1 Corintios 13:7 - Mixteco del suroeste de Tlaxiaco Oaxaca

⁷ Jee ñɨvɨ ya̱ ñúnúunꞌ‑u táꞌán‑a, jee ntáká nu̱u̱nꞌ jiéꞌnéꞌ iniꞌ‑i nóꞌo‑o, jín ntáká ni kúneí iniꞌ‑i Ndiosíꞌ, jín ntáká ni íyó tu̱ꞌun neí iniꞌ‑i ya̱ na̱a̱ꞌ sikúnkuvi Ndiosíꞌ jín ñɨvɨ vá, jín ntáká ni kínóo kutú jín Ndiosíꞌ.

1 Corintios 13:7 交叉引用

1 Pedro 4:8

Jee ya̱ ñáꞌnú ka̱ꞌ nu̱u̱nꞌ nɨꞌɨ vá kukáñá iniꞌ rán kunu̱u̱nꞌ rán ɨɨn inka táꞌán rán, chi retú ñúnúunꞌ táꞌán‑ó, jee jiásɨ́ꞌ‑ó nu̱u̱nꞌ kue̱ꞌe̱ꞌ rá kua̱chi sáꞌá‑ó jie̱ꞌe̱ꞌ ya̱ nékáꞌnú iniꞌ‑ó ɨɨn inka táꞌán‑ó.

1 Corintios 13:4

Chi ñɨvɨ ya̱ ñúnúunꞌ‑u ɨɨn inka rá táꞌán‑a jee káꞌnú iniꞌ‑i, jee ñɨvɨ ya̱ ñúnúunꞌ‑u inka ñɨvɨ jee va̱ꞌa iniꞌ‑i, jee ntu̱ví u̱ꞌvi̱ꞌ iniꞌ‑i, jee ñɨvɨ ya̱ ñúnúunꞌ‑u inka ñɨvɨ jee ntu̱ví káꞌánꞌ téyɨ́ɨ́‑ɨ, jee ntu̱ví jiáni téyɨ́ɨ́ iniꞌ‑i,

2 Timoteo 2:24

Jee ɨɨn musúꞌ ya̱ jiátíñú maá I̱toꞌoꞌ‑ó ntu̱ví íyó saꞌá‑a tuntíxín, íyó ya̱ koo ñunkúún iniꞌ‑i jín nɨꞌɨ ñɨvɨ, jee íyó kuvi xinéꞌénꞌ‑e, íyó keꞌneꞌ iniꞌ‑i,

1 Pedro 2:24

Chi máá Cristo nna̱kuniso yɨkɨkúñu re̱ꞌ ntáká kua̱chi sáꞌá‑ó sáá níꞌiꞌ re̱ꞌ nu̱u̱nꞌ kurúsiꞌ, sáva kuviꞌ‑ó nu̱u̱nꞌ kua̱chi‑ó kene‑ó nu̱u̱nꞌ kua̱chi‑ó jee sáva nakueꞌnu‑ó ichi jiáꞌnu na̱a̱ꞌ. Chi jie̱ꞌe̱ꞌ nu̱u̱nꞌ ntúfiꞌ re̱ꞌ vá, yukuán núváꞌa‑ó sííyo re̱ꞌ kua̱chi‑ó.

1 Corintios 9:12

Jee retú íyó inka ñɨvɨ ya̱ íyó ni̱ꞌi̱nꞌ ráa nu̱u̱nꞌ rán ya̱ kutekuꞌ ráa jie̱ꞌe̱ꞌ xínéꞌénꞌ ráa ránoꞌó, saájee saꞌ víꞌí ka̱ꞌ íyó ni̱ꞌi̱nꞌ ráníꞌ nu̱u̱nꞌ ránoꞌó ya̱ kutekuꞌ ránꞌ résa. Soo ntu níkánꞌ ráníꞌ ya̱ taji ránú nu̱u̱nꞌ ránuꞌuꞌ ya̱ íyó ni̱ꞌi̱nꞌ ráníꞌ, chisaꞌ jiéꞌnéꞌ iniꞌ ránꞌ nɨꞌɨ, sáva ntu kasɨꞌ ránꞌ sikúténuun ránꞌ ka̱ꞌ tu̱ꞌun váꞌa jie̱ꞌe̱ꞌ Cristo.

Gálatas 6:2

Chineí táꞌán rán néni ɨɨn ya̱ nóꞌo táꞌán rán. Chi sukuán sikúnkuvi rán tu̱ꞌun ley tátúníꞌ Cristo.

2 Timoteo 4:5

Soo noꞌó, kuꞌun kájí iniꞌ nú nu̱u̱nꞌ nta̱ká tiñu, keꞌneꞌ iniꞌ nú tu̱nóꞌó, saꞌá nú tiñu ya̱ kachitu̱ꞌún nú tu̱ꞌun váꞌa jie̱ꞌe̱ꞌ Cristo, jee sikúnkuvi va̱ꞌa nú tiñu sáꞌá nú nu̱u̱nꞌ Ndiosíꞌ.

Santiago 1:12

Na̱ ka̱ꞌ netuꞌ ka̱ꞌ ví ñɨvɨ kúníꞌin íñɨ́ ni̱ꞌin sáá nóꞌo‑o tu̱nóꞌó ya̱ jítotúníꞌ yó. Chi sáá kuneí kene na̱a̱ꞌ ñɨvɨ vá, jee ni̱ꞌi̱nꞌ‑i ta̱ꞌvi̱ꞌ ya̱ kutekuꞌ‑u nɨ́ɨ́nkání jín Ndiosíꞌ, ya̱ nchi̱sóyuꞌú re̱ꞌ nu̱u̱nꞌ rá ñɨvɨ ya̱ ñúnúunꞌ ráa re̱ꞌ.

