1 Corintios 11:20 - Mixteco del suroeste de Tlaxiaco Oaxaca

²⁰ Jee saáva sáá nútútú rán sáá násaꞌá rán xíní kua̱ꞌ nsa̱ꞌá I̱toꞌoꞌ‑ó sáá nákúꞌun iniꞌ‑ó re̱ꞌ ya̱ níꞌiꞌ re̱ꞌ jie̱ꞌe̱ꞌ‑ó, soo nsú káꞌ xíní I̱toꞌoꞌ‑ó ví ya̱ sáꞌá rán,

1 Corintios 11:20 交叉引用

1 Corintios 11:19

Chi saá íyó nijia ya̱ íyó kusɨ́ɨ́n rá grupo nteñu rán ya̱ níkɨ́nꞌ inka ñujiínꞌ sáva túvi nijinꞌ nteñu rán rá ñɨvɨ ya̱ ni̱totúníꞌ Ndiosíꞌ ya̱ kéne na̱a̱ꞌ ráa ya̱ íñɨ́ ni̱ꞌin ráa níkɨ́nꞌ ráa Cristo.

1 Corintios 11:21

chi sáá yájíꞌ rán, jee ta ɨɨn rán xíꞌnañúꞌún ka̱ꞌ tɨ́ɨn‑ɨ xíní maáa ya̱ kajiꞌ‑i. Jee ɨɨn ñɨvɨ ntu̱ví níꞌínꞌ‑i ya̱ kajiꞌ‑i jee jíꞌíꞌ‑i so̱ko, jee inka ka̱ꞌ ñɨvɨ jíni‑i.

Judas 1:12

Jee rá ñɨvɨ yaꞌá ya̱ xínéꞌénꞌ tu̱ntúꞌún, jee sáá yájíꞌ tútú rán jie̱ꞌe̱ꞌ ya̱ ñúnúunꞌ rán ɨɨn inka táꞌán rán, jee máá ñɨvɨ kini sátéꞌén kúvi ráa sáá yájíꞌ ráa jín rán súka̱ꞌ ntu kúkanuun ráa. Jee kua̱chi maáráa kúmí ráa. Ntu íyótiñu ráa kuéntáꞌ ntu íyótiñu rá vi̱ko̱ꞌ ntu níso sa̱vi̱ꞌ ya̱ xínéchi ta̱chi̱ꞌ víjin maa cháꞌá chúkuán. Jee suni kúvi ráa kuéntáꞌ kúvi yutun númáꞌ ya̱ ni ntu jiáꞌa‑á ya̱ vixíꞌ, sáá kenta tiempúꞌ ya̱ kúun ya̱ vixíꞌ rá yutun. Jee sukuán kúvi ráa kuéntáꞌ yutun níꞌiꞌ ya̱ ne̱ yoꞌo‑o ntavaꞌ ñɨvɨ maa jee kuéntáꞌ ni̱ꞌi̱ꞌ‑i u̱vi̱ꞌ íchí jee ni ntu̱né íyó na̱ja nene‑e ka̱ꞌ.

Hechos 2:42

Jee níkɨ́nꞌ ni̱ꞌin ráa tu̱ꞌun xínéꞌénꞌ rá te̱e níso rává tiñu apóstol. Jee sukuáni nééꞌ ñunkúún ráa. Jee sukuáni yájíꞌ tútú ráa neyu [nu̱u̱nꞌ tásáva ráa i̱xta̱tíláꞌ, sáva naku̱ꞌun iniꞌ ráa, ya̱ ni̱ꞌi̱ꞌ Jesús jie̱ꞌe̱ꞌ kua̱chi ráa]. Jee sukuáni káꞌánꞌ tútú ráa jín Ndiosíꞌ.

Hechos 2:46

Jee ta ki̱vɨ̱ꞌ kútútú ráa iniꞌ veñu̱ꞌun káꞌnú. Jee kútútú ráa veꞌi ta ɨɨn táꞌán ráa, sáva tasáva ráa i̱xta̱tíláꞌ, sáva naku̱ꞌun iniꞌ ráa Jesús. Jee yájíꞌ nkáꞌnú ráa jee kúsɨ́ɨꞌ iniꞌ ráa jee saɨn iniꞌ ráa.

1 Corintios 11:17

Soo siáꞌa ni̱ꞌ inka ka̱ꞌ jie̱ꞌe̱ꞌ tu̱ꞌun ya̱ tatúníꞌ ni̱ꞌ nu̱u̱nꞌ rán, jee jie̱ꞌe̱ꞌ vá ntu̱ví nákuetúꞌún ni̱ꞌ ránoꞌó. Chi sáá nútútú rán jee ntu̱ví sáꞌá váꞌa rán chisaꞌ sáꞌá niva̱ꞌa rán.

Hebreos 10:25

Jee ntu íyó xinóo‑ó nutútú‑ó kuneñu̱ꞌun‑ó Ndiosíꞌ, kuéntáꞌ kua̱ꞌ ya̱ nka̱an sava rá ñɨvɨ sáꞌá ráa ya̱ ni ntu nútútú ráa. Chisaꞌ nakutíñú‑ó nachuneí‑ó iniꞌ ɨɨn inka‑ó, jee saꞌ víꞌí káꞌ chi jíníꞌ‑ó ya̱ kua̱kuyatin ki̱vɨ̱ꞌ nenta I̱toꞌoꞌ‑ó Jesús.

2 Pedro 2:13

Jee sánikua̱ꞌ nxi̱nóꞌo ráa rá inka ñɨvɨ, jee suni sukuán ni̱ꞌi̱nꞌ ráa nakunoꞌo ráa nachunáán ráa maa. Chi ne̱ kúsɨ́ɨꞌ iniꞌ ráa tiñu sɨ̱ɨ̱ꞌ iniꞌ ráa asúnika̱ꞌ nuví. Jee máá ñɨvɨ kini sátéꞌén kúvi ráa jie̱ꞌe̱ꞌ na̱sa jiáꞌnu ráa, jín jiáꞌa ráa tu̱nkánuun, jee kúsɨ́ɨꞌ iniꞌ ráa xínáꞌví ráa ránoꞌó sáá yájíꞌ ráa jín rán.