1 Corintios 12:6 - Mixteco del suroeste de Tlaxiaco Oaxaca

⁶ Jee sɨ́ɨ́n sɨ́ɨ́n íyó rá tiñu sáꞌá ta ɨɨn ɨɨn‑ó, soo métúꞌún ni Ndiosíꞌ íyó jee maáréꞌ ví ya̱ sáꞌá rá tiñu vá iniꞌ ntáká‑ó chi chíneí re̱ꞌ yó sáꞌá‑ó ntáká tiñu ya̱ kuíni re̱ꞌ.

1 Corintios 12:6 交叉引用

1 Corintios 12:11

Jee ntáká rá tiñu yaꞌá, jee métúꞌún ni Ta̱chi̱ꞌ Ííꞌ Ndiosíꞌ ví ya̱ sáꞌá maa jee suni maá Ta̱chi̱ꞌ Ííꞌ vá ví ya̱ sájiáꞌ maa nu̱u̱nꞌ ta ɨɨn ɨɨn‑ó sánikua̱ꞌ kuíni maáa.

1 Corintios 3:7

Jee saáva ni ntu̱náꞌ kúñáꞌnú te̱e ya̱ tée nikɨn, ni jín te̱e ya̱ chíꞌi nute nu̱u̱nꞌ nikɨn, chisaꞌ kúñáꞌnú maá Ndiosíꞌ ya̱ kúvi maáréꞌ ya̱ síkuéꞌnu maa.

Juan 5:17

Jee nkachiꞌ Jesús nu̱u̱nꞌ ráa: ―Tátáꞌ ni̱ꞌ nɨ́ɨ́nkání sátíñú re̱ꞌ ne̱ vitan, jee suni sukuán sátíñú ni̱ꞌ.

Colosenses 3:11

Jee saáva ntu̱náꞌ ítú iniꞌ retú ntu kúvi‑ó ñɨvɨ Israel, áxí kúvi‑ó ñɨvɨ Israel, retú níso yɨkɨkúñu‑ó seña ñɨvɨ Israel naní circuncisión, áxí ntu níso‑ó maa, retú kúvi‑ó rá to̱ꞌo̱ꞌ, áxí ñɨvɨ ñuunꞌ láꞌví, retú kúvi‑ó musúꞌ ya̱ kéꞌen ñɨvɨ maa, áxí ñɨvɨ ya̱ yɨ́tíñú nu̱u̱nꞌ tiñu maáa. Chi I̱toꞌoꞌ kua̱íyó kuitɨꞌ‑ó ví Cristo, jee yɨ́ꞌɨ́ re̱ꞌ iniꞌ kua̱íyó kuitɨꞌ‑ó.

Efesios 4:6

Jee métúꞌún ni Ndiosíꞌ íyó, ya̱ kúvi Tátáꞌ nu̱u̱nꞌ ntáká‑ó, ya̱ maáréꞌ vá yósóꞌ nu̱u̱nꞌ kua̱íyó kuitɨꞌ‑ó, jee sáꞌá re̱ꞌ tiñu ya̱ kúvi ntáká‑ó, jee yɨ́ꞌɨ́ re̱ꞌ iniꞌ ntáká‑ó.

Hebreos 13:21

Jee na̱ ka̱ꞌ sikújia Ndiosíꞌ iniꞌ rán saꞌá tu̱ꞌva re̱ꞌ ránoꞌó ntáká tiñu váꞌa sáva saꞌá rán sáni kuíni re̱ꞌ, chi sáꞌá re̱ꞌ iniꞌ‑ó tiñu kúváꞌa iniꞌ re̱ꞌ néꞌyá re̱ꞌ maa, jie̱ꞌe̱ꞌ ya̱ sáꞌá Jesucristo jín‑ó. Jee maáa vá nakuetúꞌún‑ó nɨ́ɨ́nkání ya̱ kúñáꞌnú víꞌí‑i ntáká tiempúꞌ. Sukuán koo, amén.

Colosenses 1:29

Jee saáva núnasɨ́ ni̱ꞌ saꞌá ni̱ꞌ fesáꞌ saꞌá ni̱ꞌin ni̱ꞌ tiñu yaꞌá, jie̱ꞌe̱ꞌ ya̱ sátíñú ni̱ꞌin Cristo iniꞌ nuꞌuꞌ, jín fuersáꞌ níso re̱ꞌ.

Filipenses 2:13

Chi máá Ndiosíꞌ ví ya̱ sátíñú re̱ꞌ iniꞌ rán, sáva kuvi iniꞌ rán saꞌá rán tiñu váꞌa, jín sáva saꞌá rán maa sánikua̱ꞌ ya̱ váꞌa kuíni re̱ꞌ.

1 Corintios 15:28

Jee sáá nɨꞌɨ ki̱vɨ xi̱ntíín Cristo, saájee suni maá Cristo, ya̱ kúvi re̱ꞌ Se̱ꞌya Ndiosíꞌ, jee suni chiꞌi‑i maáa xi̱ntíín Tátáꞌ‑a Ndiosíꞌ, ya̱ nchiꞌi kua̱íyó kuitɨꞌ ya̱ íyó xi̱ntíín‑i. Saꞌá ráa suꞌva sáva nakɨ̱ꞌɨ kua̱íyó kuitɨꞌ xi̱ntíín maá Ndiosíꞌ ya̱ kúñáꞌnú nasɨ́kuitɨꞌ, chi nɨꞌɨ kua̱íyó nakɨ̱ꞌɨ xi̱ntíín métúꞌún re̱ꞌ.

1 Corintios 12:5

Jee sɨ́ɨ́n sɨ́ɨ́n tiñu íyó ya̱ sáꞌá ta ɨɨn ɨɨn‑ó, soo métúꞌún ni I̱toꞌoꞌ‑ó íyó, jee maáréꞌ ví ya̱ chíneí re̱ꞌ yó sátíñú‑ó nu̱u̱nꞌ re̱ꞌ.