Yeso ya ywìrì ko ni chwiti inug iban atəŋ ze a Galìli. Inɔ̰ bəd ne ya yaʼi kwàʼ ìwi kyen ya ghò fète chè kad aməd. Ane, wì ya nyi chùghi inga abaŋ igyi igun atəŋ ze. Inɔ̰ bəd we ijìm ya si chùghi iban atəŋ ze.
Bəd nɔʼ nɔʼ ya ghò fète ibo inga nəb. Nəb ze ya sweg ne chəyi ya ywìrè yi apan inga nəb kə̀ imbìghè nəb ne tì bəd ya təm angu. Yeso ya ko ni ghàm Ìngam Ŋwiye inɔb.
Wì ya pati aməd ane, si ya gha, mbaŋà ze ya nɔ̀ʼ ko yḛ̀ nè sàʼa anug ze isiŋi ijìm. Àze ya ghì gha imbə̀ʼ Yeso ywirì nyi yi inga asiŋi ndəŋ asaŋ asaŋ. Wì ya si ghò chùghi yaʼ ane asiŋi ne chəyi bəd angu. Si ya gha, bəd yaya kiri nɔʼɔ̀ ane isiŋi ijìm se ghò kɔ̀tɔ aməd angu.
Yeso ya nɔ̀ʼ a Kàpenàwum ghò aba aben ze a Jùdeyà bə̀ fɔrɔ injḭ igyi Jodàn. Tinɔ̰ bəd ya ywìrì ghò fète iban məd. Ane, wì ya ko ni chwìti inug inɔb icheg ne wì yaya kà ghìyə̀.