18 Bɨ bʉ́sə nə mísh, njɨ bɨ kú dʉ́g ɨɨ́? Bɨ bʉ́sə nə məlwə̂, njɨ bɨ kú gwág ɨɨ́?
shú nə́ bwə́ dʉ́g bə, bwə́ tɛɛm kənd mísh, bwə́ kú dʉ́g; bwə́ tɛɛm gwágʉlə, bwə́ kú wámbʉlə, ŋkwaŋgá bwə́ á bá cɛ́nd kuú njɔɔnd, Zɛmbî juu bwo.»
Zɛmbî nyə a shwu bwo ncím míshʉ́d, a lʉlʉshi bwo milâm, nəcé mísh máŋ mə́ á bá dʉ́g, milâm myáŋ mí á bá wámbʉlə, bwə́ á bá cɛ́nd kuú njɔɔnd, nə́ ndɛɛ́ mə mú lwag bwo.
nə́mə́ nda jɨ́ cilyá Kálaad Zɛmbî dɨ́ nə́; nə́: Zɛmbî nyə a sá nə́, zə wɔ́ɔ́s múús ɨɨ́ bwə́ bə́g minjímbʉ́lá, mísh máŋ mə́ bə́g kú dʉ́g, məlwə̂ máŋ mə́ bə́g kú gwág.
Gwə́ wə́ jɨ́ nə́, mə bá dʉ báásʉlə bɨ́ isâ ínɨ tɛɛm bə nə́ bɨ mə́ bwey mpu byo, bɨ mə́ bwey nə́mə́ nada nə bʉ́bə́lɛ́ bɨ́ á jɨ́ɨ́g yɛ́.
Mə á dʉ bwey jaaw bɨ́ sâ nɨ mə njúl ná nûŋ bɨ́dɨ́; bɨ anyíŋgə́yɛ́ ná tə́dʉga ntɔ́?
