ ni̱ꞌin nú jín nɨꞌɨ tiñu níso nú, sáva xiníꞌvɨ́ꞌ nú iniꞌ rá ñɨvɨ, jee nuxeenꞌ nú nu̱u̱nꞌ ñɨvɨ ya̱ sáꞌá niva̱ꞌa. Koto jiáꞌnu niva̱ꞌa nú, sáva ni ɨɨn ñɨvɨ nku̱níichiꞌ ráa noꞌó.

1 Corintios 16:10

Jee retú kenta Timoteo nu̱u̱nꞌ nééꞌ rán, naniꞌvɨꞌ iniꞌ rán ya̱ koto na̱ yúꞌví re̱ꞌ jie̱ꞌe̱ꞌ ni ɨɨn nantíñú ni nééꞌ re̱ꞌ jín rán, chi sáꞌá re̱ꞌ tiñu I̱toꞌoꞌ‑ó kuéntáꞌ kua̱ꞌ nuꞌuꞌ.

1 Corintios 16:6

Sa̱naanꞌ jee kino̱o ni̱ꞌ kuneeꞌ ni̱ꞌ jín rán yakuꞌ tiempúꞌ, áxí sa̱naanꞌ kino̱o ni̱ꞌ jín rán ne̱ nɨꞌɨ tiempúꞌ víjin, sáva chineí rán nuꞌuꞌ kɨ̱ꞌɨ̱nꞌ ni̱ꞌ ichi nu̱u̱nꞌ íyó kɨ̱ꞌɨ̱nꞌ ni̱ꞌ.

3 Juan 1:6

Suviráa vá njia̱ꞌa tu̱ꞌun na̱a̱ꞌ jie̱ꞌe̱ꞌ nú nu̱u̱nꞌ rá ñɨvɨ ya̱ ínúꞌ iniꞌ ráa Jesús, ya̱ kútútú yaꞌá, jee nkachiꞌ ráa ya̱ ñúnúunꞌ nú ráa. Jee va̱ꞌa saꞌá nú nu̱u̱nꞌ chineí nú ráa jie̱ꞌe̱ꞌ ya̱ jíniñúꞌún ráa, sáva kɨ̱ꞌɨ̱nꞌ ráa nu̱u̱nꞌ kɨ̱ꞌɨ̱nꞌ ráa, sánikua̱ꞌ kuíni Ndiosíꞌ.

1 Tesalonicenses 4:8

Saáva ɨɨn ñɨvɨ ya̱ kúíchi iniꞌ‑i tu̱ꞌun yaꞌá, ntu kúíchi iniꞌ ñɨvɨ vá ɨɨn te̱e, chisaꞌ kúíchi iniꞌ ñɨvɨ vá Ndiosíꞌ. Suvire̱ꞌ ví ya̱ táji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ ránoꞌó.

Lucas 10:16

[Jee nkachiꞌ re̱ꞌ ka̱ꞌ nu̱u̱nꞌ rá te̱e ya̱ nchu̱ichí re̱ꞌ kɨ̱ꞌɨ̱nꞌ:] ―Ñɨvɨ ya̱ tésóꞌo‑o rá tu̱ꞌun káchítu̱ꞌún ránú, jee suni tésóꞌo‑o tu̱ꞌun káchítu̱ꞌún ni̱ꞌ. Jee ñɨvɨ ya̱ kúíchi iniꞌ‑i ránoꞌó, jee suni kúíchi iniꞌ‑i nuꞌuꞌ ranika̱ꞌ. Jee ñɨvɨ ya̱ kúíchi iniꞌ‑i nuꞌuꞌ, jee suni kúíchi iniꞌ‑i Ndiosíꞌ ranika̱ꞌ ya̱ nchu̱ichí‑i nuꞌuꞌ va̱ji ni̱ꞌ ―nkachiꞌ Jesús.

Hechos 15:3

I̱ña̱jée rá ñɨvɨ ya̱ kúneí iniꞌ ráa Jesús nna̱chuichí ráa Pablo jín Bernabé. Ni ya̱ kua̱jia̱ꞌa rává Fenicia jín Samaria, jee yukuán nna̱kani rává nu̱u̱nꞌ rá ñanitáꞌán kúneí iniꞌ ráa Jesús, tu̱ꞌun jie̱ꞌe̱ꞌ rá ñɨvɨ ntu kúvi Israel nna̱kani iniꞌ ráa ñujiínꞌ íñɨ́ ráa jee nki̱vɨ ráa nu̱u̱nꞌ Ndiosíꞌ. Jee tu̱ꞌun yaꞌá nsa̱ꞌá‑a ya̱ nku̱sɨ̱ɨ̱ꞌ xá iniꞌ rává.

2 Corintios 1:16

Ñani iniꞌ ni̱ꞌ ya̱ kua̱jiane̱ꞌyá ni̱ꞌ ránoꞌó ni ichi kua̱jiaaꞌ ni̱ꞌ nu̱u̱nꞌ ñuunꞌ Macedonia. Jee kua̱jiane̱ꞌyá tuku ni̱ꞌ ránoꞌó sáá nikó ni̱ꞌ ne̱ Macedonia. Sukuán jee sáva kuvi chineí rán nuꞌuꞌ, sáva kɨ̱ꞌɨ̱nꞌ ni̱ꞌ ichi ñuunꞌ Judea, nékúvi.