1 Corintios 10:12 - Mixteco del suroeste de Tlaxiaco Oaxaca

¹² Jee saáva ɨɨn ñɨvɨ ya̱ jiáni iniꞌ‑i ya̱ íñɨ́ ni̱ꞌin‑i jín tu̱ꞌun I̱toꞌoꞌ‑ó, soo kumí‑i maáa nsuñájee kininkava‑a nu̱u̱nꞌ kua̱chi.

1 Corintios 10:12 交叉引用

Romanos 11:20

Va̱tu̱ni, chi jie̱ꞌe̱ꞌ ya̱ ntu nkúneí iniꞌ sava rá ñɨvɨ ñuunꞌ Israel vá Cristo jee nku̱ichi iniꞌ Ndiosíꞌ ráa nna̱neeꞌ re̱ꞌ ráa. Soo noꞌó, jie̱ꞌe̱ꞌ ya̱ kúneí iniꞌ nú Cristo íñɨ́ kutú nú nu̱u̱nꞌ re̱ꞌ. Saáva koto kútéyɨ́ɨ́ nú chisaꞌ kuyúꞌví iniꞌ nú.

2 Pedro 3:17

Soo ránoꞌó ñanitáꞌán ya̱ ñúnúunꞌ ni̱ꞌ, ya̱ jíníꞌ rán ya̱ íyó ñɨvɨ ya̱ násama ráa na̱sa kua̱ꞌ kuíni káchíꞌ Tu̱ꞌun Ndiosíꞌ, saájee kumí rán maárán, sáva ntu xtakaa rá te̱e kánéꞌén vá ránoꞌó sáva ntu chinikɨn rán rá tu̱ꞌun xtívɨ́ ya̱ xínéꞌénꞌ ráa, jee sáva ntu kininkava rán nu̱u̱nꞌ íñɨ́ kutú rán jín Tu̱ꞌun Ndiosíꞌ.

1 Corintios 8:2

Jee retú néni ɨɨn ñɨvɨ jiáni iniꞌ‑i ya̱ jíníꞌ va̱ꞌa‑a, soo ntu̱ví chi ni ntiáꞌan kuniꞌ va̱ꞌa‑a sáá íyó kuniꞌ va̱ꞌa‑a.

Lucas 8:18

Saáva tɨɨn kuéntáꞌ va̱ꞌa rán Tu̱ꞌun Ndiosíꞌ ya̱ tésóꞌo rán. Néni ɨɨn ñɨvɨ ya̱ tɨ́ɨn tu̱ꞌun váꞌa Ndiosíꞌ, ku̱ꞌva re̱ꞌ ka̱ꞌ ki̱ku̱ꞌun iniꞌ‑i. Soo néni ɨɨn ñɨvɨ ya̱ ntu tɨ́ɨn tu̱ꞌun vá, jee ne̱ tu̱ꞌun ya̱ jiáni iniꞌ‑i ya̱ jiáku̱ꞌun iniꞌ‑i kaneeꞌ re̱ꞌ maa nu̱u̱nꞌ‑u ―nkachiꞌ Jesús.

Colosenses 2:8

Nito koo rán maárán ya̱ ntɨ́ɨn ñɨvɨ ránoꞌó, ya̱ sijínúꞌ ráa iniꞌ rán jín tu̱ꞌun váji xi̱ni̱ꞌ maáráa, jín tu̱ꞌun ka̱ꞌá ya̱ xínáꞌví. Chi rá tu̱ꞌun yukuán kétáꞌán jín rá ñujiínꞌ va̱ji ya̱ta̱ꞌ, ya̱ kétáꞌán jín rá costumbre xínéꞌénꞌ ñɨvɨ ñɨ̱vɨ́ yaꞌá, ya̱ ntu yɨ́ꞌɨ́ ráa naꞌá Cristo. Jee ntu kétáꞌán rá tu̱ꞌun vá jín tu̱ꞌun jie̱ꞌe̱ꞌ Cristo.