2 Tesalonicenses 1:4

Saáva ránuꞌuꞌ kúsɨ́ɨꞌ téyɨ́ɨ́ iniꞌ ráníꞌ káꞌánꞌ téyɨ́ɨ́ ránꞌ jie̱ꞌe̱ꞌ ránoꞌó nu̱u̱nꞌ rá grupo ñɨvɨ ya̱ kúneí iniꞌ ráa Ndiosíꞌ, chi kúníꞌin rán íñɨ́ ni̱ꞌin rán jee kúneí iniꞌ rán Jesús, sú jíto u̱ꞌvi̱ꞌ ñɨvɨ ránoꞌó jee nóꞌo rán tu̱nóꞌó ya̱ jiéꞌnéꞌ iniꞌ rán ya̱ nóꞌo rán.

2 Timoteo 3:11

Jee jíníꞌ nú na̱sa nito u̱ꞌvi̱ꞌ ñɨvɨ nuꞌuꞌ, jín rá tu̱nóꞌó nóꞌo ni̱ꞌ, sánikua̱ꞌ nkuvi jín nuꞌuꞌ rá ñuunꞌ Antioquía, Iconio jín Listra. Jee ñeꞌneꞌ iniꞌ ni̱ꞌ rá tu̱nóꞌó vá ya̱ nito u̱ꞌvi̱ꞌ ráa nuꞌuꞌ yukuán, soo I̱toꞌoꞌ‑ó nsi̱káku nuꞌuꞌ nu̱u̱nꞌ nɨꞌɨ ya̱ nnoꞌo ni̱ꞌ yukuán.

Romanos 15:1

Saájee rá yó ya̱ jíjia ka̱ꞌ iniꞌ‑ó kúneí iniꞌ‑ó Ndiosíꞌ jie̱ꞌe̱ꞌ ya̱ kuíni re̱ꞌ ya̱ saꞌá‑ó, jee íyó keꞌneꞌ iniꞌ‑ó nu̱u̱nꞌ rá ñanitáꞌán‑ó ya̱ táyáꞌ iniꞌ ráa kúneí iniꞌ ráa re̱ꞌ. Jee koto sáꞌá‑ó sáni kua̱chi kúváꞌa iniꞌ maáó ni.

Mateo 10:22

Taꞌvi iniꞌ kua̱íyó rá ñɨvɨ kune̱ꞌyá ráa ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ. Soo rá ñɨvɨ kuni̱ꞌin kuiñɨ kutú ráa jín ni̱ꞌ ne̱ nu̱u̱nꞌ kenta ji̱nu jee suviráa ví ya̱ sikáku Ndiosíꞌ ráa.

Hebreos 13:13

Jee saáva íyó kene rán nu̱u̱nꞌ ñujiínꞌ jiáꞌnu rá ñɨvɨ ya̱ ntu ínúꞌ iniꞌ ráa Jesús jee íyó kuiñɨ ni̱ꞌin rán jín re̱ꞌ, kuéntáꞌ kene‑ó yuñúúnꞌ kɨ̱ꞌɨ̱nꞌ‑ó nu̱u̱nꞌ re̱ꞌ. Jee íyó keꞌneꞌ iniꞌ rán ya̱ jiáꞌa ñɨvɨ tu̱nkánuun nu̱u̱nꞌ rán jie̱ꞌe̱ꞌ kúneí iniꞌ rán Jesús.

Romanos 8:24

Chi nna̱tavaꞌ Ndiosíꞌ yó nu̱u̱nꞌ kua̱chi‑ó nsi̱káku re̱ꞌ yó sáva íyó tu̱ꞌun neí iniꞌ‑ó nétu‑ó ya̱ ni̱ꞌi̱nꞌ‑ó ya̱ saꞌá re̱ꞌ sukuán jín‑ó. Íyó tu̱ꞌun neí iniꞌ‑ó ya̱ saꞌá re̱ꞌ sukuán soo retú ya̱ túvi nijinꞌ néꞌyá‑ó maa, saájee ya̱ ntu̱ví ka̱ꞌ kúvi‑i tu̱ꞌun neí iniꞌ‑ó nétu‑ó maa. Chi retú néꞌyá ɨɨn ñɨvɨ maa, ¿na̱kui chi íyó ka̱ꞌ tu̱ꞌun neí iniꞌ‑i nétu‑u vá rúja?

Génesis 29:20

Jee suꞌva nsa̱tíñú Jacob u̱xa̱ꞌ kui̱ya̱ꞌ sáva ni̱ꞌi̱nꞌ re̱ꞌ Raquel, soo yakuꞌ ki̱vɨ̱ꞌ ví‑i nkuini re̱ꞌ chi ñúnúunꞌ víꞌí re̱ꞌ ña.

Marcos 9:23

Jee Jesús nkachiꞌ nu̱u̱nꞌ re̱ꞌ: ―¡Né núꞌ vá nkúvi ví! Nɨꞌɨ ni nu̱u̱nꞌ vá kuvi saꞌá ni̱ꞌ ya̱ kuvi nu̱u̱nꞌ ɨɨn ñɨvɨ ya̱ kúneí iniꞌ ñɨvɨ vá nuꞌuꞌ.