Rm 7:9 - Ikan feg

⁹ Anyumə̀ ne chəyi mə̀nɔ̀ʼɔ̀ ya yaʼi, mo ya yaʼ amə izɔm. Àsi anyumə̀ ne mə̀ ya kyeri mə̀nɔ̀ʼɔ̀, inug tibɔ̀ŋ ya nyi inga ìmə ìtḛ̀ ghì mə ku.

Meta’

⁹ Mə nyaʼa kweʼ chub ɨkǎ ənɨ chəi nyaʼa i rɨkə. Àyɨə ənɨ rɨkə nyaʼa yeʼe, ɨnû rɨbɔ̀ŋ nyaʼa wɨrɨ nɔʼ,

Rm 7:9 交叉引用

Gàlesìyà 3:10

Tesiʼ ya gha, bəd mbe ne nɔŋi ìtɔb fìŋ ni təm kòʼ imbìghè abə Ŋwiye məyi anjìm mə̀nɔ̀ʼɔ̀, ndɔ̀n ze igun inɔb. À ya ane imbə̀ʼ icheg ne, mbi ya fə bì ŋwàʼrì inga Àŋwàʼrì Ŋwiye gha, “Wə̀d ne chəyi wì nɔŋi inug ijìm mbe ne yaʼi inga mə̀nɔ̀ʼɔ̀ Muse, Ŋwiye biri zì ndɔ̀n igun məd.”

Rm 8:7

Bəd mbe ne nɔ̀ŋɔ̀ ìtɔb fìŋ igun inug tibɔ̀ŋ mbe ne ìtɔb nyàmnyɔd te ghə̀ʼrə̀, mbɔb ya bəd ìpàb Ŋwiye. À ya ane imbə̀ʼ icheg ne chəyi mbɔb mbe zùgrə Ŋwiye. Ane, chəyi tì mbɔb bə̀ zùgri mə̀nɔ̀ʼɔ̀ Ŋwiye.

Gàlesìyà 2:19

Anug mə̀ yaʼ àze ne zi mə̀nɔ̀ʼɔ̀ Muse, mo ya icheg awu wə̀d, awu wə̀d ne à ya mə̀nɔ̀ʼɔ̀ Muse zweti. Ane ya ni ghì gha mə̀ si yaʼ izɔm se fàʼà abə Ŋwiye.

Rm 10:5

Muse ya ŋwàʼrì inga mə̀nɔ̀ʼɔ̀ ghà anug imbə̀ʼ icheg ne Ŋwiye we nìŋə bəd gha mbe təm kòʼ ze gha, “Wə̀d ijìm ne fàʼà inug mbe ne mə̀nɔ̀ʼɔ̀ gha, wì fə bə chùghi icheg ne mə̀nɔ̀ʼɔ̀ mbe kə̀bə̀.”

Rm 7:11

Inug tibɔ̀ŋ fə chè anjìm nɔ̀ʼɔ̀ we si bèrì apan ni tambi amə bə̀ zwèti amə.

Rm 7:6

Amad anìŋ, icheg ne tì fə se awa ane anug amɔʼ tì Anɔŋisəg, chəyi mə̀nɔ̀ʼɔ̀ ywirì bèrì ika igun ina. Tì bèrì ni si taŋ fàʼ abə Ŋwiye icheg ne Azwighi Ŋwiye ze nàʼà ika ina, kayi ni fàʼ ane ikuchèg anun we ne mə̀nɔ̀ʼɔ̀ Muse chwi.

Rm 7:4

Ìmbum məfi fɔrɔ ìtum njàbi, à ya bə̀ ane ne chəyi mə̀nɔ̀ʼɔ̀ ywirì bèrì ika igun inən imbə̀ʼ icheg ne mbə̰ ya fə se ane anug amɔʼ tì Kristo. Amad anìŋ, mbə̰ ya bəd Anɔŋisəg we ne Ŋwiye ya zwemni aməd ane iwu ni ghì gha tì bere apan ni yaʼ bəd ne fàʼà abə Ŋwiye icheg chɔm.

Lk 18:21

Wə̀d we ya ywìtì gha, “Mə ya fə ko ni nɔ̀ŋì tikə ìto̰ tijìm anyumə̀ ne mə̀ yaya kiri ŋwan kwa.”

Lk 15:29

Si ya gha, wì ya ywìtì abə mbaʼ məd gha, ‹Nḛ, tituʼ ìto̰ tijìm ne mə̀ faʼi ine, chəyi mə̀ kweʼì ghì tìzughə̀ ine. Chəyi àghò kə̀ kweʼì nàʼ ŋwan gwi gha mə tighe jəg tì ìmbum mə̀sə̀ʼ.

Matìyò 19:20

Wə̀d we ya ywìtì gha, “Mə we nɔ̀ŋɔ̀ tikə ìto̰ tijìm. Àkə aghə ne si bùʼ?”

Rm 7:8

À ya anjìm mə̀nɔ̀ʼɔ̀ mbe ne inug tibɔ̀ŋ ya beri apan ni ghì gha mə̀ se ghə̀ʼrə̀ tiku ighi ijìm. Àkə aghi ne chəyi mə̀nɔ̀ʼɔ̀, nji chəyi inug tibɔ̀ŋ beri ika igun wə̀d.

Rm 7:10

Mə ya si bàd gha, nɔ̀ʼɔ̀ we ne ya kòʼi ni ghì gha mə̀ yaʼ izɔm, wè niŋ yaʼ iwu yèʼe igun inum.