Lk 22:32 - Ikan feg

³² Si ya gha, mə fə chàʼra Ŋwiye imbə̀ʼ awe, àghò Sayimùn, gha imbə̀ʼ ìwe ibḛfiŋ nɔ̀ʼ bɔrɔ yi. Anyumə̀ ne àghò bəŋi fìŋ yeʼe abɔ̀ʼ inum, àghò ghìyə̀ ibḛfiŋ abə ìmbe məfi we təm kà.”

Meta’

³² Àyɨə mə fə kɔ̀ŋgɨ̀ ə Ŋwiə̀ ɨgwɨ ne ni tɨ e ɨbenɨ bɔd i. Ənɨ à wɨrɨ bèŋ e fîŋ ben əmɨ, à ghɨ̀ ni fîŋ tɨ mbe bɔŋgɔb wɨrɨ kàànɨ̀.”

Lk 22:32 交叉引用

Rm 8:34

Wə̀d ne biri sɔb isaʼi igun inɔb gha mbe gùg anug àkə we? À wa kə Yeso Kristo? Indèʼ ka! Yeso ya ku atog inɔb, Ŋwiye zwèmni aməd ane iwu, si ghì wì chùghi iban məd ibo aba abo jəghi se bòʼo ibo abə Ŋwiye imbə̀ʼ awa.

Mə̀Hibrù 7:25

Ane, Yeso we tì wì pùmni bəd mbe ne yeʼe abə Ŋwiye anjìm məd mà nyumə̀ ijìm imbə̀ʼ icheg ne məd we dèghè abə Ŋwiye atog inɔb.

2 Pità 3:14

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mbə̰ mbe ghɔ̀mɔ̀ inug mbo̰, mbə̀ kirə ika ni chughi inga ìzḛzḛ. Mbə̀ ghiyə gha imbə̀ʼ Ŋwiye bad yi anug tibɔ̀ŋ mɔ̀ʼɔ igun inən. Mbə̀ bə chughi ane àbɔrɔ̀bɔd tì Ŋwiye.

1 Pità 1:5

Icheg ne mbə̀ nɔŋi ìwən ibḛfiŋ igun Kristo, Ŋwiye fə chì awən inga ngəʼ ane ìwi ika. Ane aneg ìnwḭ, Ŋwiye biri ghì mbə pum, wə̀d ijìm bad.

Lk 8:13

Titam te ne ya fendi igun igho ya chwìye bəd mbe ne mə̀ zug Ìngam Ŋwiye, mbi niŋ ati ati ane igyendi. Si ya gha, chəyi Ìngam Ŋwiye taŋ nyi inɔb inga fìŋ. Mbɔb ya bèrè ibḛfiŋ məyi ane nyùmə̀ kwa kwa. Àkwàʼrì mə̀ yeʼe, mbi waʼ ìwɔb ibḛfiŋ.

Ɨ̀fàʼì 3:19

Ane, mbə̀ bəŋə ìtən fìŋ, waʼ inug tibɔ̀ŋ, ghò abɔ̀ʼ Ŋwiye, ni ghì gha wì waʼ ìmbən inug tibɔ̀ŋ.

1 Pità 1:13

Mbə̀ chuʼri ìtən fìŋ ni ghì inug mbe ne Ŋwiye we kə̀bə̀. Mbə̀ ya nyìmbe nyɔd. Mbə̀ ya nɔ̀ŋɔ̀ ikɔndi məyi ni ghɔ̀m ìchɔ̀mì we ne Ŋwiye biri ghì anyumə̀ ne Yeso Kristo ywirì yèʼe.

Mə̀Hibrù 12:15

Mbə̀ bə kìrə ika ni gha imbə̀ʼ wə̀d mɔ̀ʼɔ nɔ̀ʼ sam ìchɔ̀mì Ŋwiye. Imbə̀ʼ mbə̰ saŋa awən gha ngwèd tibɔ̀ŋ kweg inən inga fìŋ si ko inug tibɔ̀ŋ.

