21 Wo kú bɨ́d nə́ yéésh sálə mə́bɔ̂w í ntɔ̧́g wo ŋkul; yidagʉ́ dʉ sá nə́ mənywa mwô mə́ dʉ́g ntɔ̧ mə́bɔ̂w bwə́ sá wo má.
kúgá dʉ bweel mə́bɔ̂w, kú bweel mə́lwíy. Yidagá dʉ bə, múúd mə ká sá bɨ́ məbɔ̂w, bɨ́ bwádan nə nyə, nəcé sâ Zɛmbî nyə a jɔ̂w bɨ́ nə́ bɨ dʉ́g sá wə́ cɨ́, a ka nə́mə́ bá shwu bɨ́ ibwádán.
Í njúl nə́mə́ nyiŋgə bə cilyá nə́: Múúd ŋgə́ lúmbʉli nə wo yɛ́ ká gwág zha, yə́g nyə idʉ̂w; á ká gwág shwáásʉ́lə minʉ́, yə́g nyə sá á ŋgúlʉg yí. Ja wó sá ntɔ́ yí, wo mə́ ŋkúnd nyə máág mə́ kuda lúúd.
Muud yɛ̂sh mə́ jəlá nə sá mícî məgwág. Nəcé, icî byɛ̂sh bí shí ga dɨ́ yí í ŋgə zhu wə́ Zɛmbî. Zɛmbî wə́ nyə a tə̂l micî myɛ̂sh mísə́ myá.
