Njàgà bagaà Lûk 6:25 - Mambilla NT (Cameroon)

²⁵ Bí bɔ̀ɔ́ mé né jùjùɔ̀b kènê yieé, gèr né felè biì teèn, ké toò bí né bɔ̀ cùè bɔ̀. Bí bɔ̀ɔ́ mé né ja kènê kioó, gèr né felè biì teèn; ké toò bí nde né mé yúé kwaré, bí nde né mé kú vuagá kuú ndɔ.

Njàgà bagaà Lûk 6:25 交叉引用

Mvù Jâk 4:9

Bí vúágá kú, bí sì yúé, bí né njegér. Bí lɔɔ̀ ja kioô, bí yúé sér lòù. Bí lɔɔ̀ vɔ́gɔ́-temé, bí vúágá sér kú.

Mvù vuû 3:17

Wò ye, nyí né nùà sèsàm, wa njeré déì nyí sám ŋgwéh, nyí mé tuaá njeré déì sam ndɔ. Wò kɔ́ ŋgwéh ye nùà kújere faá nyí nɔ sam wa, ye nyí né luŋturu, nyí né tácugó, saám né nyí sòn doó sege, wò ménâ kɔ́ ŋgwéh wa?

1 Tesalonîk 5:3

Kɔ bɔ̀ nùàr baá yo nyen, bɔ́ baá tueé ye: *wɔ́ŋ huɔm aá, wa lɔɔ́ dɔlé baá ma. Kɔ baá ménâ, te kar waà ye felè bɔɔ̀n, kum sɔm bɔ́. Mè tueé bí, dé mvelê sam ndé ŋgwéh; ceéhr keéh nde né bɔ́ faá nyer ceéhr keéh yeé ma mé lèì hueêh nɔ.

Efêse 5:4

Bɔ̀ ŋgòr vevenê a, té sònò biì ndùàlè yùò. Né mene ja, bú a té bí sònò yùò jélá vé ndɔ. Bí te njèh dɔɔ́ŋe vrà sér Càŋ dé vraà.

Njàgà bagaà Lûk 13:28

Yeésò den cu ye bɔ́ a: «Ké sâ kéŋ nde né silí, nyie nde né yieé. Bí nde né Abrahâm mé Isâk bɔ̂ Jakɔ̂b mé bɔ̀ *sòn-Càŋ bɔ̀ dɔɔ́ŋ ké te Lò Càŋe ŋené njií. Nùàr hihiné nde né ké teèn yilá laré; bɔ̀ɔ́ mé naâ kèb bà, kèb nyiìb, kèb fenê mé kèb túnò mene dɔɔ́ŋ, nde gi né teèn yilá, bɔ́ né kùrmò yieé. Sâ bí né dé biì kèb cieè.

Njàgà bagaà Lûk 12:20

À yeé tueé gi aá mé huún seèn mân, Càŋ ye bú a: Nùà kùlù faá wò nɔ! Wò kɔ́ ŋgwéh ye lan cíbítenè wò nde né kuú wa? Sâ, neì bɔ̀ njèh yeè hèllè yieé nde né kɔɔ́ wa?»

Njàgà bagaà Lûk 8:53

Te bɔ̀ nùàr yeé nde ŋgweé njií ménâ, bɔ́ kem sue bú yoòr mé séb. Sâ bɔ́ kɔ gi aá ye huaán doô kuú aá kèn.

Njàgà bagaà Lûk 6:24

Bí bɔ̀ lilieê bɔ̀, dé biì né seér gèr. Sàgà biì gi né ŋgúlú sâ, bí sàgà déì ké toò kwà ndé cú.

Njàgà bagaà Lûk 6:26

Gèr né felè biì teèn, mɔ bɔ̀ nùàr dɔɔ́ŋ né bí lòù seén seér. Lòù sam, bɔ̀ tele bɔɔ̀n lé naâ bɔ̀ sòn-Càŋ bɔ̀ dé kòkòb ménâ seén ndɔ.»