Matìyò 18:3

Wì ya si ghà inɔb gha, “Mə gha tesiʼ inən gha, mbə̰ mənyìʼ kɔ̀pɔ si yaʼ icheg bɔn kwa kwa, nji chəyi mbə̀ biri nyi inga anug ìfɔ̀n ikaŋ.

1 Jɔn 2:19

Bəd ìpàb mbo̰ ya yaʼ abɔ̀ʼ ina. Si ya gha, chəyi mbɔb ya yaʼi ane ifɔti tì Kristo icheg ina. Àkə aghi ne mbɔb ya yaʼi ane ifɔti tì Kristo icheg ina, nji chəyi mbɔb ya du. Icheg ne mbɔb du, ze chwi gha chəyi mbɔb ya yaʼi ìmba bəd.

Jn 14:19

Àsi bùʼ məyi ikə nyumə̀ ne chəyi bəd igun isəg biri ywiri bàd amə. Si ya gha, mbə̰ biri bàd amə. Icheg ne mə̀ yaʼi izɔm, à ya bə̀ icheg ne mbə biri yaʼ izɔm.

Mk 14:72

Kwàʼ ati ati, inɔm ngub ya ywìrì tɔŋ ane ighəm ni pè ane abe. Anyumə̀ we, Pità ya kɔndi ìngam we ne Yeso ya ghà ibo gha, “Bɔŋ inɔm ngub se tɔ̀ŋɔ aghəm abe, àghò biri fə to̰ awe mə aghəm atad.” Wì ya kɔndi ane, nə̀ŋə̀, chwḛ məsi.

Mk 16:7

Mbə̀ ghò yaʼ abə mə̀mə̀nənùg məd fɔrɔ abə Pità pè ghà inɔb gha Yeso we ghò inɔb imbìghè a Galìli. Mbə̰ biri bàd aməd angu kwàʼ icheg ne wì ya fə gha inən.”

Matìyò 26:75

Ane, Pità ya si wèndi anug ze ne Yeso ya ghà ibo gha, “Bɔŋ inɔm ngub we se tɔ̀ŋɔ, àghò biri fə ton awe aghəm atad gha chəyi àghò kyèri amə.” Icheg ne wì ya wendi ane, wì ya dù ghò isəg dèg se mèʼè məchə.

1 Pità 1:1

À ya mo Pità, wə̀dtɔm Yeso Kristo ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye chɔ̀ʼi, ne yaʼi mə̀Ju mbe ne sàka ghò inga Pontùs, tì Gàlesìyà, tì Kàpàdosìyà, tì Esìyà fɔrɔ Bìtinìyà.

Rm 8:32

Ŋwiye kə mə̀ chəyi wì ya to̰ ni nàʼ Ŋwan məd gha wì yeʼe ku atog ina mba məjìm, mbə kɔ̀ndi gha chəyi wì biri kɔ̀ŋ ni nàʼ ighi ndəŋ ijìm ina?

Tayitùs 1:1

À ya mo Pɔl, wə̀d àfàʼì Ŋwiye ne bə̀ yaʼ wə̀dtɔm Kristo ŋwàʼri àŋwàʼrì azo̰. Ŋwiye ya chɔʼ amə gha mə̀ ghiyə ibḛfiŋ abə bəd mbe ne wì chɔ̀ʼi we təm kà. Wì ya bə̀ chɔʼ amə gha mə̀ ghiyə mbe kyeri tesiʼ we ne biri ghì mbɔb chughi ane ikuchèg ne Ŋwiye kə̀bi.

2 Timotì 2:18

Mbɔb fə waʼ tesiʼ we ne yaʼi inga Ìngam Ŋwiye. Mbɔb mbe ghàmà gha anug ni zweme ane iwu ya fə chè. Mbɔb ya ghìyə̀ ane chìkə̀ ibḛfiŋ abə bəd ndan ndàn.